¹ Shawulu irotu sin verveneh urennnoh ukau nang uwuzanu unagbweng na Siri, ikamah nang kupiris kuchurvih. ² A tanzanah yhi avah ukanah anajighii Nudimaska, awar kapiya nang ezuwah nrinah unih, pirumih vah piyhawoh, izikah ayende Nrushalima an wurah. ³ Adaor nang irah jarah anang paturuwah Ndimasaka, nabout anpezeh muworih zoh mu girarih yhi. ⁴ Iriyhi ajas anreh ikuh pokoro riyhii rewoh uyhi, "Shawulu, Shawulu, yen nereneh pisi gasam?" ⁵ Shawulu imaneh, "Piyhii wan Siri?", Kasiri kanwoh "Mini Yesoh umin na pisi ghasa yhi. ⁶ Na chao, anigyhe uroh, sa an miyah vuh arah na pen riseh ⁷ Ayah nang asin jarah nasang an yashanaoh mazavereh. ⁸ Shawulu ichao awori ajass, awakaoh ayizi yhi maza reyhe irangygma. Anda jitarih yhi ayap yhi anachara ama nighye Ndimaska. ⁹ Atuk katarr izaku rhi uyhaen, iroto ma raoh vah usoh. ¹⁰ Piron ugbeksene irhi Ndimaska umi nakoh Hananiya titugwaki i migha yhi nyhir, "ananiya! Iwoh, "reyhe nrih ina Sirih." ¹¹ Kasir Kanwoh uyhi, "chao ajaravuh apitam perarah pimih nakho Pidikananih, urarah ku Yahuda arivi apiyar umih echirah Ntarsus nakho Shawulu, iserih riyaop. ¹² Ima reyhe yirr kupiyar nakhor Hananiya ama kana nang yhi, atarkarah nacharah uyhi, sa uwoh kuyhaen kun guryhi. ¹³ Hananiya igirkirih "Sirih nmah pokoroh aritih dipiyar-umih nang ayar adunh, uza nagyha kumih nang imah rise ayaor amavezeh Nrushalima ¹⁴ Irih nang urumennuh nang ayachor vih Amapiris, upusu ayahsi kagyha arizayhi ripuh." ¹⁵ Kasir kan woh uyhi, "jaravuh, irah ku zingnaru kumakusu manang. Ugirarih rhizayhi dinang atirindinah nang awomoh nang nonoh Nisaraila. ¹⁶ Man sa yhi ivurah imi nang ensese awar karizayhi rinang. ¹⁷ Hananiya irekunuwoh yhi, anigyhe inung urarah, asi worvohzeh ana charah uyhi, awoh, "Koni Shawulu, Kasir Yesos umih ima manah nanpuh Ndiyah ama ruvah mapuh, etuman kuwoh pi guddu uyhaen awanah na kwasss nang maziriri ¹⁸ Kiramwa na yhaghas kin zattaeh yhi anayizih, kuyhaen kuyhi kun guruh, ichao anwaktaenaoh yhi. ¹⁹ Iraoh agurah sisunuwoh. Izomoh nang nagbweng Ndimaska areneh atuk pivigha pizoni. ²⁰ Irah miseh arizayhi ri Yesoh anajighii, akuwoh ire konoh Kasiri. ²¹ Aya pokoroh yhi anwanah nabout awoh, "ku zang piyar-ruruh ima tuzhozho ayarr Nrushalima amih aku kagha ari zayhii rindi? Iku ruvah izeh sa mapiris machorrih nang Kasiri yhaen. ²² Shawulu isopwo atattunuwoh Nsiruh, Ayahudawa amih azumih Ndimaska ireneh yhaen ugwok a yatarakah Yesoh ire Kiristi. ²³ Nvannuh utuk adunn, Ayahudawa antaszanah uwunah yhii. ²⁴ Shawulu iyhaghatake mataszaha mayhaen, anrah chigha natuwhorong nuraoh rikatah nang Katuksa an whonyhii. ²⁵ Nagbweng nayhii nan zaeh yhi atuk atoddoyhi tuwuvah inung iyavuh. ²⁶ Inang ruvah Nrushalima Shawulu ireneh umanuwoh nang Nagbweng, nan Pukhoro ukau yhi nasang, maza rumeh awoh irah yhi Kagbweng. ²⁷ Barnabas izika yhi ayendaeh yhi nang nagbweng, Amigha nan nang Shawulu imah reghe Asiri Nrinah nan ken na Kasiri kavereh uyhi, nan ken nan Shawulu emah-verveneh nseruh arizayhi ri Yesoh. ²⁸ Imana nan yhaen ansi jarah manighe nan uchinnoh Urushalima. Ivereh Nseruh arihzayhi re Siri Yesoh. ²⁹ Atanuwoh yhi nang Ayahudawa uhelani, An virih yhaen sa an wunyhi. ³⁰ Achoyhi mih an yhaghatake arah aguddu yhi Nkasiriya anurkarah yhi makana Ntarsus. ³¹ Najighii namit Nyahudiya, Ngalili nang Nsamariya an wanah Natsowoh navokh akununuwoh, ara jara nkau Osiri nang amazokh mamaziriri, Kajighii kan kumah ³² Kun wana anarah, Bitrus Isii jarah atirindinah nakap, inang guruh nang Arumenuh amih arih uroh Kulidda. ³³ Atehemih izuwa pirung nakho Iniyasu, umih inonn atiwontonoh tiwah manzivah, areh kufillaruh. ³⁴ Bitrus iwoh uyhi "Iniyasu Yesoh Kiristoh egharghanehvoh, chao azika anonn kapuh" itoh chao kinikeen. ³⁵ Piya izomih Nlidda nang Nsarona an reghe piyar umih anreh anku kurvwoh nang Kasiri. ³⁶ Nyafa karong kagbweng kanrim nakho Kitabitha, kimih nakhoo "Kidokas" piyhauwo imah kori anang arip nang anang adililipwovohnang ikhu serih ayuwm ³⁷ kun wanah anatuk amih iriyhe tiwontonoh akha; anreh kuzureh yhi acheghe yhi izon ureveh. ³⁸ Nlidda unpatih Nyafa Nagbweng nang pukhoraoh awoh Bitrus irih atehemih, an tumah arumih avah an kanam, atanzanah yhi" Irup nang yhaen maza matumurunuh" ³⁹ Bitrus ichao adurkhoroh yhaen, inan ruvah, an jaghayhi izoh uveneh, makaya "mayhauwoh" nasang man yhazah aguri uyhii asi mahazahnah, asi sakse yhi icharah nang makutsu mamih Nakidokasa kima nuwoh yhaen adaor naki ma rih nan yhaen. ⁴⁰ Bitrus ihidda nih namit uyha uragha atukuruwoh, aene riyap, anteh iku kurvuwih aripum dimih, anrehikuwoh "Tabita chao" anreh kinku wakha ayizih akin, nake reghe Bitrus kin gyeveng azomoh. ⁴¹ Bitrus iraska acharah ahoneh kin, anreh iku kangdeh Arumenuh nang Akaya,iroh yhaen kin kinda gharah. ⁴² Anang arah ayawutonohwoh namit Nyafa, Ayar adun anrume nang Kasiri. ⁴³ Bitus yhii izomoh areneh atuk adun Nyafa nang piya nakho Saminu Majemi.