¹ Ninam tontang pengumpulan duet ngkai urang-urang kudos, kerejean an nam sesuai petunjok- petunjok an doan onjok ke jemaat di Galatia. ² Ari pertame setiap minggu, manseng-manseng kayen menyisihan sesuatu wan menyimpannye sesuai juan an kayen dapat ngkai gowok ketike doan datang barok diadean pengumpulan. ³ Ketike doan datang, meutus sidak, sape bai an kayen setujui, diseretei juan surat-surat ngkai meumbai pemberian kayen ke Yerusalem. ⁴ Wan, jike sepatutnye doan bai pogi, sidak bakal pogi sesame wan doan. ⁵ Namun, doan bakal datang ke kayen sekali doan dah melalui Makedonia kerne doan bemaksod ngkai melalui Makedonia. ⁶ Wan, mungken doan bakal bediam sesame atau mehabisan waktu selambat musim dingin ngkai kayen dapat menulong doan dalam pejalanan doan, kemene bai doan pogi. ⁷ Sobab, doan cade hondak meliat kayen inen ngkah sepintas lalu. Doan beharap bediam bebeyepe saat juan kayen, jike Tuhan meizinannye. ⁸ Namun, doan bakal bediam di Efesus sampai ari Pentakosta, ⁹ kerne lawang an libar ngkai mengerejean kereje an ponteng dah tebukak bagi doan sekali bai ade banyak an belawonan. ¹⁰ Inen, jike Timotius datang, perhatian nam ngkai nyee cade meyese golak ketike sesame kayen kerne nyee mengerejean kereje Tuhan, same macam nobam jam. ¹¹ Jadi, gowok ade urang an meliatnye rondah. Tulong am nyee dalam pejalanannye juan damai ngkai nyee dapat beulang ke doan. Doan mehanteknye sesame juan pededuloran di seen. ¹² Inen, tontang dulor kite Apolos, doan seje menyurongnye ngkai menjanjangi kayen sesame pededuloran an layen, tetapi nyee same sekali cade hondak datang inen. Nyee bakal datang mun ade kesempotan. ¹³ Behati-hati am, bediri togoh dalam iman. betindaklah macam lelaki wan jadi am kuat. ¹⁴ Mbak am semue an kayen kerejean, dikerejean dalam kasih. ¹⁵ Doan mendosak kayen, pededuloran (kayen thou bahwe isek rumah Stefanus adelah bembuahan pertame do Akhaya, wan sidak dah meabdian di'i sidak ngkai pelayonan urang-urang kudos), ¹⁶ ngkai kayen bai tundok tehadap urang-urang macam inen wan tehadap setiap urang an bekereje sesame wan bejoreh lolah. ¹⁷ Doan besukecite pucok kedatangan Stefanus, Fortunatus, wan Akhaikus kerne sidak dah melengkopi ape an kurang nggai kayen. ¹⁸ Sobab, sidak menyegaran roh doan wan roh kayen. Leh Keene onan, hargei am urang-urang macam onan. ¹⁹ Jemaat-jemaat do Asia menyampoian salam ngkai kayen. Akwila wan Priskila menyampoian salam hangat salam Tuhan ke kayen, sesame juan jemaat di rumah sidak. ²⁰ Semue dulor do seen mengirim salam ngkai kayen. Ucopan salam seikok juan an layen juan cium kudos. ²¹ Doan, Paulus, menules salam inen juan kukot doan seurang. ²² Jike Ade urang an cade mengasihi Tuhan, tekutoklah nyee. Oh Tuhan, datang am! ²³ Anugerah Tuhan Yesus menyeretei kayen. ²⁴ Kasih doan menyeretei kayen semue dalam Jesus Kristus. Amin.