¹ Adaor kana amari pirong uyhaor inung uroh ku Kaisariya ri zayi ri yiti Karniliyus, imare piwumani ru pette kumi na aku kanagha woh Riwumanu-Italiya. ² Ima re piyu-rene suwhu, piyhaor umi eku tutu nang Kasiri - yi nang ayhaor na sang ami ari unrarah ku yi ima ku ro ikorwoh idunn nang ayami a ri inung unringhwu, a gura sin riseh a tanzu nang Kasiri adhaor nasang. ³ Ama ja'a a dhaor pivigha pivak inung ayira, ima reyhe urewu-uvur inung unenyu ku tirkirinu ku marangani, u kandah ko Siri kun sin ruva makana nang yhi. Ku kandah kumi kun vereh nang yhi, "Kamiliyus!" ⁴ Karniliyus ima rene ayizi nang ku kandah kumi a gura pokoro kau nagbweng, a gura vere woh, "Yemmi ire kani, piyurara?" Ku kandah kumi kun vere nan yhi awoh, "Natanzu na puh nang na-paru na puh a makana nan ayuwam, mama tuwi-izoh a wana na-paru na guzzu-yaoh a makana inung azon Kasiri. ⁵ Kinkini, tuma ayhaor arumi an kana uroh ku Joppa aka yende pirong uyhaor urimi umi iri rizayi awoh Simon, piyhaor umi nang ama ku kangha awoh Bitrus. ⁶ Izomi nang piyu-kwa umi iri riayi Siman, umi iri urarah ku Pette ku-mana ku gbwaki." ⁷ Adhaor kami nang kakandah kami kama vereh nang yhi ka jara kan, Karniliyus ikangde ayhaor avah inung atunzani mu rarah ku yhi, nang pirong piwumani mi eku rene-suwhu awori-nung a wuwani ami asin tunzanin yhi. ⁸ Karniliyus ima migha yhaon an kusu nasang, mu mi moh wana, a gura tuma yhaon an kanu Joppa. ⁹ Kinkini, ayira kami kama dorkoni adhaor kama ja'a ikorwho-tasi, ama woto seru ujaru ama ka pituwo nang kuroh kumi, Bitrus ima kana yhi izo urarah kumi awar kuwoh iriseh a tanzu. ¹⁰ Anreh iku pokoro igbwam agura pok uzuwi rangmwa a sa'a irhi, a mazakuguranu adhaor kami nang ayhaor ami a roti sin suksu a marong marinuru, ama royhi unnyhen ku tirkinu ku marangani. ¹¹ Anreh iku reyhe izo unwonti, kirong kiwavu kin sin tozzono, kinne kuvasan num ku gwaki kusan tozzono a makana urikuyah, an yaop kun ana worna nas na kun. ¹² Inung iwavu kimi amari uvigha inmus nasang mumi muriksi na vina na nas-nas, nang an kusi mumi mo ku womorono a jaos, nang an ki naon mi-i-zoh. ¹³ Anreh ritong rinyhi riku vere nang yhi awoh: "cho, Bitrus, wuna a gura rhao. ¹⁴ A mazakuguranu, Bitrus ima vereh woh, "A zang ke, Piyurarah, awar kuwoh in rotoh ma nana rhao irangmwa kimi kima wanta agura ri marik." ¹⁵ A mazakuguranu, rinyhi rimi rima gura ruva nang yhi adhaor ka vak awoh; "Ki kisu kimi nang Kasiri kama gusku, kasu ka kanghde kin awoh kima wanta." ¹⁶ Kikusu kina kima wana adhaor atar, anre ankutu nanghari iwavuh kimi, a makana inung izoh, mazku nareh-adhaor. ¹⁷ Kinkini adhaor kami nang Bitrus ima vandhaoruwo a gwakane, awar ki kusih mi nang kunyhen ku tirkinu ku rangani kumi nan ima reyheh ku sin dinniyhao, anreh ayhaor ami nang Karniliyus ima tuma yhaon antu yaozaozaone atungworong ka gbwaki kami, a madorkoro adhaor kami nang ama rivi unrina umakana urarah kumi. ¹⁸ Ama kanghde agura rivi boko Siman, piyami na ama gura kangha awoh ¹⁹ Adhaor kami nang Bitrus ima roti sin dinni unnyen ku tirkinu ku marangana mami, Mazir mami man vereh nang yhi awoh, "Tirkiri, ayhaor a rumi a tar a sin ringyi-vuh. ²⁰ Chao agura toro agura jara nang yhaon. Kasu ka nazeh-adhaor awar kuwoh pirisu-ujaru nang yhaon, awar kuwoh ma tuma yhaon." v 21 Anreh Bitrus iku toro nang ayhaon arumi ami avereh woh, "mini inreh piyami insing ringyi. Awar ki yemmi nang enruva." ²² Anreh an ku vereh woh, "pirong uwamani umi iri rizayi woh Karniliyus, ire piyhaor urumi yaozaoraom agura reh piyami eku tutu. Siri mayenzi ma Yahudawa na sang ma sing changha yi, kukandah kuvur ko Siri kuma miiya yhi a woh itum an kanghde vu pokoro utumi a wori nang pu." ²³ Anreh Bitrus iku kunu yhaon awoh an ninghi-inung a zomo nang yhi. Unmokpkwi kumi ko orkoro, ima chao ajara yhi unjaru umi nang yhaon, anreh arong a kommini arumi a wori un Joppa anku yaongaoroa yhi. ²⁴ Atuk kami ka dorkoro, ama ruva un Kaisariya. Karniliyus ima sin suksa yhaon, ama gura kunu a kommina ayhi nan ijam iyhi ai apiti nang yhi. ²⁵ Ama ruwa a makana