¹ Awar tuken, Tikaku varah nagbwing sa pirong ika suka suska yhi unighe amavonsono mami na ama alikawarta ini ma Sirih. ² Awar kuwoh tima pokoro alibishir a majagha nan mavonsono ma Sirih neh kenna ama miya yhaon. Utumu uraowuri uroto rene piseh na aya ama pokoro, amarento rume nang utumu umi. ³ Awurhi aya tima rume awurhi unka nighe a mavonsono mami, neh kenna ima vere, kenna nmaSiri inung arikaozao rinang, anka zaku nighe a mavonsono mami." Imah vere kini, ku nan kunna amama ruru utuma unapsanu urikuya cette zohn. ⁴ Awar kuwoh imah vere ironki teghe a majagha atuk kanpivigha pezohn, "Kasirih kamah vonsono atuk ka pivigha pezohn un tuma umi na Kaseri nasang." ⁵ Ima gura vere, "Anka zaku nana nighe a mavonsono manang." ⁶ Awar tukini, Kasirih kamah peh a mavonsono makan awar kaya asuni an nighehm, na Isra'ilawa nan mapuk mayhaor ami ama pokoro utumu uru urip a majagha a mavonsono mayhi an roto nighehn awar ku zaku malini. ⁷ Kasirih kama gura napsa arong katuk na aku kaghe, "ukeru" kama rene annyhi mu adhaor kamina kama vere turina uh Dauda, ai na kama vere cette ranga na ama seme umiya, "ukeru innang en pokoro arinyi riyhi, suhni ukiktare nasugwhu nayhin." ⁸ Inna Joshuawa imah royhoan a mavonsono, Kasirih kanan ka zaku pi vere an manzu monnyhi. ⁹ Awar tuken, ama peh annyi moh Saabaor awar ka yhaor a Sirih. ¹⁰ Awar kuwo piya enighe a mavonsono ma Sirih, yhi ariti ima vansono utuma uyhi, neh kenna Kasirih kamah riseh na utuma ukan. ¹¹ Awar tuken, tirise uraon ku nighe a mavonsono, marii, awar kuwoh piron ika suka nighe nang muzu uza matini mami na amah riseh. ¹² Avere a Sirih aghar, a sinrao a piri ataon kami ka sinrao tiva, kaku sarka atehtih kuvoh nang mazir, kaku ka zagh. Kaku suska uvindiri udinnenu oh suwu nang matoroh makan. ¹³ Zah kirammawa kimi na'ama napsa ki wukuneni ana yizi a Sirih ankusu makan murhi a macaondaori munyen, mu gura ari anpeze ana yizi ayhi apiya na arhe risirh tunka rohyi uvaru atii awurhi. ¹⁴ Tiri nan kufirist kungwakin kumi kuma sarka tehtehtuh kizo, Yesoh pivezene oh Sirih, tuken tiyaoptao ubangaskiya uwurhi unnirghanu. ¹⁵ Awar kufirist kuwurih kugwaki iza yhi a rilillipovvo ungbwenu, yhi ina ama gbweke yhi tirina nasang, umuzu umi na ama rise irhi, ama roto zugwu yhi na ivang. ¹⁶ Awar ken tirug annyen mukursiyi ku mapes zah kasasah, awar kuwo an pokoro a rilillipovo, awurhi tizuk a mapes mami manka kana irhi adhaor kami an tisi ringhi.