¹ Neh kini urenu osugwu ureh uzuwoh unkusu mumi na amatarusiru kuwoh an zuwa, unkureh urumenu unkusu mumi na arotoh ma rege. ² Awar koh nang arah aputi ama rume nang yhaon awar kurenu Osugwu. ³ Un renu osugwu tima yaoghaotaoke awoh kurikuya ama napsa kun tiu'matazana masiri, awarkuwoh ankusu mumi na anyen amanapsa mun inung inung ankusu mumi na ama nyen. ⁴ Areh unrenu osugwu na Habila ima roah asiri ikusu kirip apirka kayinu, inung anang arah ama gbwekeyhi iwana piya yaozi-nawas, anreh Kasirih kama cha'ah yhi na gwakane awarku kikusu na ima roah, anreh inung anrenu osugwu Habila imasin verene, koh kinang imama kha. ⁵ Areh inung unrenu osugwu nang Anuhu ama zikayhi amakani zoh awarken irotoma rege ukha. ''Ama rotoh ma zuwayhi, awarkuwoh Kasirih kama zika.'' Awarke kamun anzikayhi izoh, Ama migha awoh Kasirih kama pokoro urentu uyhi. ⁶ Neh kin unzah urenu Osugwu tenka zahku rentene aSirih asugwu. Awarkuwoh kurip uwoh piya irama ruvah nang Kasirih irume awoh kankaku roah ama veze amajahgari nang aya akurighi yhi. ⁷ Areh inung urenu osugwu nang Nuhu, kinang ama roahyhi avere avur amajaghari ankusu mumi na arotoh ma reghe, na utunu oSirih ima suwa uwasa asa ireske urarah kuyhi. Inung unrisehnu onang arah, ima temene urikuya anreh iku whana piwhanzani uriving umi urih amaruvah nang urenu osugwu. ⁸ Areh inung unrenu osugwu na Ibrahim, adhaor kami na ama kangdeyhi, i rume anreh ikuh jarayhi ateghe mi nang ima kasere urezeh kuyhi. Ima chira unya, azahkuyhao atek na irama kanam. ⁹ Areh inung unrenu osugwu na ima yelli azohm unroh kuzang kuyhi. Ima riseh azohm inung ingari nang Ishaku nang Yakubu, akoni urezeh kuraoh. ¹⁰ Awarkuwoh imama rene anyen asin righi uroh kumi nang ama seme utumah, kuroh kumi nang asuwi areh Kasirih. ¹¹ Areh inung unrenu osugwu, koh kinang ki saratu kima reh pikur, anreh Ibrahim ima sereh usiru awana putuh u kohnoh. Anang arah ama wanaken koh kenang imama wana pereveh, awar kenang ama regeyhi ireh perenu osugwu amajahari nang piyami emighayhi. ¹² Awarken, amaruvah nang piyhaor uruh uraoh, umi ima rah patuh kha, ima reghe ayhaor ami aseghe anrenung mizoh awarku gwaku agura sighi isan umana ku gwaki, imi na anka zahku susku vakze. ¹³ Areh inung unrenu osugwu na ankusu mu nasang mumakizi arotoh ma sere anaoh karangani. Untami, atini kureghu nang kusumazu kuyhaon ama ranghani, ama rume awoh areh ajhaon agura reh avereh inung unrikuya. ¹⁴ Awarkayami aku vere ankusu muh aku vere marivah awoh ankusin righi amayinzi murarah. ¹⁵ Anareh ankumasin dinni ama yinzi mamih na achiram, anama zuwa adhaor ku naoghao. ¹⁶ Awarkenang muri, ama suni amayinzi mapiriken, man mareh, mizoh. Awarken Kasirih kazahku pok ugbaor uwoh ankangde kan awoh Kasirih kayhaon, awarkenang kama napsa yhaon uroh kuyhaon. ¹⁷ Areh inung unvenu osugwu nang Ibrahim, adhaor kami na ama gbwezene uyhi na zik umi nang ima raoh, yhi piya ima sereh anaoh karip. ¹⁸ Areh Ibrahim umi na amavereyhi, ''areh inung Ishaku nang manaok mapuh na anka kagha.'' ¹⁹ Ibrahim