^{1 2} 1.ಆ ದಿವಸಂಲೋಗ ಒಕ್ಕದಿನಂ ಆತುಡು ದೇವಾಲಯಂಲಾ ಜನಾಲ್ಗಿ ಉಪದೇಶಂಸೇಸ್ತಾ ಸುವಾರ್ತೆನ್ನಿ ಸಾರ್ತುಂಡಗ ಮಹಾಯಾಜಕುಲು ಶಸ್ತ್ರಿಲು ಸಭೆಯ ಹಿರಿಲ್ನಿ ಕುಡ್ಗಾನ್ನಿ ಫಕ್ಕನೆವಚ್ಚಿ- 2.ನುವ್ವ ಯಾವ ಅಧಿಕಾರಂನ್ನಿಂಕ ದೀನಂತ ಸೇಸ್ತಾವು?ಈ ಅಧಿಕಾರಂನ್ನಿ ನೀಕಿ ಯವ್ಳು ಇಚ್ನಾರು,ಮಾಕಿ ಸೊಪ್ಪು ಅನಿ ಆತುಡ್ನಿ ಅಡ್ಗಲು ಆತುಡು ವಾಳ್ಗಿ- ^{3 4} 3.ನೀನು ಸಹ ಮಿಮ್ಮಲ್ನಿ ಒಕ್ಕ ಮಾಟ ಅಡುಗ್ತಾನ,ನಾಕಿ ಸೊಪ್ಪಂಡಿ. 4.ದೀಕ್ಷಾಸ್ನಾನಂಸೇಬಿಚ್ನಾ ಅಧಿಕಾರಂಮು ಯೋಹಾನುಡ್ಗಿ ಪರಲೋಕಂನ್ನಿಂಕ ವಚ್ನೋ ^{5 6} 5.ಅಪ್ಡು ವಾಳು-ಪರಲೋಕಂನ್ನಿಂಕ ವಚ್ಚೆಅನಿ ಮಾಮು ಸೋಪ್ತೆ ಮೀಳು ವಾಡ್ನಿ ಎಂದ್ಗೂ ನಂಬ್ಲೆದು ಅನ್ನರು; 6.ಮನುಷ್ಯಾಕುಮಾರುಡ್ನಿoಕ ವಚ್ಚೆಅನಿ ಸೋಪ್ತೆಜನಲಂದ್ರು ಯೋಹಾನುಡ್ನಿ ಪ್ರವಾದಿಅನಿ ನಂಬುಡದಾನ್ನಿಂಕ ವಾಳು ಮಮ್ಮಲ್ನಿ ರಾಯಿಪಾರೆಸಿ ಸಂಪ್ನಾರು . ^{7 8} 7.ಅನ್ನೈವಾಳ್ವಾಲೋಗ ಮಾತಾಡ್ಗನೀ ಆದಿ ಯಾನ್ನಿಂಕ ವಚ್ನೋ ಮಾಗೊತ್ಲೇ ಅನಿ ಉತ್ತರಂಇಚ್ನಾರು. 8.ಅಪ್ಡು ಯೇಸು ವಾಳ್ಗಿ-ದೀನಂತ ಯಾವ ಅಧಿಕಾರಂನ್ನಿಂಕ ಸೇಸ್ತಾನೋ ದಾನ್ನಿ ನೀನು ಮೀಕಿ ಸೋಪ್ಪೆಲೆದು ಅನೀ ಸೋಪ್ನಾಡು. . ^{9 10} 9.ಅಪ್ಡು ಆತುಡು ಜನಾಲ್ಗಿ ವಚ್ಚಿ ಸಾಮ್ಯಾಮ್ನಿ ಸೋಪ್ಪೆದಾನ್ಗಿ ತೊಡಗ್ನಮು. ಅದೆಮಂಟ್ಟೆ -ಒಕ್ಕ ಮನುಷ್ಯಾಡು ಒಕ್ಕ ದ್ರಾಕ್ಷೆಯ ತ್ವಾಟ್ನೀ ಸೇಸಿ ದಾನ್ನಿ ಒಕ್ಕಲಿಲ್ಗಿ ವಾರಾನ್ಗಿ ಇಚ್ಚಿ ಬೇರೊಕ್ಕ ದೇಶಾನ್ಗಿ ಪಾಯಿ ಆನ ನಿಂಡಕಾಲಂ ಉಂಟಾಡು. 10.