^{1 2} 1.ಆತುಡು ಯೆರಿಕೋ ಊರ್ನಿದಾಟಿ ಪತಾವುಟಾಡು. 2.ಆನಾ ಜಕ್ಕಾಯಡನ ಪೆರುoಡ ಒಕ್ಕ ಮನುಷ್ಯಡುಂಟಾಡು;ವಾಡು ಸುಂಕುಮ ಗುತ್ಗೆದಾರುಡು ಮಲಿ ಐಶ್ವರ್ಯವಂತುಡು. ^{3 4} 3.ವಾಡು ಯೇಸು ಎಟ್ಟವಾಡುಸೂಸೆಕಿಅಪೇಕ್ಷೆಪೋಡ್ನಾನುವಾಡು ಕುಳ್ಲೋಡೈನಾದಾನ್ನಿಂಕ ಜನಲ ಗುಂಪ್ನನಿಮಿತ್ತಂ ಸೂಸಕಾಕುoಡ ಪೈನಾಡು. 4.ಆಯ್ನಾಕಾರಣಂ ಆತುಡ್ನಿ ಸೂಸೆದಂನ್ಗಿಯಾಯಿ ಮುಂದ್ರಿಗಿ ಪಾರಿ ಪಾಯಿ ಆತುಡು ವಸ್ತುಂಡ ದಾವ್ಲಾಉಂಡ್ನಾ ಪಾಲ್ ಮಾನ್ನಿ ಏಕ್ನಾಡು. ^{5 6 7} 5.ಯೇಸು ಆನ್ಗಿ ವಚ್ಚಿ ಪೈಕಿ ಸೂಸಿ-ಜಕ್ಕಾಯುಡೆ,ಬಿರ್ನಾ ದಿಗಿ ರಾ,ನೀನು ಈ ಪದ್ದು ನೀ ಇಂಟ್ಲಾ ದಿಕ್ಕಾವಾಲ ಅನಿ ವಾಡ್ಗಿ ಸೋಪ್ಪಾಲು 6.ವಾಡು ಬಿರ್ನಾ ದಿಗಿ ವಚ್ಚಿ ಆತುಡ್ನಿ ಸಂತೋಷಂನ್ನಿಂಕ ಸೇರ್ಪಾನ್ನಾಡು. 7.ದೀನ್ನಿ ಸೂಸ್ನಾವಾಳoದ್ರು-ಈತುಡು ಪಾಪಿಆಯ್ದವಾಡ ದೇಗ್ಗರ್ಲಾ ದಿಕ್ಕಾನ್ನೆದಾನ್ಗಿ ಪೈನಾಡು ಅನಿ ಗುಣುಗುಟ್ನಾರು. ^{8 9 10} 8.ಆಯ್ತೆ ಜಕ್ಕಾಯುಡು ನಿಲ್ಚಾಗಾನಿ ಸ್ವಾಮಿಗಿ-ಸ್ವಾಮಿ ಸೂಡಿ ನಾ ಆಸ್ತಿಲಾ ಅರ್ದoನ್ನಿ ಬಡವುಲ್ಗಿ ಇಸ್ತಾನು;ಮಲಿ ನೀನು ಅನ್ಯಾಯಂಗ ಯವ್ವಲ್ನಿಂಕ ಎಮೈನಾ ಎಸ್ಲಾಗಾನಿಂದೆಆಯ್ತೆ ನಾಲ್ಗಂತ ಯನ್ಕಿ ಇಸ್ತಾನು ಅನಿ ಸೋಪ್ತಾಡು. 9.ದೀನ್ನಿ ಇನಿ ಯೇಸು-ಈ ಪದ್ದು ಈ ಇಂಟ್ಗಿ ರಕ್ಷಣೆಆಯಾ ;ಊಡು ಸಹ ಅಬ್ರಹಾಮುಡ ವಂಶಿಕುಡೆ. 10.ಮನುಷ್ಯ ಕುಮಾರುಡು ಸೇಡಿಪೈoಡದಾನ್ನಿ ತಡ್ಕಿ ರಕ್ಷಿಚ್ಚೆದಾನ್ಗಿ ವಚ್ನಾನು ಅನಿ ಸೋಪ್ನಾಡು. ^{11 12} 11.