² cho pychywerã idjape idja guaã rupi idja ipo pra rupabu; ga nonga cho poropawerã go ekuandy puagi ingi idjadji wywypem gigi wywy kajambawã go ymachigipe cho djukawera. ³ Go nongagobu emichio erupawerã dje puara go ekuandy puagi wywy go wedjabuare dja rekuatygidji. gogio wywy enkomsawerã emi. okryra gatupoe dje rõ kuara rekoty etakra kbe egipe dje djuka ⁴ kowe djawu membyregikowego Absalon puarã emi Israelpua chuegi wywy puarã wenduwe prowa gotu roma. ⁶ Husai wembu Absalon endape. Absalon inama gogipe go noga jawuma Ahitofel: cho jopewerã ko idja jawu cho japollawerã : Mbuerõ idje kua'a ⁷ Gobu rõ Husai inama Absalompe go kiupytygi Ahitofel idja mewegi rõ buchã. ⁹ Gigi rõ ĩwera djemipe go ita wachu djãwã wywy rupi, emigo duwe rekuaty wywy. Gope wareboku etakrã wywy godje irõndygi, gobu go duwe wywyw wenduaregi inawerã: djuei wachu wẽ roma go Absalon kbee wywy mbychepe. ¹⁰ Gobu kbee wywyw dja krymbacheigi go djuu nongagi gogi wywy rõ djãprara opa owerã; go Israel puatygi wywy kua gatudjiwa go dje apã rõ kbee krymba gatuechegi, emigo duwe dja djawẽwatygi wywy emi. ¹² Gobu nanje wapawerã gogi wywy llabu, gogi wywy indy wywy rupi, go nandje wywy wabu gogi wywy llabu go chapy wa nonga ywy llabu, nandje wywy etakrã tapy tarape gope djemiwã, gopego ¹⁴ Gobu roma Absalon emi go duwe Israel puatygi, ina: Go Husai Arak puatygi go djawurõ kbeoatuwe go Ahitofel djawudji, go djawurõ Apã Wachu kiuwegi djapoeme ga mondo go Ahitofel djawu inawegi, go Apã Wachu buewadjiwa bue buchã go Absalon llabu. ¹⁶ Go buare buega bitallãpe go etakrã buepytygipe, go kiupawã Davidpe: Pendje warõemegope kowe chãwãmbu go kawachupe go Jordampe owã wachapytygipe, gope djuei wachu wellãwago ymachidja wachugipe, emi go rupiwa dja ekuãndy pua wywydji. Go ettakrã kbuchuwe wechãma Jonatan emigo Ahimaape wẽmbu, gobu go oma kiuwã Absalompe; go buare go mirõgi wata chidja roma o wẽmpe Behurimpe, go etakra kbee tapype, go rekogi dja tapy mamambyrepe etakrõ ywy ikua, gope ojemi romami gagipe ²⁰ Go Absalon mbuetygi wywy go kudja ymagi tapype praduma idjape, inambu: mawepe pi Ahimaan emi Jonatan. Gobu kudja ymagi inama gogi wywype: wachama o go kbee go wachapytygi rupi. Gogi wywyw kuarareko emi dorallãmbu go kbeepe gogi wywy djewyma o Jerusalempe. ²² Gobu roma David puãma go dja irõndy wywydji go dja djawẽwa wywydji gobu wywy wachama o kuẽ padjemi go Jordan. ĩmbechema go Jordan y purã wachallãgi. ²⁴ Go David ekõbuma Mahanaipe gobu Absalon wacha ypurã Jordon gogi wywy go duwe wywy Israel puã wywydji. ²⁵ Go Absalon mima Amasãpe tohãgi ymachidja, Joab edawepe. Amasa etakra Israel pua teyiyi, bukuapyre itra. goburò epomo'o go Abagail Naas teyiy Kudja, goro sarvia pawe Goab. ²⁶ Goburõ Israel tapy djorioma ekuandy galaad ywype go Absolondji ²⁷ David wemao Mahandaipe, sabi Nahas tey'y go dja ekuandy Kabu pua Amon irondywe, Go Maquir, Amiel tey'y Lodebar pua. go Barsilai, Galaad pua Rogelim guadji. ²⁸ Go kbee wywygi eruma Davidpe emi go dja djawewatygipe djno endaty, mo'õ kara, trigo, cebada, trigo bue kui'i bue ã'ã wechypyre, bue ã'ã pechepyre, lenteja ²⁹ Emi mynga, kãmby tapia kyrawe, wachupurã, emi bue achĩpurã kãdiiwa djapopyregi, go wywy uwã, go nonga gogi wywy inama: Go David emĩ'go dja djãwewatygi gua buchawera, emi y djueahewerã, gogi wywy kã wachupe.