¹ Oo, ba Galatia babhobho nde ca? Animbe anoogi mono?Dekebhisi pho bhase nyongo a kukua a Yeso ka mee a nkpato mosa anu? ² Co,nenuusi pho ?Boyoi Mema a Mokonga ka nyongo a ambe a eophi ndea ba Yudha ,nna to kanyongo a beekea a Kilisito a bo? ³ Bbhobhokima bende? Bii dokokpangi ndiu ka toa a Mema a Mokonga,co,keke nde, bookaba ba a bakpa ba anja phee,ka nyongo a bukpekpe nenu sasa anu? . ⁴ Dobogi to kema ndo bhui jai?Nna bo. ⁵ Mokonga danogabhei Mema anja neke,a photo ototokisa ketangao sosobe anu?.Co,dagi bondo ka nyongo nde,baombi eophi ?Beendo.A to ka nyongo nde ,bobeeki nyongo anja ndea Mokonga. ⁶ A to bindo dabadundu nyongo a Abhalayamu subi a buku a Mokonga gea, Dambeeki Mokonga,ka bondo Mokonga oamophana,nkpa neke a doni. ⁷ Bii a bo, ubhani gea,bakpa nde bambeeki Mokonga ,bande bana Abhalayamu a ka mema. ⁸ Buku a Mokonga daangi mosa gea,mbeno nde bakpa nde bana ba Yudha bambeekeande,ebophanande gea,bande bakpa neke,a doni.Ka bondo unge,buku a Mokonga damphangi Abhalayamu gea,Mokonga abhisande njaga k'ekuna bhubhui ka nyongo ka nyongo ako. ⁹ Ka bondo, mbeno nde Abhalayamu dambeeki Mokonga mosa mosa, Mokonga dakambhisii tondo Abhalayamu njaga sasa ake,dabhisi photo nja gu a Babeeki bobhu. ¹⁰ Co,Mokongo esemeigi ajede bakpa nde baokaba amba eophi.A to bindo buku a Mokonga agi,"Mokonga ansemeigi ajede nkpa nde nnaoamba esa bhubhui,kema bhubhui nde a subi a buku eophi neke." ¹¹ A photo bhase gea, Mokonga nnaombeekea nkpa gea, ande ntoa doni ka nyongo a amba eophi.Nga,buku a Mokonga ayongi go to,Nkpa ndea Mokonga a to oende ka nyongo nde ambeeki. ¹² Eophi nnaoengemeana na beekea.Nga,buku a Mokonga agi,nkpa nde aoamba eophi,akeni adokomisa nyongo bhubhui nde a subii. ¹³ Bii,Kilisito daku k'oma nesu,dasoamisi ka kukua eophi .Datotokisi nndo bii Mokonga dansemeigi ajede.Nga,buku a Mokonga ayongi be:Nkpa nde baonkpata gu a me,a ambe Mokonga aonsemeaga ajede. ¹⁴ Kilisito dagi bo ka gea,moko ndo Mokonga damoku Abhalayamu,abe photo ka bakpa nde bana ba Yudha.Eya nndo a unge datu moango neke.Ka bondo,bobhu,betoi Mema a Mokonga.Nga,Mokonga dasophi Mema ake ka totokisa a moko neke,ka nyongo nde,bembeeki. ¹⁵ Baya,nnde ande kema nde auubhukana bhase.Aoba nkpa nabongisigi moko neke anja,banaotoka nabadu moko ndo, bana photo otoka nababhisi nyongo nengbo gui. ¹⁶ Co,Mokonga damoku Abhalaamu na nkpa nde abokoteanaeka k'ekombo neke.Buku a Mokonga dakayongi,moko a ka batoa k'ekombo neke bobhu,gea te ,moko ndo datu ka bakpa ba asi .Dayongi ndiu,moko a ka nkpa moti,mmbe abokoteanaeka, nande Kilisito. ¹⁷ Cina a boabhi nemo a bendee:Bii Mokonga dabhisi moko neke,nnaoketia.Eophi nde dakidiani mbusa a basaga mia gena na nkama asao,nnaotoka nabuni moko ndoo.Nna photo otoka naujiu. ¹⁸ Co,kabe naba to otoa botuko ndea Mokonga ka nyongo a amba eophi,ambe banaotoa ka nyongo a moko.Nna gake bo.Ka bonjanja ekondi ndea Mokonga unge,damoku Abhalaamu botuko. ¹⁹ Co, eophi ndea ba Yudha aogea kema sima?Mokonga dabhisi eophi ka nyongo a ubhisa a bakpa bojede nebo.Atokeni photo eophi abe bei ka sungiaga bii mena-moko abokoteanande,mmbe ande mosuko a Abhalaamu.Bamalaeka ba unge dabamubhisi Mosa eophi,abe ntonganisi. ²⁰ Co, ntonganisi aoma sosobe ekombo ibe.Mbeno nde Mokonga damoku Abhalaamu,datu to sasa ake,kanga a ntonganisi. ²¹ Ande gea te ,eophi atinganigi na moko ndea Mokonga? Tanda pho. Atu oba nababhisi eophi nde eamisande bakpa ka mema ambe nkpa abande ntoa doni,mmbe Mokonga ambeeki,ka nyongo eophi ndoo. ²² Buku a Mokonga ayongi gea,eophi ande bea nkpa nebhisi bakpa bobhu subi a mekako a bojede.Mokonga dagi bo ka gea,bakpa nde bambeeki Yeso Kilisito,baoba n'phe a teai bindo Mokonga daoku. ²³ Nga, mosa a bhisa a moango a beekea,eophi dasoambi bea batoa mekako.Ka bindo,debeiki subii na ka bii Mokonga asophangiande moango a beekea. ²⁴ Nga, eophi dasoambi na ka bii be ye na moango a beekea ake. ²⁵ Keke nde gake,bii be ye na moango a beekea a Kilisito,nna ye eophi unge aosoamba. ²⁶ Co,benu bobhu,ka nyongo a beekea a Yeso Kilisito,bo yeto bana Mokongoa. ²⁷ Bii banobatisi ye k'ina Kilisito,ande bea ola a bhongo a keke. ²⁸ Ande gea te,bii boiki subi a Kilisito,bo to bea nkpa mo. Ye okatanaga:kabe ba Yudha na bakpa nde bana bakobe,boko na bake. ²⁹ Kilisito ande muna Abhalaamu.Bii boongani ye na ye,bo yeto bamena botuko neke ka nyongo a moko ndea Mokonga.