¹ Ka kanisa dangadanga ndia galatia ,sambaani .Eme nteki Polo na ambe nedundu baoba n'nde.Banamasu bobu banosambei photo. ² Co,nende nteki nde ba Yeso kilisito na abe Mokonga,mmbe dajujukisi yeso ka kukua.N'na nkpa ambe amoteki. ³ Abasu Mokonga, na Mokota Yeso kilisito,anophe bojeje na bonjanja neke . ⁴ Ye ambe da beeki kuia asu,aosophuia ka bojede a ka mokonda nde,bindo abhasu Mokonga daangi. ⁵ Ka bondo,Mokonga abe na boombia ka saga na saga.Abe bo. ⁶ Co,neyayani phee.Nga,bokamisigi deketa a Mokonga nande ye ambe danoophani ka nyongo a bonjanja ekondi ndea kilisito.Boketi photo ka bea a moango nengbo,odhemayo. ⁷ Nga,moango a kilisito nengbo nna bei.Ande gea te bapka buangbo baonodhemaga,baokaba tukatuka a moango a nyongo anja ndea kilisito. ⁸ Co, ubhani bhase gea kabe nkpa sosobe asu bateki,kabe malaeka natoki na kobha,ka bo nanotomigi nyongo a moango,nnde atinganigi ninde debenotomigi,co,Mokonga anyege saga na saga . ⁹ Nema ogeae,a to bindo debeyongi mosa:Aoba nkpa nanotomigi nyongo a moango,nnde atinganigi ninde dabobeeki,Mokonga anyege saga na saga. ¹⁰ Ande gea te, neokondisaga na bakpa ?ke gake okondisaga na Mokonga ?neokondisaga na bakpa,ambe ke mbhedanigi adoni ndea Kilisito. ¹¹ Baya,nekondi buubhe doni gea,nyongo anja nde neotomiaga,katoki ka bapka. ¹² Bii a bo,nna nkpa ambe damophi .Nkpa dabamogoisigi photo .Yeso Kilisito a ambe damophangigi tondo. ¹³ Nga,dobooki tambea ani bii de photo k'esomba ndea ba Yudha ,na photo bii deodambisaga batoa -kanisa ndea Mokonga,neokaba tukatuka abo. ¹⁴ Eya,degoigi phee nyongo esomba ndea ba Yudha.Neonyenya baganja ani.Neoba na moingi ka bhedaneaga a Mokonga bindo batate nabatu ogea. ¹⁵ Mbusa,Mokonga,mmbe damosambu mosa a bokoteana ani aoba na mophe a ophana ani ka nyongo a bonjanja ekondi neke . ¹⁶ Aomphangia gea ,anake Kilisito a subi ani .Bii a bo,dakeni netomiege nyongo neke ka bakpa nde bana ba Yudha.Ka matu ndo,dekekabigi bophei ka nkpa. ¹⁷ Ne ndiu okamisaga ga na kenombe alabhia.Mbusai,neosikianaga na Damasiki. Nga,dekege na Yeusalema k'aphe a ona abatekinde ba a mosa ani . ¹⁸ Mpo,mbusa a basaga basao,dege na Yeusalemu k'aphe a ubhana na nteki petee.Ne to oika na ye esa nkama moti na boku . ¹⁹ Dekemoni tanda ka angbo.demoni to Yakobo,moto a Mokota Yeso. ²⁰ Co,nenongodi doni mosa a Mokonga gea ,kema nde nenodundui nna mbea. ²¹ Netoki ye na Yeusalema,neoga danga,nkekeo a Sulia na Kilikia. ²² Ka matu ndo,batoa kanisa ndea yeso bobhu,bunde ba ka Yudea,dabakaomuubha ka keongi. ²³ Daba to ooka gea,nkpa nde daosotambisaga mosa,co,keke nde,ye a ambe a yeto otomiaga nyongo a beekea a Yeso,nndo daotukatuka . ²⁴ Babeeki ndo bobhu ba gake ombhebha Mokonga ka nyongo ani.