¹ Kyekirhumire rhwerhurhali herhe kukilembera, aliko rhwakiyemeza, kuyorha rhwenyine omu Athene, ² rhwarhuma Timoteyo, mwene werhu, mukozi wa lulema omu mwazi gw'obuholo gwa Kristu, oku bakomeza n'okubayigiriza enyanya z'obwemere byenyu, ³ Naho nta muntu obayubahisage ahagarhi k'amalumwa gabahikire; oku hamagalwa kwerhu ebyo bilimo. ⁴ Amango rhwaliri haguma nenyu, rhwali bamenyeseze oku ndjo rhwagera omu mahangayiko, oku byahikire n'oku mubiyindji. ⁵ Haguma n'oko, omu kurhakihangana kwani nabona imbabwire enyanya z'obwizere bwenyu, omu kuyubaha amarhangulo , arhabarhangulaga n'okukolera busha. ⁶ Aliko Timoteyo, hano hano ndjo ageraga emwenyu, arhuhereza omwazi gwinja n'obusime bwenyu, anarhubwira oku munachiyibukire ebi rhwa bajiriraga, munaherhe enyifindjo z'okurhubona nkw'oku nerhu rhuziherhe. ⁷ Ekyo kyarhuma, mwene werhu, haguma n'ebibazo n'entambala, rhwali heberwe omurhima oku bibazo byenyu nw'oku bwemere bwenyu. ⁸ Bula bino bichandji rhuhemere, bula muli bakozi bagendekere omu karhi ka Nahamwerhu. ⁹ Ntulo ya lukogo nchi, oku buzinda rhwakaha Lulema enyanya w'esomo lyenyu, oku bushagaluke boshi rhwashagalukire enyanya zenyu embere za Lulema ! ¹⁰ Obudufu n'ezuba, yi rhwahuna bwenene arhugaze kubabona, n;okuyushula ebibulire obu bwemere bwenyu. ¹¹ Lulema yenyine, darha werhu, na Nahano werhu Yezu, arhurheganyize endjira y'okuyinja emunda muli ! ¹² Nahamwerhu ayushule kandi na kandi omu garhi kenyu, n'embere wa boshi omu busime rhuherhe enyanya zenyu, ¹³ Okubuzinda li rhukuza emirhima yenyu yeba yabuzira kushungwa emidoke omu bushinyanya embere za Lulema darha werhu, n'ebidjiro bya Nahamwerhu Yezu haguma n'abashinganyanya bage !