ಫಲಕಾಲಂ ವಾಚ್ನಪ್ದು ದ್ರಾಕ್ಷೆಯ ತ್ವಾಟ್ಗಿ ಪುಟ್ಟೇವಳಿನಿ ಪಾಲ್ನಿ ತಿಸ್ಗಾನೆದಾನ್ಗಿಆಯಿ ಒಕ್ಕ ಮನ್ಸಿನಿ ಒಕ್ಕಲಿಗ್ಲು ಬಳಿಕ ಅಮ್ಪಿಚ್ನಾರು.ಆಯ್ತೆ ಆ ಒಕ್ಕಲಿಗ್ಲು ವಾಡ್ನಿ ಕೊಟ್ಟಿ ಉತ್ಸೇತ್ಲಾ ಅಂಪಿಚುಸ್ನಾರು. ^{11 12} 11.ಆ ಧಣಿಯು ಬೇರೊಕ್ಕ ಮಂಸಿನಿ ಅಂಪಿಚ್ಚಿಚ್ಚೆಲಾಗ ವಾಳು ವಾಡ್ನಿ ಕೊಟ್ಟಿ ಅವಮಾನಂಪೋಡ್ಬಿಚ್ಚಿ ಬರಿಸೈಲಾ ಅಮಿಚ್ಚುಡ್ನಾರು. 12.ಆಮಂಕ ಮೂಡ್ನೆವಾಡ್ನಿ ಅಂಪಿಚ್ಚಿಚ್ಚಾಲು ವಾಳು ವಾಡ್ನಿ ಗಾಯಂಆಯೇಅಂತ ಕೊಟ್ಟಿ ಆತರ್ಗಿ ತೊಮ್ಮುರ್ನಾರು. ^{13 14} 13.ಅಪ್ಡು ಆ ದ್ರಾಕ್ಷೆಯ ತ್ವಾಟ್ನಾ ಧಣಿಯು-ನಾನೇಮಿ ಸೇತ್ನು?ನಾ ಮುದ್ದು ಕೊಡಕ್ನೀ ಅoಪಿಸ್ತಾನು,ಒಕ್ಕ ವೇಳೆ ವಾಡ್ಗಿಆಯ್ನಾ ಮರ್ಯಾದೆ ಸೂಪಿಚ್ನಾರು ಅನ್ಗಾನ್ನಾರು. 14.ಆಯ್ತೆ (ಅಂಪಿಚ್ನಪ್ದು)ಆ ಒಕ್ಕಲಿಗ್ಲು ವಾಡ್ನಿ ಸೂಸಿ-ಊಡೆ ಬಾಧ್ಯಾಸ್ಥುಡು;ಊಡ್ನಿ ಸಂಪ್ಪಿಎತ್ಹಾಮು,ಊಡ ಸ್ವಾಸ್ತ್ಯಮಾದಿಕಾನಿ ಅನಿ ಒಕ್ಕಳಸಂಗಡಲೊಕ್ಕಲು ಮಾಟಾಡ್ಗಾನಿ ^{15 16} 15.ವಾಡ್ನಿ ದ್ರಾಕ್ಷೆಯ ತ್ವಾಟ್ನ್ನಿಂಕ ಆತ್ಹರ್ಗಿ ದೊಬ್ಬಿ ಸಂಪಿಎಸ್ನಾರು.ಆಟ್ಟೈತೆ ದ್ರಾಕ್ಷೆಯ ತ್ವಾಟ್ನ ಧಣಿಯು ವಾಳ್ಗಿ ಎಮು ಸೇಸ್ತಾಡು? 16.ವಾಡು ವಚ್ಚಿ ಆ ಓಕ್ಕಲಿಗ್ಲು ಸಂಹರಿಚ್ಚಿ ತನ್ನ ತ್ವಾಟ್ನೀಬೇರೆ ಜನಾಲ್ಗಿ ಸೇಸೆದಾನ್ಗಿ ಇಸ್ತಾಡು ಅನ್ನಾಡು. ^{17 18} 17.ದೀನ್ನಿ ಜನಾಲು ಇನಿ-ಅಟ್ಟಕಾಗುಡ್ದು ಅನ್ನಾರು.ಆಯ್ತೆ ಆತುಡು ವಾಲ್ನಿ ದೃಷ್ಟಿಸಿ-ಅಟ್ಟೈತೆಇಲ್ಲು ಕಟ್ಟೆವಾಳು ವದ್ದುಅನಿ ಉಡುಸ್ನಾ ರಾಯೇ ಮುಖ್ಯಮೈನಾ ಮೂಲರಾಯಿಆಯಾ ಅನಿ ರಾಸುಂಡ ಮಾಟಏಮಿ? 18.