¹ Mwenyine mumenyere, bene berhu oku kugerera kwerhu emwenyu kurhabaga buzia kamaro. ² rhuyusa libuka, n'okudukangwa e Filipo, nkw'oku mubimenyere, rhwakiha omwikumbo mub Lulema werhu, yi rhubabwira ekinwa ky'obuholo bw Lulema, omu ntambala zinene. ³ Bula emyazi yerhu erhayumangire oku kirhebeka, er oku lwazizo luzigire oku kiha omu burhali bushinganyanya; ⁴ Aliko Lulema abona oku rhushinganene okuhabwa ekinwa ky'obuholo, kye kirhumire yi rhwa derha, arhali nka basimisa b'abantu,aliko nka basimisa Lulema, yeyundja emirhima yerhu. ⁵ Nta mango, rhwakoleseze ebinwa by'okulyomereza, nkw'oku mumenyere; Ntamango rhwakolere enda nene, Lulema yeli muhamiriza. ⁶ Rhurha lonzaga omubantu, eri emwenyu eri oku bandi, rhwakayindjire n'obukulu nka ntumwa za Kristu, ⁷ Aliko rhwayundjwire obwirhonzi aha kagarhi kenyu. nkw'oku omuzere ashashira abana bage, ⁸ rhurha kabagire, omu busime bwerhu bunene emunda muli, arhali kubaha ekinwa ky'obuholo kyonyine aliko n'akalamo kerhu, nkw'oku mwa rhuberaga b'akamaro. ⁹ Muyibukire bene berhu, akasi kerhu n'omurhamo gwerhu : ezuba n'obudufu okumirimo, yi ntaye rhuzidoherag, rhwabayigirize ekinwa kya Lulema. ¹⁰ Muli bahamiriza na Lulema naye wundi, oku rhwayakirene emwenyu mwe muyemerere oku oborhere bukesibwa, nw'okurhashindjwa. ¹¹ Mumenyere kandi rhwali berere ngasi muguma wenyu echi omushamuka abera abana bage, ¹² Rhubahunire, n'okubashishiriza, mulambagire om bushinganyanya bwa Lulema, bubayibwise obwami bwage; n'erenge lyage. ¹³ Kyekirhumire rhugenderere kukuza Lulema, eki rhwabayumvisaga, mwakiyakira, arhali nka binwa ky'abantu, nka kinwa kya Lulema ky'okunali, y'akola mu mwebemezi. ¹⁴ Bula mwabo, bene berhu mwabere bakuyigamya amashengero ga Lulema gali mu Yezu Kristu omu Yudeya, bula nenyu, mwalibukire elugulu wa amalibuko benebenyu balibukaga kurhenga emwa abayahudi. ¹⁵ Anali abo bayahudi bayirhaga Nawerhu Yezu Kristu n'abalebi, babarhulibusag, birhasimisaga Lulema, bobanali bashombanyi b'abantu boshi, ¹⁶ Barhuhanza kuderha n'abarhali bemezi yi bayemera, yi baleka obubi bwe byaha byabo. Oburhe bwayinji bagerako. ¹⁷ Oku bwerhu, bene berhu, ebi bichandji rhurhali haguma nenyu, oku mubiri arhali oku murhima, rhwali herhe enkumbu nene y'okubabona. ¹⁸ Rhurhali bagire rhuakayindja emwenyu, nyono Polo, liguma eri kabiri, aliko omushomanyi arhubuza byo. ¹⁹ Biki bili mulangaliro bwerhu, olwimwogo lwerhu, eri ekishema kyerhu ky'obulangashane? arhali nenyu, emalangamere, emalanga mbere ga Nahamwerhu Yezu Kristu, amango yegaluke ? ²⁰ Neki, mwebulangashane bwerhu n'obusime bwerhu.