¹ Awarken ten rene atoh awarkakankusu na tima pokseh awarkuwo tikasun tereh inung unmun. ² Awar kuwoh avereh ami na ama vereh amaruvah nang ku nyeku, anreh koh irikivang nang kuza pokoro konka sere ivurah, ³ Ini na tenka mekse inang teh wunnu nang kuwaska kuh kugwaki? Arenh ku waska ku na zonzo ima zongoro a migha anreh aya ama pokoro an rume. ⁴ Adhaor karaoh Kasiri kama rume awarku reghu, anang uruvah areghe nang anang asizazi adunn, anreh nang kurukse kuma reze mammazir marip awar ka nang ayhi. ⁵ Awar kuwoh ama zakure amajaghari nang manyenku mami nang Kasirih kama rene urikuya kumi kon ruvah, kumi na timasin verveneh. ⁶ Tuteng, pirong irih kateghe ku missenu "akuwo "yemmi ireh pirumi umi napen pokorong yhi? vah pivezene upirumi, umi napi pok nang yhi? ⁷ Pimah napsa pirumi idunduwoh ama ruvah nang na manyenku: ⁸ Pimah rene koyemmi in tutuh ajhaos kana vinah nayhi: Awar kuwoh areh awarkayhi pimah rene ankusu nasang mun tusuzuwoh yhi, irotoh ma jighi aramwa kin rotoh ma tukuruwo yhi. Awar kuwoh nekini tirotomah reghe ankusu nasang moh tusuzuwoh yhi. ⁹ Awar ken tima reghe piyami na ama napsa na ajhaos kamanyenku adhaor kachini: Yesoh, piya awarki vura iyhi nang kukhao, ama gisiyhi arikar ritiwomoh nang matutuh neh kini inung ama vur ma Siri ima gbweki ukhau awarka koh piriku rume. ¹⁰ Awarken muma rivah Asiri awar kuwoh ankusu nasang murih awar kayhi nang inung unyhi, asa mun yendeze avezene adunn inung atiwomoh ti yhi. Muma ripka yhi iren piya gwaki uwaska kuyhaon kun khaor inung invurah. ¹¹ Awarken nasang aya aguzu nang aya nang ama guzu yhaon ama chira atehe karoah neh ken izahku pok ugbaor ikangde yhaon awoh akoni. ¹² Ima vereh "manka kagha arizayi ripuh amajaghari na akoni anang, manka sipsa awarka kapu amaruvah inung arifighi." ¹³ Anreh agura "Manka rume inung unyhi." Anreh agura, "Tirkiri, nnurunah nang nonoh nami nang Kasir kama raom." ¹⁴ Awarken tunang nonoh na Sirinaku whanza aripum nang ma nyo, Yesoh ma ikuh riseh ken neyhaon, awarken inung unkha enka zohvoh apiyam irih usiru ukha, yi iren pisipuh. ¹⁵ Anang arah ankuh wanaken asa anka reske ayami inung unkhau ukhao ama zomi azomtoko koh rereh. ¹⁶ Awarken ama zakure nang manyenku na ipok mim, tuteng, areh nang ivir Ibrahim imi nang ipok mim. ¹⁷ Awarken muma wana yhi kumuram asa iwan ne akommini inung unrinah nasang, asa ika wanaaa piya rilillipovo, nang rivin ruh Firist kugwaki amajahari na ankusu moh Siri, anreh ika yende iguzi ivang eyhaor. ¹⁸ Awar kuwoh Yesoh aritih riyhi ima seze urereh anreh anku gbweke yhi, eku kana ayami na asin gbweke yhaoan,