ವಾಳು ಈ ಮಾಟಲ್ನಿ ಇನ್ತುಂಡಗ ಯೇಸು ತಾನು ಯೆರುಸಲೆಮ್ಗಿ ಸಮೀಪಂಉಂಡದಾನ್ನಿನ್ಕಾನು ದೇವುಡ ರಾಜ್ಯಾಮು ಕೂಡ್ಲೇ ಪ್ರತ್ಯಾಕ್ಷಂಆಯ್ನಾಟ್ಲಾಉಂದಿ ಅನಿ ವಾಳು ಭಾವಿಚ್ಚುಂಡದಾನ್ನಿನ್ಕಾನು ಇಂಕ ಒಕ್ಕ ಸಮ್ಯಾಮ್ನೀ ಸೋಪ್ನಾಡು. 12.ಅದೆಮಂಟೆ-ಶ್ರೀಮಂತುಡೈನಾ ಒಕ್ಕಾಡೊಕ್ಕ ಮನುಷ್ಯಾಡು ತಾನ್ನು ರಾಜ್ಯಾಧಿಕಾರಂ ಪೋಡುಸ್ಗಾನೀ ಯನ್ಕಿತಿರ್ರ್ಗಿ ರಾವಾಲನಿ ದೂರಂದೇಶಾನ್ಗಿ ಎಲ್ನಾಡು. ^{13 14 15} 13.ಎಲ್ಲೆನಪ್ಪುಡು ತನ್ನ ಮನ್ಸಿಲ್ನಿ ಪದಿಮಂದಿನ್ನಿ ಪಿಲ್ಚಿ ವಾಳ್ಗಿ ಪದಿ ಮೋಹರಿಲ್ನಿ ಇಚ್ಚಿ-ನೀನು ವಚ್ಚೆತನ್ಕ ವ್ಯಾಪಾರಂಸೇಸ್ಗಾವುಂಡoಡ್ಡಿ ಅನಿ ಸೊಪ್ಪಿ ಪೈನಾಡು. 14.ಆಯ್ತೆ ವಾಡ ಪಟ್ನಾoನ ನಿವಾಸಿಲು ವಾಡ್ನಿ ದ್ವೇಶಿಚ್ಚಿ ವಾಡ ಎನ್ಕ ರಾಯಭಾರಿಲ್ನಿ ಅಂಪಿಚ್ಚಿ ಊಡು ಮಾ ದೊರೆತನoಸೇಸದಿ ಮಾಕಿ ಇಷ್ಟoಲೇದು ಅನಿ ಸೊಪ್ಪಿಚ್ನಾರು. 15.ಆಮಂಕ ವಾಡು ರಾಜ್ಯಾಧಿಕಾರಂನ್ನಿ ಪೋಡುಸ್ಗಾನಿ ಯನ್ಕಿತಿರ್ಗಿ ವಚ್ಚಿ ತಾನು ದುಡ್ಲುನ್ನಿ ಇಚ್ನಾ ಮನ್ಸಿಲು ವ್ಯಾಪಾರಂನ್ನಿಂಕ ಎಂತೆಂತ ಲಾಭಂ ಸಂಪಾದಿಚ್ಗಾನ್ನಾಳನಿ ತಿಳಚ್ಗಾನೇಕಿ ವಾಲ್ನಿ ತನ್ನ ದೇಗ್ಗರ್ಗಿ ಪಿಲ್ಬಿಚ್ನಾಡು. ^{16 17} 16.ಮೊದಲ್ನೇವಾಡು ಆತುಡ ಮುಂದ್ರ ವಚ್ಚಿ-ದೊರೆಯೇ,ನುವ್ವ ಇಚ್ನಾ ಮೋಹರಿನ್ನಿಂಕ ಪದಿ ಮೋಹರಿಲು ಸಂಪಾದ್ನೆಆಯಾ ಅನೇಲು ವಾಡು ವಾಡ್ಗಿ 17.ಭಲಾ!ನುವ್ವ ಮಂಚ್ಚಿ ಮನ್ಸಿ;ನುವ್ವ ನಿಂಡ ಕೊಂಚಮೈನದಾoಟ್ಲಾ ನಂಬಿಕಉಳ್ಳವಾಡೈತೆ ಪದಿ ಗ್ರಾಮಲ ಪೈನಾ ಅಧಿಕಾರಿಆಯಿಂಡು ಅನಿ ಸೋಪ್ನಾಡು. ^{18 19} 18.ರೊಂಡ್ನೆವಾಡು ವಚ್ಚಿ-ದೊರೆಯೇ,ನುವ್ವ ಇಚ್ನಾ ಮೋಹರಿನ್ನಿಂಕ ಐದು ಮೋಹರಿಲು ದೊರಕ್ನಾವಿ ಅನೇಲು ವಾಡು 19. ಊಡ್ಗಿ-ನುವ್ವ ಸಹ ಐದು ಗ್ರಾಮಾಲ ಪೈನುಂಡು ಅನಿ ಸೋಪ್ನಾಡು. ^{20 21} 20.