ಈ ರಾಯಿಪೈನ ಪೊಡೆ ಪ್ರತಿಯೋಕ್ಕಡು ತುಂಡು ತುಂಡೈತಾಡು;ಇದಿಯಾವ್ಲಪೈನ ಪೋಡ್ತಾದೋ ವಾಡ್ನಿ ಪುಡಿಪುಡಿ ಸೇಸದಿ ಅನ್ನಾಡು. ^{19 20} 19.ಶಾಸ್ತ್ರಿಲು ಮಹಾಯಾಜಕುಲು ಈ ಮಾಟಲ್ನಿ ಇನಿ ವಾಲ್ನೆ ಕುರ್ಚಿ ಈ ಸಾಮ್ಯಾಮ್ನಿ ಸೋಪ್ತೆ ಅನಿ ತಿಳ್ಚಗಾನಿ ಅದೇ ಗಳಿಗೆಲಾ ಆತುಡ್ನಿ ಪೊಟ್ಟೆದಾನ್ಗಿ ಸಂದರ್ಭಸೂಸ್ನಾರು;ಆಯ್ತೆ ಜನಲು ಭಯಂಪೋಡ್ನಾರು. 20.ಆಮಂಕ ವಾಳು ಯೇಸುನ್ನಿ ಅಧಿಪತಿಯವಶಾನ್ಗು ಅಧಿಕಾರನ್ಗು ಒಪ್ಪಿಚ್ಚಾಲನಿ ಹೊಂಚಿ ಸೂಸೆದಾನ್ಗಿ ನೀತಿವಂತುಲಂತೆ ನಟಿಸ್ತಾವುನ್ನ ಗೂಢಚಾರಲ್ನಿ ಆತುಡ ಮಾಟ್ಲಾ ಎಮೈನಾನು ಪೊಟ್ಟೆದಾನ್ಗಿ (ಆತುಡ ಬಳಿಗಿ)ಅಂಪಿಚಿಚ್ನಾರು. ^{21 22} 21.ಊಳು-ಬೋಧಕುಡೆ,ನುವ್ವ ಸರಿಯಂಗ ಮಾಟಾಡ್ತಾ ಉಪದೇಶಂಸೇಸ್ತಾ,ನುವ್ವ ಮೊಖಂದಾಕ್ಷಿಣ್ಯಂಲೆಕುನ್ನ ದೇವುಡ ಮಾರ್ಗಂನ್ನಿ ಸತ್ಯಂಗ ಬೋಧಿಚ್ಚೆವಾಡೈತೆ ಅನಿ ಗೊತ್ತು. 22.ಸೈಸರುಡ್ಗಿಕಂದಾಯಂಇಚ್ಚೆದಿ ಸರಿಯೋ ಸರಿಕಾದೋ ಅನಿ ಆತುಡ್ನಿ ಅಡ್ಗನಾರು. ^{23 24} 23.ಆತುಡು ವಾಳ ಕುಯುಕ್ತಿನ್ನಿ ಕನ್ಗಾನ್ನಿ ವಾಳ್ಗಿ 24.ನಾಕಿ ಒಕ್ಕ ದುಡ್ಲನೀ ಸೂಪಂಡಿ.ದೀಂಟ್ಲಾ ಯಾವ್ಲಾ ತಲ್ನಾಮುದ್ರಮು ಉಂದಿ ಅನಿ ಅಡ್ಗಿoದಾನ್ಗು ವಾಳು-ಸೈಸರುಡ್ದಿ ಅನ್ನಾರು. ^{25 26} 25.ಆತುಡು ವಾಳ್ಗಿ-ಅಟ್ಟೈತೆ ಸೈಸರುಡದಾನ್ನಿ ಸೈಸರಡ್ಗೆ ಇಯ್ಯಂಡಿ,ದೆವುಡದಾನ್ನಿ ದೇವುಡಗಿಇಯ್ಯಂಡಿ ಅನಿ ಸೋಪ್ನಾರು. 26.ಆತುಡ ಮಾಟ್ಲಾ ವಾಳು ಜನಾಲಮುಂದ್ರ ಏಮಿ ಪೊಟ್ಟೆಗುಂಡ ಆತುಡು ಇಚ್ನಾ ಉತ್ತರಾನ್ಗಿ ಆಶ್ಚರ್ಯಂಪೊಡಿ ಉರ್ಕಾಅಯ್ನಾರು. ^{27 28} 27.