¹ Ira koni arumeni, Kasirih kama tarini apituwa anreh kanku nervini asa inka rih inung unkan. Awarken tirkirini Yesoh ireh kagbeng Kasiri nang ku Firist ku gwaki kurvuruwo kuwuri. ² Ima rih riving nang Kasirih, kami kama chanka yhi, kinne Musa kenang imarih riving inung unrarah koh Siri. ³ Awarken ama rage Yesoh awoh yhi irih atiwomoh tigwaki apirkane Musa awar kuwoh piya esuwa urarah irih timowoh apiri urarah kumi aritihrikun. ⁴ Awarken koh kuriku rarah areh pirong esuwa kun, awarken piya eku suwah koyemmi ireh Kasirih ⁵ Izoh achara karaoh, Musa imareh pirere uma tini inung unrarah ko Kasirih ima reh kumiseru awarka kusu mumi na anka vereh amaruvah. ⁶ Awarken Kristoh ireh pivezene umi ireh piya gwaki inung unrarah koh Siri. Tire kurarah kuyhi inang te yhaomtao usiruh uwuri nang ugwaku usiruh. ⁷ Awarken, mure kenang Masir marip mavereh: "ukeru, inang pepokoro arinyi riyhi. ⁸ Kasu wura asugwu kapuh kinne uraowaonoah inung adhaor kugbweku inung arimi. ⁹ Anang arah ankure adhaor na apute yhi ama riseh uraowaonaoh asin agbwekem, anreh kadhaor, inung ati wah teh kiri anas ama rege anang anang. ¹⁰ Awarken nma rotoh mapokoro urentu amajahari nang masana mami. Nh vereh, "Akusin jara amaranghani inung ana sugwu nayhaon azakhu yhao urinah unang. ¹¹ Atureh kinne kenang nma siri inung arikhaozaon rinang: "Anka zahku nighe inung ama vonsono manang." ¹² Gudduni atoh, ina koni, awar kuwoh inung unyhin anka zahku zuwa pirong inung unyhin arih asugwhu kayikan ne kaya marini, ka sugwhu kami kaku ranguruwoh kan nang Kasirih kawhar. ¹³ Untami, sisazeni atih ayhin kohkarike dhaor, awarken na akuh kagha awoh "ukeru," awar kuwoh zahpiron inung unyhin enka nirghane asugwhu kayhi awar ki vang. ¹⁴ Awar kuwoh tima wana ijam Kristoh inang reh yhaomtao usiru uwuri inung unkan amaruvah izoh amaka ravah ariwuri. ¹⁵ Awar kankusu muh ama vereh, "ukeruh, inang pi pokoro ari nyi riyhi, kasu gbwangde asugwhu kapuh, kinne urhaowaonaoh." ¹⁶ Wammi ima pokoro Asiri anreh ikuh rise uraowaonaoh? Anku zang aya nang Musa ima chidda yhaon un Masar? ¹⁷ Nang wammi na ima seri ari ghaozaoh atiwah akiri-anas? ankuh mazang na ayami ariseh ivang, aya nang makinuruh mayhaon mamma riksih inung anarimih? ¹⁸ Nang wammi na ima siri awoh anka zakku nighe inung amarentu mayhi, inang ama riseh yhi uzahmatini? ¹⁹ Tima reghe awoh amarito ma nighe inung atege kama rentuh mayhi awar kuwoh ama rotoh ma rume.