ನಂತರಂ ಮಲೋಕ್ಕಡು ವಚ್ಚಿ-ದೊರೆಯೇ,ಇನೋ ನುವ್ವ ಇಚ್ನಾ ಮೊಹರಿ. 21.ನುವ್ವ ಪೆಟ್ಲೆಗುನ್ನದಾನ್ನಿ ಎತ್ಗಾನಿ ಪಾಯೇ ಪೊಂಡ್ಗುನ್ನದಾನ್ನಿ ಕೋಸೆಕಟಿಣ ಮನುಷ್ಯಾಡು ಅನಿ ನೀಕಿ ದಡುಸ್ಗಾನಿ ದೀನ್ನಿ ವಸ್ತ್ರoಲಾ ಕಟ್ಟಿ ಪೆಟ್ಗಾನ್ನಾನು ಅನ್ನಾಡು. ^{22 23} 22.ದಾನ್ಗಿ ವಾಡು- ನುವ್ವ ಸೆಡ್ಡಮನ್ಸಿ,ನೀ ಮಾಟ್ ಪೈನಾನೆ ನೀಕಿ ತೀರ್ಪುಸೇಸ್ತಾನು.ನೀನು ಪೆಟ್ಗುoನ್ನಾದಾನ್ನಿ ಎತ್ಗಾನಿ ಪಾಯೇ ಬಿತ್ಗುನ್ನವುಂಡೆದಾನ್ನಿ ಕೊಸೆ ಕಟಿಣ ಮನುಷ್ಯಾಡು ಅನಿ ತಿಳುಚ್ನಾವಾ? 23.ಅಟ್ಟೈತೆನುವ್ವ ನಾ ದುಡ್ಲಿನೀ ಸಾಹುಕಾರುಡ ಸೈಲಾ ಎಂದ್ಗೂ ಇಯ್ಯಿಲೇದು?ಅಮಂಕ ನೀನು ವಚ್ಚಿ ದಾನ್ನಿ ಬಡ್ಡಿ ಸಹಿತ ತಿಸ್ಗಾಂಟಾವುಂಟ್ನೀ ಅನಿ ಸೊಪ್ಪಿ ^{24 25} 24.ದೇಗ್ರಾ ನಿಲ್ಚುoಡ ವಾಳ್ಗಿ-ಆ ಮೋಹರಿನಿ ಊಡ್ನೀoಕ ತಿಸ್ಗಾನಿ ಪದಿಮೋಹರಿಲುಲ್ಲವಾಡ್ಗಿ ಇಯ್ಯಂಡಿ ಅನಿ ಸೊಪ್ನಾಡು. 25.ವಾಳು-ದೊರೆಯೇ,ಪದಿ ಮೋಹರಿಲು ವಾಡ್ಲಾ ಅವಾಂತ ಅನಿ ವಾಡ್ಗಿ ಸೋಪ್ನಾರು. ^{26 27} 26.ದಾನ್ಗಿವಾಡು-ಉಂಡವಾಳ್ಗಿ ಇಚ್ಚಲ್ಪಡ್ತಾದಿ,ಲೆಗುನ್ನವಾಡ ಕಡ್ನಿoಕ ಉಂಡಿoದ್ದಿ ತಿಸಲ್ಪಡ್ತಾದಿ ಅನಿ ನೀನು ನೀಕಿ ಸೋಪ್ತಾನು; 27.ಮಲಿ ವಾಳ ಪೈನಾ ನೀನು ದೊರೆತನಂ ಸೇಸದಿ ಇಷ್ಟoಲೇದುಅನಿ ಸೋಪ್ನಾ ಆ ನಾ ವೈರಿಲ್ನಿ ಈನ್ಗಿ ತಿಸ್ಗಾನಿ ನಾ ಮುಂದ್ರ ಸಂಸಾರಂ ಸೇಯ್ಯಾಲ ಅನ್ನಾಡು. ²⁸ 28.ಆತುಡು ಈ ಮಾಟ್ಲೀನಿ ಸೋಪ್ನಾಪೈನಾ ಗಟ್ಟಎಕ್ಕಿ ಯೇರುಸಲೆಮ್ಗಿ ಮುಂದ್ರ ಮುಂದ್ರ ಪೈನಾಡು. ^{29 30 31} 29.