ತರುವಾತಂ ಪುನರುತ್ತಾನಂ ಲೆಕುನ್ನಅನಿ ಸೊಪ್ಪೇವಾಳೈನಾ ಸೋಪ್ಪೆವಾಲೈನಾ ಸದ್ದುಕಾಯಲ್ಲಾ ಕೆಲವ್ಳು ವಚ್ಚಿ ಆತುಡ್ಗಿ ಪ್ರಶ್ನೆಸೇಸಿಂದಿ ಎಮಂಟೆ- 28.ಬೋಧಕುಡೆ,ಅನ್ನೈನಾವಾಡು ಪೆಂಡ್ಲಾಮು ಉಳ್ಳವಾಡೈ ಬಿಡ್ಲುಲೆಕುನ್ನ ಸಸ್ತೆ ವಾಡ ತೊಮ್ಮಡು ದಾನ್ನಿ ಪೆಂಡ್ಲಿ ಸೇಸ್ಗಾನಿ ತನ್ನ ಅನ್ಗಿ ಸಂತಾನಂನಿ ಪೋಡಲಾನಿಮೊಶೆಯು ಮಾಕಿ ರಾಸ್ನಾಡುಅಂತೆ. ^{29 30 31 32 33} 29.ಮಂಚಿದಿ,ಯೋಡುಮಂದಿ ಅನ್ನದೊಮ್ಮಲ್ಳುನ್ನಾರು.ಮೊದ್ಲೇನೆವಾಡು ಪೆಂಡ್ಲಾಮ್ನಿ ಸೇಸ್ಗಾನಿ ಬಿಡ್ಲುಲೆಕುನ್ನ ಸಚ್ನಾಡು. 30-31.ರೊಂಡ್ನೆವಾಡು ವಾಡ ತರುವಾತಂ ಮೂಡ್ನೆವಾಡು ದಾನ್ನಿ ಪೆಂಡ್ಲಿ ಸೇಸ್ಗನಾರು.ಇದೆರೀತಿಆಯಿ ಯೋಡು ಮಂದಿಯೂ ಸೇಸ್ಗಾನಿ ಬಿಡ್ಲುಲೆಕುನ್ನ ಸಚ್ನಾರು. 32.ಕೊನೆಲಾ ಆ ಸ್ತ್ರೀಯು ಸಚ್ಚಿಂದಿ. 33.ಅಟ್ಟೈತೆಪುನರುಥನಂಲಾ ಆ ಸ್ತ್ರೀಯು ವಾಲೋಗ ಯಾವ್ಲ ಪೆಂಡ್ಲಾಮು ಅಯ್ತಾದಿ?ದಾನ್ನಿ ಯೋಡು ಮಂದಿನು ಪೆಂಡ್ಲಿ ಸೇಸ್ಗನಾರುಕದ ಅನ್ನಾರು. ^{34 35 36} 34.ಯೇಸು ವಾಳ್ಗಿ-ಈ ಲೋಕಂನ ಜನಾಲು ಪೆಂಡ್ಲಿಸೇಸ್ಗಂಟಾರು,ಪೆಂಡ್ಲಿಸೇಸಿಸ್ತಾರು; 35.ಆಯ್ತೆ ಆ ಲೋಕಂನ್ನಿ ಸಚ್ಚಿಲೋಲ್ನಿಂಕ ಪುನರುತ್ಥಾನoನ್ನಿ ಪೋಡ್ಸೆದಾನ್ಗಿ ಯೋಗ್ಯಾಲು ಅನ್ಬಿಚ್ಗಾನುಂಡವಾಳು ಪೆಂಡ್ಲಿ ಸೇಸ್ಗಾನೆದಿಲೇದು,ಸೇಸಿಚ್ಚಾನುಲೇದು. 36.ವಾಳು ಇಂಕ ಮರಣಾನ್ಗಿ ಗುರಿಆಯೆಟ್ನೆಲೇದು,ಪುನರುತ್ಥನಂನ್ನಿ ಹೊಂದ್ನೋಡುಕ ದೇವದೂತುಲ್ಗಿ ಸರಿ ಸಮಾನ್ಲು ದೇವುಡ ಬಿಡ್ಲು ಅಯ್ನಾರು.ಸಚ್ನೋಳು ಬದುಕಿ ಲೆಸ್ತಾರನಿ ಮೊಶೆಯು ಸೂಚಿಚ್ನಾಡು. ^{37 38} 37.ವಾಡು ಪೊದೆಯ ಸಂಗತಿಉಂಡ್ನಾ ಅಧ್ಯಾಯಂಲಾ ಕರ್ತುಡ್ನಿ ಅಬ್ರಹಾಮುಡ ದೇವುಡು ಇಸಾಕುಡ ದೇವುಡು ಯಾಕೋಬುಡ ದೇವುಡು ಅನಿ ಸೋಪ್ನಾಡು.