¹ Go David wachamao kuabuku ywapu kudji, gonoga siba, Mefiboset buetygi, wemao go dorawã David mirõ bepurã keipa iro wywydji, go llabu eruma miro tapa tapa wikytã, emi etakrã tapa tapa chipo purã lla'a dja ãkã djiwe go etakrã tapa tapa go emi wikytã engatu chipo purã lla'a, go etakrã chipopurã ty'y go mbeche pire wedjiwa. ² Go ymachidjawachu inama Sibape: Buerõ kowegi emi Siba inama idjape: Kowe bepurã djacho ymachidja wachugi dja tapy wywy puarã upiwa dja eche llabu emi wikytã lla'a wywy dja irondy wywy uwã, emi chipopurã lla'a ty'y uwã go prorupawegi kawachupe. ³ Go ymachidja wachugi prandu: Matyrõ ĩ dje rekuatygi tey'y. Go Siba inama ymachidja wachugipe: Gorõ ĩ kowe Jerusalenpe, inawe djiwa: Kowe krebu Israel pua wywy mebawerawyche chope cho Apã ymachidja wacha wapy endatupe. ⁴ Gobu ymachidja wachu inima Sibape: kuagatuga mondo, cho mewero dje puarã, Mefiboset dja rekapopyregi wywy. Go Siba inama dja tõ wychobu: cho ymachidja wachugi cho apã, cho dorowã djã ury gatupe dje chã ruwa. ⁵ Go ymachidja wachu ekõ Bahurim pewe; go nonga kowepe wema etakra Saul tapy pua wywy dja irondy, dja bykuapyre simei, gorõ Gera tey'y; go doro wãpe Davidpe buepyre idjape. ⁶ Go djapima ita Davidpe, go duwe ymachidja wachu David go dja buetygi wywy,gogi wywy tapy tarã pua go kbe'e krybaichegi go ima llurekuaty emi llachurekuaty. ⁷ Gobu Simei buema mondo: Tokape go kbe'e pirã matãdygi go djãwã buchangi. ⁸ Kowebu Apã Wachu pypyma chope Saul tapy tara pua pirã nuewegi wywy pychyrekowã idja endawepe goburõ Apã Wachu mema mondo ymachidjawachu wapy endaty go dje tey'y Absalonpe; dje wewerõ dja djebiwegi pepy djewarõbeche dje emi kbe'e pirã matãdygi wywgi. ⁹ Goburõ Abesai, Sarvia meby inama ymachidja wachupe: Buerõ mbegi monowe djawe buchã cho apãndji cho ymachidja wachudji cho pukama djepe wedja gami cho owã go tõ'õ mondowã. ¹⁰ Go ymachidja wachu inama: Buerõ cho djapo djepe, Sarvia meby Gorõ djawu buchã chodji Apã Wachu inama idjape djawu buchawã chodji. goware aworõgo gononga ina: bueware dje djapo. ¹¹ Go David inama Abisaipe duwe dja irondy wywype: kowegi cho tey'y wẽwẽgi cho tapy puare, chope djueiwã; cho puka llawera etakra Benjami irondy pua. Bedja mondo djawu buchawã, Apã Wachu go inabe inabe idjape idjape djawu buchãwã. ¹² Apã Wachu miwerãko chope cho dja achype, ẽdawe chope buegatu mewa kowe kry'ybu buepyre djiwa ¹³ David go dja irondy wywydji go obu ape rupi Simei oma kuãbuku wywyty dja chã ruwa go djawu buchama djapima itape ywy tãchima ¹⁴ Gobu ymachidja wachu dja ekuandy pua wywydji gope wema proruchepe go Jordon y ebedji wapypa roma ĩ gope. ¹⁵ Gobu Absalon emi go dja djawewatygi, emi go kbe'e Israel pa'a wywy, ikẽma jerusalenpe, emigo djawewa ahitofèl. ¹⁶ Gobu hasaigo Arak puatygi, David bygatutygi, go ekomã dorowã Absalompe, go husai imama: kawẽ gatu ga reko manollãwa go ymachidja wachugi ¹⁷ Go absalon inama husaipe: go nonga ko dje ury me'ẽ dje bygatutygipe. bueware ko dje ollãcherã go dje bygatutygipe. Bueware ko dje ollãcherã go dje bygatutygidji. ¹⁸ Go husai inamaemi Absalompe: Go nongallã,cho warõwerã go Apã Wachu prowowwegi adjãwẽ, emigo kowe ekuãndy pua go Israel prawopawegidji. ²⁰ Gobu Adsalon inama ahitofèpe: dje kiagami, bue go ore djapowerã emi. ²¹ Go A hitofe inama Adsalompe: rekogami go dje apã breko wywype, gogi wywype wedjapyre dja tapy warõandygi nonga, go nongabu go Israel puagi wywy wenduwerã go dje ka chidja buãwe dje apãdji, gobu emigo dje djawẽwatygi wywype dje chidja gatupa mondowerã ²² gobu gogiwyw djapomami Adsalom puarã etakrã tapy we piredjiwagi go dja opã tapy wachu llabu, go Absalon ekõ go dja apã kudjã wywydji, go Israel pa'a wywy chã rawa ²³ Go nonga Adsalon djapodjapomago ahitofè djawa:go kreype go djemi reko go ahitofè djawawedji,go wacha djawa inawe nonga kura, go nonga rupi David em Adsalon kuapama go ahitofel djawa inambawegi wywy.