ಆಮಂಕ ಆತುಡು ನೂನ್ಮಾಂಡ್ಲಾ ಗುಡ್ಡ ಅನ್ಬಿಚ್ಗಾನ್ನ ಗುಡ್ಡoಪೈನಾ ದೇಗ್ಗರ್ಲಾವುಂಡ್ನಾ ಬೇತ್ಫಗು ಬೆಥಾನ್ಯಾನ್ಗೂ ಸಮಿಪಿಚ್ನಪ್ದು ಶಿಷ್ಯಾಲಾ ಇದ್ದರ್ನಿ ಪಿಲ್ಚಿ- 30.ಮೀ ಎದುರ್ಗುoಡ ಹಳ್ಳಿಗಿ ಪೊಂಡಿ;ದಾನ್ಲೋಗಸೇರ್ತಾವುನ್ನಪ್ದೆ ಆನ ಕಟ್ಟುನ್ನ ಒಕ್ಕ ಗಾಡ್ದಿಪಿಲ್ನಿ ಸೊಸ್ತಾರು;ಇದುವರ್ಗೂ ದಾನ್ಪೀನಾ ಯವ್ಳು ಎಕ್ಲೆದು;ದಾನ್ನಿ ಇಂಪಿ ಪೊಟ್ಗಾನಿ ರಾಂಡಿ. 31.ಯಾವ್ವುಡೈನಾ ಮಿಮ್ಮಲ್ನಿ-ಎಂದ್ಗೂ ಇಂಪ್ತಾರು ಅನಿ ಆಡುಗ್ತೆ ಇದಿ ಸ್ವಾಮಿವಾಳ್ಗಿ ಕಾವಾಲುಂದಿ ಅನಂಡಿ ಅನಿ ಸೊಪ್ಪಿಅಂಪಿಚ್ನಾಡು. ^{32 33 34 35 36} 32.ಅಮ್ಪಿಚ್ನಾವಾಳು ಪಾಯಿ ಆತುಡುವಾಳ್ಗಿಸೋಪ್ನಾಟ್ಟೆ ಸೂಸ್ನಾರು. 33.ವಾಳು ಆ ಗಾಡ್ದಿಪಿಲ್ನಿ ಇಂಪ್ತಾವುನ್ನಪ್ದು ಆಯ್ತೆ ಯಜಮಾನುಡು-ಈ ಪಿಲ್ನಿ ಎಂದ್ಗೂ ಇಂಪ್ತಾರು ಅನಿ ವಾಲ್ನಿ ಅಡ್ಗಿನ್ದಾಂಗು ವಾಳು- 34.ಇದಿ ಸ್ವಾಮಿವಾಲ್ಗಿ ಕಾಪೈಂದಿ ಅನಿ ಸೋಪ್ನಾರು. 35.ದಾನ್ನಿ ಯೇಸುದೇಗ್ಗರ್ಗಿತಿಸ್ಗಾವಚ್ಚಿ ವಾಳ ಬಟ್ಟಲ್ನಿ ಆ ಗಾಡ್ದಿಪಿಲ್ಲಪೈನ ಏಸಿ ಯೇಸುನ್ನಿ ಕುಚ್ಪೆಟ್ನಾರು. 36.ಆತುಡು ಪಾತುನ್ನಪ್ದು ವಾಳು ವಾಳ ಬಟ್ಟಲ್ನಿ ದಾವ್ಲಾ ಪೋರುಸ್ನಾರು. ^{37 38} 37.ಆತುಡು ಪಟ್ಟಣಂನ್ನಿ ಸಮೀಪಿಚ್ಚಿ ನೂನ್ಮಾಂಡ್ಲಾ ಗುಡ್ಡನಿಂಕ ದಿಗೆ ಸ್ಥಳಂಗಿ ವಚ್ನಪ್ದು ಶಿಷ್ಯಮಂಡಲಿಲಂತ ಸಂತೋಷಂಪೋಡ್ತಾ ತಾವುಕನ್ನಾ ಅಂತ ಮಹತ್ಕಾರ್ಯಾಲಾ ವಿಷಯಂಲಾ- 38.ಕರ್ತುಡ ಪೆರ್ಲಾ ವಚ್ಚೆ ಅರಸುಡ್ಗಿ ಆಶಿರ್ವಾದಂ,ಪರಲೋಕಂಲಾ ಮಂಗಳಂ,ಪೈನಲೋಕಂಲಾ ಮಹಿಮೆ ಅನಿ ಮಹಾ ಶಬ್ದಂನ್ನಿಂಕ ದೇವುಡ್ನಿ ಕೊಂಡಾಡೆದಾನ್ಗಿ ತೊಡಗ್ನಾಳು. ^{39 40} 39.