¹ Neh kini nagbweng nang a khoni ami arhi inung uh Yahudiyawa amah pokoro awo aya panaunayaon amah sereh avereh a Sirih. ² Kadaor kami na Biturus imah kanaaa un Urshelima aya areh ayu seenenu upikang ama jamana yhi, ³ Avere, ''Pimah mane atii nang aaya a zayaon useenenu upikang arah rao nang yaon!'' ⁴ Biturus ima semu rah miseh yaon mariva, awu, ⁵ Nmah seri riyaoe inung urho ku yafa, anreh niku rehye uyhir majagha nang kiwavu kinsu tozzono, neh kupuwunini kugwaki na amah toddo inung izo anakuva nan Na Nas. Kuma toroh annyen munang. ⁶ Nmah tirkiri nagaoo ana a gura dinne a ritii rikun, nmah rehye uvisha unavina na nas nurikuya, uvigha uyuni, nang umi usih womovono nang annaon mizo. ⁷ Anreh nku pokoroh arinyi reku vereh nang mini, ''cooh, Biturus a ceske a rao'' ⁸ Nma mane awo, ''Azang ken, Titugwaki: awar kuwo zah kirammwa kimi kizaku vura yah kiyiekin kimi kima naanani unighe a nao kamang'' ⁹ Rinyi rimah gura mane inung izo awo, ''Kikusu na Kasirih kamah kandeh kivur, suh kande kin awo kizaku vura''. ¹⁰ Anang ara amah guruhm titar, anreh ankusu nasang muhn gura naoghao izo. ¹¹ Inung a daor kami ayaor atar an yezi annyen muh rarah kumi na tirihm, amah tuma inung un kasariya ama ruva nan mini. ¹² Masir mamah miyahm awo njar mihm a dorkoro yaon, zah ku yermeze yaon. Akhoni ani kutasi amah dorkorohm, anreh tika nighe urara kupiyaor umi. ¹³ Imah miya irhi kenna imah rehye unyenku kun yezi inung urara kuyhi aku vere ''Tuma ayaor an kana un yafa, aka kande Saminu umi na aku kangha awo Biturus. ¹⁴ Inka miya ini amasaura mami na innaka zuwa uwaska piyhi nang kurara kupu nasang''. ¹⁵ Nma seme avereh nang yaon, mazir mavur mamah toroh anatii ayaon nhe ken mamah toroh irhi cette zohn. ¹⁶ Anreh nku dinne avereh a Titugwaki, kanna imah vereh, ''Areh rivin Yuhana imah riseh ubaoptisma nang mani-masir, a yhini an riseh ini ubaoptisma nang mazir mavur.'' ¹⁷ Nna Kasirih kamah rho yaon a peru nhe kenna imah riseh irhi adaor kami na timah rume nang rivin nahn Titugwaki Yesoh Kristoh, mini wahmi nan mahn kokuzuwo nang Kasirih? ¹⁸ Ayaor ara ama pokoro ankusu muh, ama viza ikusu nang anvere, anreh anku rukse a Sirih tiwomoh avere wo ''Nang ayapanaKasirih kamah rho yaon utuva makana uvoh.'' ¹⁹ Aya amah masotozomo awar kivura imi imah dorkoro yaon atini ku kao ku Istafanus, amah pirunuwohm maka rava ufinikiya, Kuburus nang uh Antakiya, asi miseh avereh a Yesoh makana nang a Yahudayawa nazik. ²⁰ Arong ayaor inung uyaon un Kuburus nang kurane, ama ruva un Antakiya avereh nang a Heliniya, aseri yaon avereh a titugwaki Yesoh. ²¹ Usuru uh Titugwaki umah rhi nang yaon, ayaor nagbwing amah rene rivin mihm avanduruwo nan Titugwaki. ²² Masara majagha nang yaon mamah nan zogha anatooh Ikilisiya imi irhi un Urshelima: Anreh anku tuma Barnabas ikana inaari uh Antakiya. ²³ Imah nan zagha arehye a peru Kasirih, Anreh iku gaoraonao; a nizazi yaon nasuwu nasang awo an kapkuruwo inung uh Titugwaki nang nasuwu nayaon nasang. ²⁴ Awar kuwo yhi irhe piyaor umatini, agura korii nang mazir mavur nang Urennu rivin nagbwing,, anreh ayaor nagbwing anku pirinuwohm makana nang Titugwaki. ^{25 25} Anreh Barnabas iku jarayi un Tarsus awar kuwo ika ring a Shawulu. ²⁶ Imaka zuwa yhi a yende yhi un Antakiya. Imah zomo a riwa rirao asin konkuzuwo nang ikilisiya amah miseh a yaor nagbwing. Un Antakiya na amah semu ku kangha agbekseni ami awo uKristo. ²⁷ Inung anatuk ami arong Anabawa uwori un Urshelima amah ruva un Antakiya. ²⁸ Piyaor urao inung uyaon, rizayi riyhi Agabas icoo a yezene avereh nan usuru umazir awo ann riseh unyhii kupiu inung urikuya nasang Anang ara ama wana ken adaor kuyer ku kalaudiya. ²⁹ Anreh, agbekseni ami, un nizazanu una suwu na yaon an zika nasuwu an kana a Kommini ami arhi un Yahudiya. ³⁰ Amah riseh ken, a tuma aya curvu ami ikorgwo teh cara ka Barnabas nang Shawulu.