¹ Awar kuwo tisi jara nan maching ma makonkuzuwo muh shaidu, Tih nekere an kusu mumi mohn ka suska u zippwine irhi nang ivang imi enka rene a raokaorao ku pirka na suwu na wurhi. Inung un hakuri tika suska maghaghana mami marhih annyen muwurhi. ² Sa'ani tih kapkwara a yizi a wurhi nan Yesoh, yhi irhe u semenu u bangaskiya a wurhi nang u korononu uni, piya na areh awar rigaorao na amah rene annyen muyhi i kwakturuwo u giciye, imah soskoro ugbor uyhi, piya imah gura aka zomo a chara kuraom ku kursiyi kho Sirih. ³ Rehye ni yhi piya imah kwakturuwa imuzu adawa a wori nang ayhi ivang, awr kuwo inka suka ruhruh zah ugbemtenu. ⁴ In roto yezene vah u konkohzuwonu nang ivang imi enh jagha in nekere manyo mayhin. In man gura wunnu nang ugargadi umi na'ama riseh ini uveihn ku nhono: ⁵ "Pivezene, suh zika a richimu rhi Zonzo nroh, surh gura bris adaor kami napeh kuveihn-a masayin zugwa richimu riyhi. ⁶ Awar kuwo Zonzo eku chima aya na isuni yaon, agura tehmene aya na ima seere yaon. ⁷ Kwakturuwoni un rehreh uveihn ku richimu. Kasirih kaseri na a yini neh nhono nakan, awr kuwo ka riki khono na putu kan enka zaku chima kan? ⁸ Inna inh zayini richimu neh kenna a yaor arhi nang rihn, enh wana izingdi an zang nhono. ⁹ Kenna murhih, neh ken na tiri nan a tizingdi u rikuya, ami aku ama irhi, teku gura a rukse yaon u daraja. Toh, tih ruku riseh Titah awurhi uh mazir a matini awar kuwo ti kasu raovao? ¹⁰ Turuku petteh na a titi a wurhi aku chima irhi an tuk a tini, kenna a rehye moh rippwah, Kasirih kaku chima irhi awar ka marentu mu wurhi, awar kuwo tika zugwa u rehze inung a mavur makan. ¹¹ Zah richimu rimi reku rentu a daor kami na a seri rihn, arhe rinku piyaa, atini ka richimu reku reyhe useih u mazir nang u adalci nang aya na'a niinah yaon inung. ¹² Awar tuken, nizazanani ana chara nayhin nami na zaku nirghani (asi chawutuwo). ¹³ Dorkoroni irina iyaozaozi awar kiu kima zugwa ugun kin suka gbwemte kinka wargha. ¹⁴ Righine mavok nang ayaor nasang nan kazohm ka mavur, inna kaza kan mihm, zah piya enak rehye a Sirih. ¹⁵ Inka varah pirong uyhin ika suka viza mapes ma Sirih, suh rume kurong kunaok kunyaki kun cir inung uyhin a reyhe unyaku, awar kuwo mapuk inung uyhin an suka want tuken. ¹⁶ Inka vara sah anka suka zugwa api ringhi anyowo vah piya izayi ibada inung uyhin, neh Isuwa, umi ima zizi tichirvu tiyhi tih pivezene u zoni awar ka mariniru. ¹⁷ In reken ayao awo ima pokoro uraon i gaji a ritau-rip uzono, an vonoyaon yhi, awar kuwo ima roto zugwa awar ku tuva ima riken a ringhi ruina u tuva nan mayizi. ¹⁸ Awar kuwo inma roto nan rikwang rimi naku rike ana chara, rikwang rimi reku rao nang urah, nang anjoh musir nang uriruh. ¹⁹ In roto ruva nan matehtun muh ruksenu u kaou nan ringyii rujifuruwo, nang aya amasi pokse amah tanzana anka suka pih pokoro. ²⁰ Awr kuwo ama roto suska kwakturuwo in kusu na ama mura a riiti rikin: "Inna uvigha oh rike rikwang rimi aku tazu ni." ²¹ Anang u kaou nagbwing, Musa imaka vere, "Inri inung un kaou nagbwing inma ka jifuruwo." ²² Tuken inma ruva nan Rikwang ruh Sihiyona nang ku rho ko Sirih kuvoh, a gura arhe Urshalima izoh, nan maduvu-duvu ma manyenku inung a rigaroraoh nan kasuwovok. ²³ Inma ruva makonkuzuwo manhono nazoni, izo ama nyakarahm, in ma gura ruva nan Kasirih, kan kare piya mateh nasang, nan ken ima gura ruva nan mazir maya matini aya na ama vurkuze yaon. Inma ruva nan Yesoh, yhi irhe ku peghi tehtii ka ringyyii ripas, manyo muh miskize manma, mami masi vervene a piri manyo man Habila. ²⁵ In ka vara sah inka suka vonini a piyanni umi isu vervene uyhin. Inna a roto zugwa a wara ku saobtao a daor kami na kukuzuwao nang piya e gbonzo uyaon urikuya, a wurhi ma tenka zaku saobtao inna teh vono irhi a piya isi gbonzo uwurhi a wori izo. ²⁶ A rong kadaor, rinyii riyhi rimah zunkde urikuya. Neh kini ima challe a chara awo (zika alikawali awo) "maka rava ukeru azank kurikuya nazik naman zunkde, mahn zungde nang izo." ²⁷ Avere ara, "Maka rava ukeru" anku mumi monka zonkduwo mumha chira a miyunuwo, an kusu mumi na'ama napsa, awar kuwo ankusu mumi moku zunkduwo mun wanahm. ²⁸ Awar ken, uzugwu u tiwomo timi tenka zaku u zunkduwo, tiwana ayu sanjinghi inun ananang ara tirise a Sirih u sujada inung un daraja nang mapiya mu girmamawa. ²⁹ Awar kuwo Kasirih ka wurhi umi oku pokso.