¹ Okubuzinda, bane berhu, bulala mwayumvaga kurhenga emwerhu kurhe mukwanene kulambagira n'okusimisa Lulema, n;oku munali mwabidjira, rhubahemere mugendekeze omu zino lya Nahano Yezu kristu n'ukulambagira n'oborhere. ² Mumenyere ahola, mwazi guki rhwabahaga gulolere Yezu. ³ Bula ebi Lulema alonzeze, obukyese bwenyu, kurhe wakifarha n'oku kihanza omu koni. ⁴ Ngasi muguma mu rhwewe amaenye okulanga omubiri gwage omu bukesibwa n'obushanyanya, ⁵ Buzira kukihana omu mashumi mabi nka kulala abapagani barhenji Lulema. ⁶ Nta muntu olonza akange mwene wabo, ao amujire omu byage bulala Nahano yelolera ngasi muntu mwebyo byoshi nkoku rhwababwirire, n'okubayemeza. ⁷ Bula Lulema arha rhuhamagala omu kugira ebyaha aliko omu bukesi. ⁸ Owakabula eyo myazi arhakabula muntu, aliko Lulema wa bahaga omuka mukesibwa. ⁹ Ebilolere obuzigire bwa bene berhu, birhamere oku bayandikire byo, bulala mwabi habirwe na Lulema n'okusimana rhwenyie oku rhwenyine. ¹⁰ N'ebyola bimugirira bene benyu omu Makedoniya mwoshi, aliko rhubayingingire bene berhu okugenderera nk'amango gw'obuzigire. ¹¹ N'okuheba obukenge bwenyu haguma, okulama omu buholo, n'okukolese efune zenyu, nkw'oku rhwabahemaga. ¹² N'okukulambagira omu bushinganyanya embere z'abali embuga, n'okubona orhagwerhe obulagirire bw'owenyu. ¹³ Rhurhalonzeze, bene berhu mpu mubere n'okurhamenya kw'abola balyamire yi murhaba kuguma na balala barha herhe obulangalire. ¹⁴ erhi rhwakayemera oku Yezu afire ana fuka kandi rhuyemere oku Lulema ndja alerha kugerera Yezu abafire haguma naye. ¹⁵ Lola, ahola oku birhwababwiraga okubilolere omwazi gwa Nahano: rhwewe rhwerhu zene, rhuyorhe rhwalinga okuyindja kwa Nahano, rhukarhanga abafire. ¹⁶ Bula Nawerhu yenyine njo ayerekana ok'izu lyage kugera malaika n'omushera gwa Lulema gwa rhenga embingu n'abafire muli Kristu banafuke ember. ¹⁷ Na hola, rhwabo rhuzene, nji rhwazamuka haguma nabo omu bichu n'okushiganana hano omu bya lenga, n'okubera haguma na Nawerhu. ¹⁸ Mukihe omurhima mwenyine oku mwenyine kw'eyi myazi.