ದೇವುಡು ಜೀವಿತುಲ್ಗಿ ದೆವುಡೈನಾಡು ಹೊರ್ತು ಜೀಮುಲೆಕುನ್ನವಾಳ್ಗಿಕಾದು 38.ಆತುಡ್ಗಿ ಅಂದ್ರೂ ಜೀವಿಚ್ಚವಾಳೆ ಅನಿ ಸೋಪ್ನಾರು.ಶಾಸ್ತ್ರಿಲು ಕೆಲವ್ಳು -ಬೋಧಕುಡೆ,ಬಾಗ ಸೋಪ್ಪುತ್ವಿ ಅನ್ನಾರು. ^{39 40} 39.ಆತುಡ್ನಿ ಇನ್ಕೆಮಿ ಅಡ್ಗೆದಾನ್ಗಿ ವಾಳ್ಗಿ ಧೈರ್ಯಂಲೆಕುನ್ನ ಪಾಯೇ. 40.ಅಪ್ಡು ಆತುಡು-ರಾಪೈನಾ ಕ್ರೀಸ್ತುಡು ದಾವೀದುಡ ಕೊಡ್ಕುಅನಿ ಸೋಪ್ತಾರುಕದ, ^{41 42 43 44} 41.ಅದಿ ಯಟ್ಟಾಯ?ನೀನು ನೀ ವಿರೋಧಿಲು 42-43.ನೀ ಪದಾಲ್ಗಿ ಪಿಟoಸೆಸ ತನ್ಕನಾ ಬಿಡುಗಡೆಲಾ ಕುಚ್ಗಾವುಂಡು ಅನಿ ಕರ್ತುಡು ನಾ ಒಡಯಡ್ಗಿ ನುದುಸ್ನಾಡುಅನೈ ಕೀರ್ತನೆಗ್ರಂಥಂಲಾ ದಾವಿದುಡೆ ಸೋಪ್ತಾಡುಅಂತೆ. 44.ದಾವೀದುಡು ಆತುಡ್ನಿ ಒಡಯಡುಅನಿ ಸೋಪ್ನಾಪೈನಾ ಆತುಡು ವಾಡ್ಗಿ ಕೊಡ್ಕೈಯ್ಯೇದಿ ಯಟ್ಟ ಅನಿ ವಾಲ್ನಿ ಅಡ್ಗನ್ನಾರು. ^{45 46 47} 45.ಜನಲಂದ್ರು ಅಡುಗ್ತುನ್ನಪ್ದು ಆತುಡು ತನ್ನ ಶಿಷ್ಯಾಲ್ಗಿ ಸೋಪ್ಪಿಂದಿ ಎಮoಟೆ- 46.ಶಾಸ್ತ್ರಿಲಾ ವಿಷಯoಲಾ ಎಚ್ಚರಿಕಂಗ ಉಂಡoಡ್ಡಿ.ವಾಳು ನಿಲುವನ್ಗಿಲ್ನಿ ಪೆಟ್ಗಾನಿ ತಿರುಗಾಡೆದಾಂಟ್ಲಾ ಮಂಸುಪೋಡೆವಾಳು,ಅಂಗಡಿ ಈದುಲ್ಲಾ ನಮಸ್ಕಾರಲು,ಸಭಾಮಂದಿರಲ್ಲಾ ಮುಖ್ಯ ಪಿಟಾಲುಮ್,ಔತಣಪ್ರಸ್ತಗಳಲ್ಲಿ ಪ್ರಥಮಂ ಸ್ಥಾನಂ,ಇವುಟ್ಲಾ ಇಷ್ತಂಪೋಡೆವಾಳು ಆಯ್ನಾರು. 47.ವಾಳು ವಿಧವೆಲ್ಲ ಇಂಟ್ಟಲ್ನಿ ನುಂಗಿನಟನೇಗಾಯಿ ದೆವುಡ್ಗೀ ಪೋಡ್ಗೈನಾ ಪ್ರಾರ್ಥನಾಲ್ನಿ ಸೇಸ್ತಾರು;ಇಟ್ಟವಾಳು ಹೆಚ್ಚೈನಾ ದಂಡನಾನ್ನಿ ಹೊದ್ತಾರು ಅನ್ನಾಡು.