ಜನಾಲು ಗುಂಪ್ಲೊಗ ಫರಿಸಾಯರ್ಲಾ ಕೆಲವ್ಳು ಆತುಡ್ಗಿ-ಬೋಧಕುಡೆ, ನೀ ಶಿಷ್ಯಾಲ್ನಿ ಗದರಿಚ್ಚು ಅನಿ ಸೋಪ್ನಾದ್ಗು ಆತುಡು- 40.ಊಳು ಉರ್ಕೈತೆಈ ರಾಯಿಲೆ ಕೊಸ್ತಾವಿ ಅನಿ ಮೀಕಿ ಸೋಪ್ತಾನು ಅನಾಡು. ^{41 42} 41.ತರುವಾತಂ ಆತುಡು ಸಮೀಪನ್ಗಿ ವಾಚ್ನಪ್ದು ಪಟ್ಟಣಂನೀಸೂಸಿ ದಾನ್ನ ವಿಷ್ಯಂಗ ಎಡ್ಸಿ- 42.ನುವ್ವೈನಾನು ಸಮಾಧಾನಾನ್ಗಿಕಪೈಯ್ಯೇದಾನ್ನಿ ಇದೇ ದಿನಮ್ಲ ತಿಳುಚ್ಗಂಟೆಎಂತೋ ಮಂಚ್ಚಿದಿ.ಆಯ್ತೆ ಇಪ್ದು ಅದಿನೀ ಕಂಡ್ಲುಗಿ ಮರೆಆಯಿಂದಿ. ^{43 44} 43-44.ದೇವುಡು ನೀಕಿ ದರ್ಶನಂಇಚ್ನ ಸಮಯಂನ್ನಿ ನಿವ್ವ ತಿಳ್ಚಗುನ್ನದಾನ್ನಿಂಕ ನೀ ವೈರಿಲು ಒಡ್ಡುಕಟ್ಟಿ ನೀ ಸುತ್ಲೂ ಮುತ್ತಿಗೆ ಏಸಿ ಅಂತ ಕಡ್ಲಾನು ನಿನ್ನಿ ವಚ್ಚಿ ಸೇಸಿ ನಿನ್ನಿ ಮಿಲೋಗವುನ್ನ ನೀ ಜನಾಲ್ನಿ ನಿರ್ಮುಲಂಸೆಸಿ ನೀಲಾ ರಾಯಿಪೈನಾ ರಾಯಿ ನಿಲ್ಚುಂನ್ನಾಟ್ಲಾ ಸೆಸ ದಿವಸಂಲು ನೀ ಪೈನ ವಸ್ತಾವಿ ಅನ್ನಾಡು. ^{45 46} 45.ಬಳಿಕ ಆತುಡು ದೇವಾಲಯಂಗಿ ಪಾಯಿ ಅಮ್ಮೆವಾಲ್ನಿ ಎಲ್ಬಿಚ್ಚೆದಾನ್ಗಿ ಪ್ರಾರಂಬಿಚ್ಚಿ ವಾಳ್ಗಿ- 46.ನಾ ಆಲಯಮು ಪ್ರಾರ್ಥನಾಲಯಂಆಯಿಂದಿ ಅನಿ ರಸುಂದಿಕದ;ಆಯ್ತೆ ಮೀಳು ದಾನ್ನಿ ದೊಂಗಲ ಗವಿ ಸೇಸ್ನಾರು ಅನಿ ಸೋಪ್ನಾಡು. ^{47 48} 47.ಮಲಿ ಆತುಡು ದಿನಾಲು ದೇವಾಲಯಂಲಾ ಉಪದೇಶಂಸೇಸ್ತಾವುಂಟಾಡು.ಅಂತಿಟ್ಲಾ ಮಹಾಯಜಕುಲು ಶಾಸ್ತ್ರಿಲು ಪ್ರಜೆಲಾ ಮುಖ್ಯಸ್ಥುಲು ಆತುಡ್ನಿ ಸಂಪೆದಾನ್ಗಿ ಸಂದರ್ಭoಸೂಸ್ತಾವುoಟಾರು. 48.ಆಯ್ತೆ ಜನಲಂದ್ರು ಆತುಡ್ನಿ ಅoಟ್ಗಾನೀ ಉಪದೇಶoನ್ನಿ ಗಮನಿಚ್ಚು ಅಡುಗ್ತಾವುಂಡೆದಾನ್ನಿಂಕ ಎಮು ಸೇಯ್ಯಲೋ ಸೂಪ್ಲೇದು.