¹ Co,mbusa a basaga nkama moti na gena,neoja na Yeusalema kimoti na Balanaba,ne photo onga na Tito. ² Dege ko nga,Mokonga a ambe damophangi aphe.Ko,dephangi babeeki nyongo anja nde neotomia sosobe a bunde bana ba Yuda.Ne goto ogea bondo mote a bakota a kanisa ka mpephe.Nga,deobangisa gea,ekuma nemo a kala ninde a keke,kabe mono etiti. ³ Bo,dabakansosi tanda mo giliki ndo Tito gea,ague ganja.Yea ambe debetambi na ye kimoti. ⁴ Oa ndo,bamunamasu a mbea dabengisi sosobe asu ka bosomea,baogea banguse Tito ganja,baengekie bii bemeeki Kilisito Yeso kanga a banga asomba ndea ba Yuda.Ba ndiu okonda gea,bebe bakobe esomba nebo. ⁵ Debekeboki tanda ,be ndiu okonda dokomisa a kodoni a nyongo anja nde bobeeki. ⁶ Bokota a kanisa dabakadabu photo kema ka bophei nesu.Nanga bii a bo,kokota nebo dakatu kema mosa ani ka nyongo nde,Mokonga nnaonsomboa nkpa ka nyongo a kokota neke . ⁷ Dabaoni ndiu gea,Mokonga amopi ekuma a tomiaga a nyongo anja ka bakpa nde bana ba Yudha.A to bindo damophi Petele ekuma a tomiaga a nyongo anja ka ba Yudha. ⁸ Doni,Mokonga amoophani ka bakpa nde bana ba Yudha. ⁹ Mpo,Yakobo,Petele,na Yoani,bakpa nde bande bea emoti a kanisa,baosobeekea,eme na Balanabha,beookana na bo gea,bege mote a bakpa nde bana ba Yudha. ¹⁰ Dabasomemi to gea,bekanisie bakusi ndea kanisa nebo.Nndo ungo detu na ka totokisai. ¹¹ Esa nengbo,eme na Petele,beodhondana ka Antiokia,neonkea mosa a bakpa bobhu ka nyongo nde,dagi ajede. ¹² Nga,Petele daembani na eaga kimoti na bakpa nde bana ba Yudha.Esa nengbo,bakpa nde Yakobo eteki,baokidia.Mpo, Petele aodoa eaga ,aokatana na badhasu bakilisito ,bunde bana ba Yudha .Na, daobanga bateki ndo bundo dababeeki eophi ndea ba Yudha. ¹³ Mpo,badhake na Petele,baombea k'aphe a maibhe ndoo.Bhalanabha a photo ongisa ka maibhe kau. ¹⁴ Co,bii neoni ye tambea a Petele na badhake,nakaengemeani na kodoni a nyongo anja ndea Mokonga,neonkea Petele mosa a bakpa bobhu:"Obe,onde mo Yudha.O gake otambea bea nkpa nana mo YUdha,notogi anja?Co,nyongo sina nde oososea bakpa nde bana ba Yudha gea,batambee bea ba Yudha?" ¹⁵ Ka bokoteana,besu bakilisito ba Yudha bende ba Yudha doni,beyonyi gea ,bakpa nde bana ba Yudha bakaambi eophi nesu. ¹⁶ Be gake uubha gea,Mokonga nnaombeekea nkpa ka nyongo a amba eophi ndea ba Yudha.A to ka nyongo a beekea a Kilisito Yeso.Besu photo,bembeeki kilisito Yeso ka gea te,bebe batoa doni mosa a Mokonga .Bekebeku batoa doni mosa ake ka nyongo a amba eophi .Nga,nna na nkpa nde Mokonga ambeekeande gea te,ande ntoa doni,ka nyongo a amba eophi. ¹⁷ Benu bakilisito baYudha ,beokaba gea,Mokonga asobeekee ka nyongo a Kilisito .Bakpa nde bajigi k'esomba ndea ba Yudha,ba gake osogea te,bende batoa bojede ka nyongo adeketa eophi nesu?.Co,bii baogea bo,ande gea te, Kilisito a ambe aobotea bakpa k,aphe a bojede? Aoboboa . ¹⁸ Nga, aoba nenesiki mbusa k'eophi nde dedeketi,ande gra te,nengisi goto sasa ani ka bojede. ¹⁹ Co, neku yeto nyongo eophi ndea ba Yudha.Ka bondo,eophi nndo nna ye na kantiti k'eme.Bii a bo,ne yeto oenda ka nyongo a Mokonga.Eya, neku kimoti na Kilisito ka mosaaba. ²⁰ Ka bondo, nna ye eme ambe neoenda.Kilisito a ambe a yeto oenda subi ani.Bii nembeeki muna Mokonga,a unge neogea kema bhubhui ka nyongo ake.Nga, ye a ambe damokondi, aomokuia. ²¹ Kedoeku bonjanja ekondi ndea Mokong.Nga, aoba Mokonga namobeeki ka nyongo a amba eophi ndea ba Yudha,co,kukua a Kilisito a to etiti.