¹ Inen, pededuloran, doan memberektohu ke kayen Injil, an doan beritean ke kayen, an dah kayen terime, an didalamnye kayen bediri togoh. ² Leh Injil onan jam kayen diselamotan, asal kayen beconggam togoh ke Firman an dah doan beritean ke kayen, kecuali kayen percaye juan sie-sie. ³ Doan dah menyampoian ke kayen, pertame-tame an teponteng, an jam doan terime bahwe Kristus mati ngkai duse-duse kite sesuai juan Kitab Suci, ⁴ Nye-e dah dipàsar. Nye-e dibangkitan pade ari ketige sesuai Kitab Suci, ⁵ wan bahwe Nye-e dah menampakan di'i-Nye ke Kefas, kemudian ke an kedue bolas onan. ⁶ Lopas onan, Nye-e menampakan di'i-Nye ke lobeh nggai lime ratios pededuloran sekaligos. Sebagian bosar nggai sidak agek hidop sampai inen, tetapi bebeyepe dah mati. ⁷ Lalu, Bye menampakan di'i-Nye ke Yakobus, kemudian ke semue rasul. ⁸ Teaher, same macam ke anak an keluar nggai dalam porot seolom waktunye, Nye bai menampakan di'i ke doan. ⁹ Sobab, doanlah an tekocet do antare rasul-rasul-Nye wan cade kayak disobot sebagai rasul kerne doan meaniaya jemaat Allah. ¹⁰ Namun, kerne anugerah Allah, doan adelah doan an inen. Wan, anugerah-Nye ke doan cadelah sie-sie. Doan bekereje lobeh goat nggai sidak semue, tetapi ukannye doan, melainan anugerah Allah an menyeretei doan. ¹¹ Leh kerne onan, boyek leh doan atau bai sidak, macam nonam jam urang koai meajar wan kayen an dah percaye. ¹² Jike Kristus diberitean bangkit nggai kematian, meape bebeyepe diantare kayen bekate bahwe mulan kebangkitan nggai kematian? ¹³ Mun mulan kebangkitan nggai kematian, Kristus bai cade kale dibangkitan. ¹⁴ Wan, jike Kristus cade dibangkitan, sie-sielah pemberitean urang koai wan sie-sielah iman kolai. ¹⁵ Telobeh agek, urang koai bai didapoti sebagai saksi duste Allah kerne urang koai meenjii kesaksian bahwe Allah dah membangkitan Kristus, an mulan bakal dibangkitan-Nye, jike memang bonar urang mati cade dibangkitan. ¹⁶ Sobab, jike urang mati cade dibangkitan, Kristus bai cade dibangkitan. ¹⁷ Wan, jike Kristus cade dibangkitan, sie-sielah iman kayen, wan kayen agek ade dalam duse-duse kayen. ¹⁸ Macam noanm jam, sidak an dah mati dalam Kristus bai dah binase. ¹⁹ Jike pengharopan kite dalam Kristus ngkah ngkai hidop inen jak, kite adelah urang-urang an oaleng malang nggai semue mendesie. ²⁰ Namun inen, Kristus day dibangkitan nggai antare urang mati, sebagai an buah julak nggai semue urang percaye an dah mati. ²¹ Sobab, same macam kemàtian tejadi melalui seikok urang, make melalui seikok urang jam kebangkitan nggai antare urang mati tejadi. ²² Kerne dalam Adam semuenye mati, macam nonam jam dalam Kristus semuenye banal dihidupan. ²³ Namun, tiap-tiap urang menurot urutannye: Kristus sebagai buah julak, sekali lopas onan sidak an adelah milik Kristus, pade kedatangan-Nye lagek, ²⁴ Sekali tai datang am kesudahannye, yaknen ketike Nye-e meonjok Kerajaan ke Allah Apang, ketike Nye dah membinasean semue pemetintah, semue kekuasean, wan kekuotan. ²⁵ Sobab, Nye haros memerintah sampai Allah meebahan semue munsoh-Nye di babah pehe-Nye. ²⁶ Munsoh teaher an bakal dibinasean adelah kematian. ²⁷ Sobab, Allah dah meebahan segale sesuatu di babah pehe-Nye. Namun, ketike dikatean bahwe segale sesuatu dah diebahan di babah-Nye, jolas am bahwe inen cade temansok Allah seurang, an meebahan segale sesuatu di babah Kristus. ²⁸ Ketike segale sesuatu diebahan di babah Kristus, sekali dah onan, bebiyak seurang bai bakal menaklukkan di'i ke Nye-e, an menaklukkan semuenye dibabah Kristus sebagai Allah bakal menjadi segale-galenye di dalam semuenye. ²⁹ Jike cade macam onan, apekah an bakal dikerejean leh sidak an dibaptis ngkai urang mati? Jike urang mati cade dibangkitan same sekali, lalu