¹ Kasirih kama woroh asi verveneh nang Atitih yina parr nakan ana daor nadun intumtum. ² Ana tuk arah, kama vereh nang awurih tikono, kami nang kama teske kan wan piyah ankukkutsu. Ukan nang Kasirih kama cheske urikuyah. ³ Kare kuri nabaurang kumazir masiri, are matini munang, ayap ankusu namit untsuruh uvereh kan. Un-runnuh uguzuni ivang, kan zomo acharuram kapi karma izo. ⁴ Kan wana kuchaghis kumakhagdao, kuwoh rizaghi dimi dimiri rikanmin dikhaghari apiri diyhan. ⁵ Nang kurike khagdao na Kasirih kama tuzu verem, ''Pire siru nang ukenu ma wana tiu, agurah,'' ''Gwana tiu nang yhi, yhi wana siru nang''? ⁶ Agurah, adaor Nakasiri kayende urewho ozon urikuyha, kan woh, ''makhandao nasang mankaku ghenzeh yhi'' ⁷ Nang makhagdao kan woh,''Ireh piya eriseh amazir mamakhagdao, Arere yhi arem urah'' ⁸ Un-siru-mih kan woh, ''karirah kapu Sirih, kari uren, rivak deti womoh ripuh dereh rivak dukundenuh. ⁹ Pi sunih uri naduu avonovuh mayiman.'' Awar ken Kasirih, Kasir kapuh, kama sullevuh amanuk marigharao apirkanevuh nang acheghi puh''. ¹⁰ Uraosi, Sirih, pima kabgwara ilang urikuya. Izo are utumah anachanna puh. ¹¹ Munka wantazana, piyhi pivirivuh, munka jitazamah ne mapuh-mamakutsu. ¹² Pinka pisi man ne kugodoh, asaskunuwoh ne kuma kutsu are pighi pi taka riken, tiwah tipuh tiza mararah.'' ¹³ Nang kurike khagdao naKasirih kama verem arong kadarr, ''zomo chara kuram kanang sa unren izingdih puh ankwaggarang munavih napuh''? ¹⁴ Kuzang nasang makhagdao maziriri mu seri kan utumah natumah man awar kayha asennih ughaska?