¹ Awar mateh kutongdon kon kusu mu ribsi mu maruvah, azang kuraosi kon kusu mura aya asin patuzuwoh nan Kasirih an ka zaku nana a ingantu tima hadayu mani nan a reveneni aku sih ruzeh a tiwa tiwa. ² Innan a zang ken antu ruku jaoh mahadayu mami? Awaowari ali'amarina, a tek nan ama vurka riraoh na rak a yu sujada anna zaku yaoh i yemmi ire ivang. ³ Are mahadayu ma maku mah wana udinnehnu nan ivang riwa a dorkoni a riwa. ⁴ Awar monka zaku wana nannyho mi nagha irumi nan i waohn an chuwune ivang. ⁵ Ken nan Almasihu imah ruvah nh rikuyah, imah woh, "Azang ku hadayu nan ku sadaka nan pisin romono, a tuten, nafsan ripuhm awar ku hadaya. ⁶ Piku zaku yelli rigaraoh awar ku hadayu ku poksonu awar kivan. ⁷ Anre nh kuwo, regheh, nh nuru nh maruva nh yelli u sunu upu, kinneh kenna amah nyhaza a ritih rinang. ⁸ Ari zoni iwoh, "Azang ku hadayuu va ku sadakoki, va ku hadaya ku poksonu awar kivang nan pi suni. Pi zaku gura pok urentu man, mana man mare ma hadayu mami nan ma waohwari a mateh. ⁹ A dhaor kami iwoh, "Nh nuru ma ruvah asa awar nh riseh usunu upu." E chuwune u hidima u zoni awar i kapwara u hidima o vak. ¹⁰ Nh hidima ovak, ama ke biri nan Kasirih tu sunu ukan tu hadaya ku Yesoh Almasihu avakpkwa nu nan upirnum. ¹¹ Ken ko piriku revenehni eku yaozaoneh ana tuk nasang awar i yelli u hidima nan Kasirih. Ana tuk nasang isin ruzeh ma hadayu, imiz i raoh ken nan man ka zaku suska u chuwune ivang. v 12 Turang urinah, Almasihu ima roh u hadaya ri raoh na rak awar kivang aka jagha ariwuri, e zomo a chara kuraom Kasirih. 3 I sih suksa an renk ayu za usu ayi anka wan matar kazan mana vina nayi. ¹⁴ Awar teh tek ku hadaya ku ra raoh kumi e ruru nasang nan a yah ama sapkwane a tih a yaon nan Kasirih. ¹⁵ Mazhir mavur unahman mama waghiri u yaon. Ki kusu kizoni e woh. ¹⁶ " Arana ani are matazzanan mani nan man yelli nan yaon a tini ka tuk aning; pikarma e vere man rene u muranu unang innung ana suwhu na yaon, man gura nyazah nh lamiri u yaon. ¹⁷ Man zaku dinne in vang i yaon nan marpkwuzuwo mayaon." ¹⁸ Kini nasang katek a zuwu u yafenu awar kan kusumu, za kurong ku hadaya awar kivang. ¹⁹ Awar ken rikommina, ti za'iri a sasa u ninghenu a tek kan kama vur ti mannyo ma Yesoh. ²⁰ A rana ani are urina u pas umi o wontori teh tek ku labule kumi, ukoah tiri puhm riyi. ²¹ Awar tiri nan pireh veneni u gbwaki nh rara ko Sirih. ²² Sani ti kotoko paturwo nan kasuwhh karib, nan u koru uza ukau innung nh rumenu, nan kasuwhu ka wuri kani nan ama vurkane a wori nh dinnehnu uyi huni, a maneh nan apu a wuri a zura nani nan marmasir mavur. ²³ Sani ti yaobtaoh u waghu yaoh ku rumenu u reneh ko suwhum ku wurim nh nirganu, an zang nan ti zalla, awar ka Sirih, kani ka reneh ka yelliri manafsana kari matini. ²⁴ Sani ti gura yelli u lura kennan ten si sane a tih a wuri nh sunu nan anang ani a ripkwa. ²⁵ Tika su jaoh u zumuncin nan atih a wuri, kinne kennan a rong aku riseh. Atu teng sani ti sisane ati awuri ana dhaor nasang, kinne kennan in yheng u kotoko ko tuk kan-kan. ²⁶ Awar innan teh raoh u zonoh nan ivang u ganganci a tini ku mireh zuwa ku yaoh ku rivim ri, ku hadaya ki muzi vang iri ko ku zaku zuwana. ²⁷ Un tami, an ra ukau u mateh magwaki nan tibana ti piu, nan teng raoh a yu zahwusu o Sirih. ²⁸ Nasang piya irotoh dorkoro u muranu u Musa en kaoh za ririllipovoh teh waghani u yaoh avah vah athar. ²⁹ Mateh marini nan in yheng mari uwoh an yelli aya a yaksa Pivezeneh pe Sirih, nasang koya a rene mannyho ma matazzana man kinne manku zaku vura, mure ti mannyho mani nan a vurkare yi nan Kasiri, a ya a wulakantar nan mazhir ma mavur? ³⁰ Awar ti yaoh piya ewo, "U guddunu ureh unang; man yelli u sakayya." A dhaor kami, "Pikarma en temeneh a yaor ayi." ³¹ Anang u kau an rik ana chara a Sirih kuvoh! ³² Na in dinne nan a tuk a tini, a tini ku zuwhu an peze, kennan immah kwakturwo innung a mapovono nan ivura. ³³ An ruzini anching anyhen mo yaor ti pi sawha nan kari ku mutunci, in sih pokseh i muzi vura imi nang arong ama ninghem innung. ³⁴ Awar in rih rirililipovoh ana ya ari un rehreh, nan rigaoraoh, in mah rume nan u tuwu urih ku yin umi nan amma yelli ni in ma puru uzahurarnu u yaob u piri nh rib. Awar in ma pokoro ririllipovo rinang kennan nh marih nh raoghaoh ku rehreh. ³⁵ Awar ken in kasu rume uza ukau uyin, umi urih usakanmako a gwakane. ³⁶ Awar in ru su unokoro kosuwhu awar in zuk ikusu nan Kasirih ka yelli ri matazanam, innan en yelli u sunu uKan. ³⁷ Awar a dhaor na chini, piyu ruvu uning en ruva en zaku raotaronaoh. ³⁸ Piya matini manang tu rumenu. Inna ne gura naoghao teh tini, manka yelli rigaoraoh nan yi. ³⁹ Are a wuri ti zaku rih innung ana yah naoghao teh tini makana nh kaoh. Un tami, tiri innung ana yah ari nan u rumenu awar ku yhenteh ku i mavoh mayaon.