¹ Sani usunu uri kommina enkana en zonoh. ² Ti kasu wunnu uruze koyhaon ati chirvu, awar tu ken, nang arong ama sere marabci anyhenku anzang anku ma yhaoh yhaon. ³ Dinne nang ayha ari nh rehreh kinne inku tu rih nang yhaon in muzu halli umi nang arim. In tinu dinne nang mupovono kinne nasang kuyhin inrin a mapovono mami. ⁴ Sani ayhaor nasang amiru irunga tichirvu sanian gura vurkane uwuru irunga, awar Kasirih kan ka temeneh aya Fasikanci nang mazinata. ⁵ Sani uhalli uyhin nh chunuwo nang usunu ikorgho in narguruwo ankusu muminang inrih nang mun, awar Kasirih aritih rikan kawoh "man zaku jhaohi nim, azang nh ku nang nekerini wunini. ⁶ Sani ti wan nang unargurwonu awar kuwoh tizuk uzah ukau gabagaji awoh, "pikarma ireh piyu kananu, man ka zaku pokoro ukau. Nah yen nang piyhaor enka suska renem?" ⁷ In kayhen luru nang aya aseri ti chirvu nh yin, aya a horini timah verveneh masirih ingura lura nang usakammako anang ayhaon, gwekseni nang urumenu uyhaon. ⁸ Yesoh Alhmasihuirih uraoh ukwe nan ukeru nan riwuri. ⁹ Inksdu kotokini ti timiseru ti vaktasi, awar mureh murib kasugwhu kan suwunuwoh tima vur, are anzang nh dokoki aritih ri marinuru, udoka uruh anka zaku kaniri. ¹⁰ Tirih nan kubagadi kumi nang ayha aseri utuma alifalwa rimi anka zaku raoh inzoh ikun. ¹¹ Pireveneni ugwaki eku nighe atek ka vur nang mannyo mama narah mami nang ama cheze, ku hadaya kivang, are inama iman anka ka pokso atini ku sansani. ¹² Awar ken Yesoh unayi imah seze ivura atini karong kuroh kumi, awar ivurkane ayhaor ami ama nyho ma yhi. ¹³ Awar ken saninti jariri nang yhi atini ku sansani kumi amane nang anchin mu yhi. ¹⁴ Awar ti za'iri urong kuroh kurah rim ina awar ken tisih romonoh uroh kuma ruva. ¹⁵ Tu pette ku yhi, sani ana tuk atuk ti ruzeh uhadaya ku chaghu nang Kasirih, uchaghu una'uni uni ure mavervene mana naoh nawuri mami maku zaovaoh rizayhi rikan. ¹⁶ Tika su wunnu nang matininan ukananu otih awuri, awar Kasirih ka serih rigaraoh agwakane nang inuzi mahadaya mani. ¹⁷ Rohni tichirvu nang ku viskine kuritih nang aya aseri tichirvu nh yhin, awar aseri utuma u gwisa avatih ayhin awar kama voh mayhin, kinne ayha anka roh uvazzenu rohni tichirvu nang yhaon awar an yello utuma uyheng ku yhin inung ari gharaoh, anzang nan usir osuwhu, awar inang ayelli nang usir osugwhu kanka zaku amfani ri konka zaku risini irangwa ¹⁸ Riseh niri riyaob, awar tima rume tiri nang almairi uvur agura seri uburi ti yelli urayuwa umi umanim nasang nang anang ami. ¹⁹ Nh sih gura nizazini ukuwo nasang in riseh kini, awar nh zuk u guru nang ayini araohkaraoh. ²⁰ Na sani Kasirih ka zom kamarentu, kami ka chidda piviyhi agwaki uning awori ama kinuru, pikarma uwuri Yesoh ti mannyo ma mana-sana maza mararah. ²¹ imah mankarinin nang ankusu murib nasang awar in riseh usunu uyhi. Sani eyelli utuma nh wuri umi on manayi mim agwakane. Tu pette ku Yesoh Almasihu, sa uzaovanu nh wan nan yhi aka jagha riwuri. Ken. ²² Ri kommina, kini nh sih nizazini, asa in kwakturuwo avereh a kutti arah usisazenumi nang ma nyhazinim. ²³ Nh suni in yaogaotaoke ama viskine Timoti, amane nang yhi nang man ruba reghini innang enan ruva a raokaraoh. ²⁴ Sumazeni piyhi seri tichirvu nn yhin nasang nang ayu rumenu. Rikommina awuri inaohri Italiya asih sunazini. ²⁵ Sa mavur man wan nh yhin nasang.