idinni awoh Kasirih inung ama kanka suskuh chone Ishaku inung ama kinuruh, anreh inung amanang'ahtani mavereh, areh amaruvah nang yhaon nama sereyhi. ²⁰ Agura reh unrenu osugwu awarkankusu mumaruvah na Ishaku ima zikine Yaakuvuh nang Isuwa. ²¹ Areh unrenu osugwu na Yakuvu, adhaor kami na imasin kizi, izikine avezene Isufu. Yakuvu ima tutuh, ama baokuruwoh ati kayhi. ²² Areh unrenu osugwu na Isufu, adhaor kami nang riwuri riyhi rimarah pati, ima vereh uchonu unohnoh ni Isra'ila inung un Masar anreh iku migha yhaon awar ka kuvuh ayhi. ²³ Areh unrenu osugwu nang Musa, adhaor na ama reghe yhi, an nisazeyhi amaka ravah ipiitar nang apute yhi awarkuwoh ama reghe yhi ireh konoh kakuruh rivah. Ama rotoh ma pokoro ukhau uma tazzana mapi womoh. ²⁴ Areh unrenu osugwu nang Musa, adhaor na ekunza, ivonoyhi uwoh ankang yhi awo pivezene u konoh ka Fir'auna ²⁵ Untami, ima nerve arume uwoh iseze urereh nang ayhaor aSirih, kun pirka yhi uwoh ipokoro marentu mi vang inung adhaor kachini. ²⁶ Ima dinni awoh ugboar udorkoni u Kristoh upiri ankusu mu Masar. Awarkuwoh imama tara ayizi inung unrezeh. ²⁷ Areh unrenu osugwu nang Musa ima jighi uMasar. Ima rotomah pokoro ukhau urikhaozaoh ripiwomoh, awarkuwoh ima nome asugwu kinne iku tirkini apiya na aku zahkuveghe. ²⁸ Areh unrenu osugwu nang ima tara u vhaonu nang umiskizenu uma nyo, awarkuwoh piwunzani unohnoh ni zohn ika zahku rike anohnoh ni zohn ni sra'ila. ²⁹ Areh unrenu osugwu nang ama vhaoraoh u teku ku seen kinne ankusin jaro amayinzi. Adhaor kami na ayu Masar ama gbweke ken, ama saokaoreh yhaon. ³⁰ Areh unrenu osugwu nang ku wuvah kuh Yeriko kuma righi, kenang ama gisa kun anatuk api-vi'ah pizohn. ³¹ Areh unrenu osugwu nang ki Rahab ku challe-vhaoraoh kuma rotoh ma kha na aya zahyhaon matini, awarkuwoh kima sere ajhaon inung amavok. ³² Yemmi nang man gura vereh? Awarkuwoh kadhaor kankazahku hamam inang ma migha ini amajahari nang Gidiyon, Bamson, Dawuda, Samaila nang amanzu anabawa. ³³ Areh unrenu osugwu na ama wana an woni mutiwomoh, utuma urivin, nang usenu 'onaoh karip. Ama wuzza ananaoh nama zaki. ³⁴ Ama imze usiru urah, upipta ana naoh nan tan, ama whargazana unwuna, an wanza aya kuni inung ariwoma anreh anku wanza an woni moh ya zayhaon usu uyhaon. ³⁵ Anyogho ansese amakinuruh ma yhaon mami nang a chone man. Arong an seze ivura, zah ama saoptoh asa anka zuwa uchonu upiriken. ³⁶ Arong angbweke yhaon inung atichere agura sin vavahyhaon, angura sisi yhaon apikhaorgho agura peghe yhaon inung unrarah ku yari. ³⁷ Ama taza yhaon, ama cheze yhaon tivah. Ama wunza yhaon anatan. Ama jara amakpa mamma gan nang mi waon. Ama wanza ayu wa'am, aya ti chere, ayi vura. ³⁸ Kurikuya kuma zahkun usu uyhaon. Amasin whandana inung ana rimi, amapanah, ana, waok, na inung un nun inung ajhaos. ³⁹ Awarken ayhaor nasang na Kasirih kama rume nan yhaon awarku renu osugwu uyhaon, ama rotoh ma sere anaoh karip. ⁴⁰ Kasirih kama napsa iramwa kipiriken amaruvah na awuri, awarkuwoh unzah uwuri, anka zahku napsa mun marivah.