adhaor kami nang Bitrus eninghe, Karniliyus ima mana nang yhi a tukuruwa a ravina na yhi awar kuwoh itutu yhi. ²⁶ Amazakuguranu Bitrus ima kana yhi ucho, avereh nang yhi awoh, "cho ayezene! Mini ken inreh piyhaor." ²⁷ Adhaor kami nang Bitrus iro ti sin vervene nang yhi, ima ninghe yhi a zuwo ayhaor adunn amma konsuzuwoh nasang. ²⁸ Anreh iku, vereh nang yhaon awoh, "A yini aritih rihyin in yaoh awoh koku jir nan piyhaor umi ire pi Yahudawa imane ritih riyhi vah ikana nang piyami iwori amaron-mayenzi. A mazakuguranu, Kasir kama sa'am awoh in kaku za ku kangha piron awoh imah wanta vah iri marik. ²⁹ Awar ken na ma ruva a zaku ma rene iwar adhaor kami nang ama tuma woh an kanaghdem. Awar ken nang in sin rivsi vu ikusu ke rene pi tum an kanghdem." ³⁰ Karniliyus ivereh woh, "Atuk a nas ami ama vaorhoa kinne adhaor kana, imma sin riseh atanzu adhaor pivigha-pe-vak, inung un rara ku-nang, anreh piron uyhaor itu yaozoane unnyen ku nang inung a makusu mami masin terere. ³¹ Anreh iku vereh woh, "Karniliyus, Kasiri kama sere kama pokoroh atanzu ka puh, awar wo na-paru na puh a makana nang ayuwam mo rene Kasiri kan guzzu-yhaon nang puh. ³² Awar ken tuma pirong ikana yhi un Joppa a kanghde pirong ughaor umi iri rizayi awoh Siman umi nang aku kangha awoh Bitrus awoh iruv nan puh. Izomi inang unrar u piyukwa umi nang aku Kangha awoh Siman, un pette ku mana ku gwaki. ³³ Awar ken nang imma rotoh nazeh-adhaor atuma pirong awoh ikanghde vuh. Morikpwa ken nang pe ruva. Awar ken kini, tiri ina kini na sang unnyen ko Siri, ti pokoro ikusu na sang na piyurara emiya vuh awoh pi miserih. ³⁴ Anreh Bitrus iku wakha anaoh awoh, "Rivin, Mayaotaoke awoh Kasiri ka ku zaku mane ritih rikan un pette ku piron. ³⁵ A mazakuguranu, inung amayenzi nasang, ka ku rume nang piyhaor umi iseri ututunu agura seri utuma umi u yaozi-raom. ³⁶ In yhao utumu umi nang ima tuma a makana nan ayhaor unSra'ila, adhaor kami nang ima miya a masara mapas marentu a makana unnomonu-o-suwhu ti nung ti Yesoh Kristo umi ire piyurara a yhaor na sang. ³⁷ Ayini ana tih na yhin in yhao an kusu mu mi mo wana, mu mi mo wana inung un Yahudiya na sang, ma seme inung un Galili aorkoroni a tini kuma mazura kumi nang Yuhannah ima vereh. ³⁸ An kusu a maja'a nang Yesoh mu Nazarat ken nang Kasiri kama munzaze yhi nang Mazir mavur nang usunu. Ima jara ana tek-teyeh aseri anang arip, agura sin war'azane ayhaor na sang ami a sin sezuh-urereh nang pisifu, awar kuwoh Kasiri kam rih nang yhi. ³⁹ Awuri tire a miseni mon kusu na sang nan Yesoh imah yelli, ina kina a mayenzi ma Yahudawa nang inung un-Rushalima. Ama wuna yhi, tu rina te kakkwara yhi a tina. ⁴⁰ A mazakuguranu, Kasiri kama chone yhi atuk ki tar agura rene woh an rek yhi. ⁴¹ Azang a yhaor na sang, a mazakuguranu nang a miseni ami nang Kasiri kama zika yaon a zohn-nang awuri ayami ama rhao agura so nang yhi, aorkoro adhaor kami nang ima cho awori nang ayhaor ami ama kizi. ⁴² Ima rene rih umuru awoh ti migh a yhaor agura mise awoh piyallu ire iyami nang Kasiri kama zika awar kuwoh iwana Pitemenu ko yhaor ami a wrsi babg ayhaor ami ama kizi. ⁴³ Nanag yhi nang matatun mami na sang na sing misene, awar kuwoh piyami eh rume nang yhi en zuwa uwar'anu ivangh ti nung rizayi rhi yhi. ⁴⁴ Adhaor kami nang Bitruss irotih sen vervene ma nang mana, Mazir-mavur mama toro izo ayami na sang a sing pokseh utumu uyhi. ⁴⁵ Ayhaor ami ama rih inung a makonsuzuwa ma yhaor ami ama rume nang usengenu mu pigang - ayami nasang ama ruva nang Bitrus - ama rene amina, awar woh ama warun-paranu mo mazir mavur izo a masir mavur Yahudiwa ken. ⁴⁶ Awar kuwoh a yhaon ken ama pokoro a ya majir ma Yahudawa man seri avereh inung a tirong ti vervene agura sin changha Asiri. Anreh Bitrus iku maneh awoh, ⁴⁷ "Pirong iri umi en ka nukune mani masir, nang ayhaor ara awar kuwoh an kasu ka riseh yhoan mazura, ayhaor ara ami ama sere Mazir mavur kin ne awuri?" ⁴⁸ Anreh ku riseh mazura inung a rizayi rhi Yesoh Kristoh. Anku vere nang yhi, awoh irume azomo nang yhaon a riseh na rong na tuk