meape urang-urang membaptis sidak? ³⁰ Wan, meapi urang koai bediam dalam bahaye setiap waktu. ³¹ Pededuloran, setiap ari doan mehadopi kematian, demi kebanggean doan dalam kayen, an doan miliki dalam Yesus Kristus, Tuhan kite. ³² Secare mendesie, apekah untung doan betarong juan pedangan jejolu buas di Efesus? Jike urang mati ce dibangkitan, "Ayom kite makan wan minom kerne kolam kite mati." ³³ Gowok am tetipu: "Pergaulan an burok mehancuran kebiasean an boyek." ³⁴ Sadar am lagek juan boyek wan gowok bebuat duse. Sobab, bebeyepe urang mulan pengenolan akan Allah. Doan memedahan inen ngkai kayen malu. ³⁵ Namun, seseurang bakal betanyak, "Macam ape urang mati dibangkitan? Juan bukang apekah sidak bakal datang lagek?" ³⁶ Oi urang bodoh! Ape an kayen tabur cade bakal tumboh hidop, kecuali nyee mati lohok. ³⁷ Wan, ape an kayen tabur ukanlah bukang tanoman an bakal tumboh onan, melainan bigek an cade bekulet macam bigek gandum atau bigek-bigekan layen. ³⁸ Namun, Allah meenjiinye bukang macam Nye-e mehendaki-Nye wan manseng-manseng bigek dionjok bukangnye seurang. ³⁹ Ukan semue daging adelah daging an same, tetapi ngkah sebutek daging mendesie, wan layennye daging pedangan jejolu, wan layennnye daging burong-burong, layennye daging ikan. ⁴⁰ Ade jam bukang surgawi wan bukang duniewi, tetapi kemuliean am surgawi onan bebide wan kemuliean an duniewi onan bai bebide. ⁴¹ Kemuliean mateari bebide, kemuliean bintang-bintang bai bide Keene sebutek bintang bebide juan bintang an layen dalam kemuliean. ⁴² Beonan jam juan kebangkitan urang mati. Ditaburan dalam kebinasean, dibangkitan dalam kecadebinasean. ⁴³ Ditaburan dalam kehinean, dibangkitan dalam kemuliean. Ditaburan dalam kelomahan, dibangkitan dalam kekuotan. ⁴⁴ Ditaburan sebagai bukang jasmani, dibangkitan sebagai bukang rohani. Jike Ade bukang jasmani, ade jam bukang rohani. ⁴⁵ Macam an tetules, "Mendesie pertame, Adam, menjadi jiwe an hidop." Adam an teaher menjadi roh an meenjii hidop. ⁴⁶ Namun demikian an rohani ukanlah an pertame. An pertame adelah an jasmani, sekali lopas on an baroklah an rohani. ⁴⁷ Mendesie pertame beasal nggai bumi, yaknen nggai dobu tanah. Mendesie kedue beasal nggai seruge. ⁴⁸ Same macam an beasal dobu tanah, macam nonam jam sidak nggai dobu tanah. Wan, same macam an surgawi, macam nonam jam sidak an surgawi. ⁴⁹ Sebagaimene kite diciptean dalam rupe mendesie beasal nggai dobu tanah, kite bai bakal memakai rupe mendesie an surgawi. ⁵⁰ Doan memadahan inen me kolai, pededuloran, bahwe dageng wan Sarah cade dapat mewarisi Kerejean Allah. Macam nonam jam an dapat binase, cade dapat mewarisi an cade dapat binase. ⁵¹ Dongai am! Down memedahan me kolai sebuah rahasie, kite cade bakal mati srmuenye, tetapi kite semue bakal diubah, ⁵² Seketike onan, dalam sekojap mate jak, wayah trompet beaher: kerne trompet bakal beeingar, wan urang mati bakal dibangkitan tanpe kebinasean, wan kite bakal diubahan. ⁵³ Sobab, an dapat binase inen haros mengenean an cade dapat binase. Wan, an dapat mati inen, haros mengenean an cade dapat mati. ⁵⁴ Ketike an dapat binase inen memakai an cade dapat binase, wan dapat mati inen memakai an cade dapat mati, make gonaplah Furman an day tetules: "Kemetian day ditolan dalam kemenangan." Yesaya 25:8 "Oi kemetian, dimene bah kemenangan kayen? ⁵⁵ Oi maot, dimene bah songat kayen?" Hosea 13:14 ⁵⁶ Songat maot adelah duse, wan kuase duse adelah Hukom Taurat. ⁵⁷ Namun, kite besukor ke Allah an meenjii kite kemenangan melalui Tuhan kite, Yesus kristus. ⁵⁸ Jadi, Pededuloran doan seiman an kekaseh, bediri am kuat, gowok goyah, melimpah am selalu dalam pekerejean Tuhan. Sobab, kayen tohu bahwe joreh lolah kayen cade sie-sie di dalam Tuhan.