¹ Shawulu ima rume nang kukhaa kuyi. Katuk kami an seme urukse aya dorkoni aSiri ami ari nung un Urushalima ivura igbwaki, a ya ma rume nang Kasiri an ghhattazana a suma yhaon a mayinzi mu Yahududiya nan Usamariya, an ka taka apkweng ami azaki. ² Aya ma roh ritih an kaveh Istifanus a yelli asoeh ka gbwaki awar kayhi. ³ Shawulu ima rike agura rene ikklisiya anang a yieni agbwaki, idorkoro asin ningze a mararah-amararah, a jaksaza yhaon urarah koh rereh. ⁴ Nang ken, aya ma rume kumi ama ghattazana ajari yhaon aka mish avere Siri. ⁵ Filibus ijarayhi makana uroh ku Samariya araka misi yhaon avere kristo. ⁶ Ayhaor agbwaki ama pokoro agura rehye anang ami na Filibus erise, an roh ateh yhaon ana vere mi na isin mise yhaon. ⁷ Ama cizaza mazir mayiman ana yah ame rizzah agbweki, aku rorkoh nang ringnyhi rhi gbweki, ayhaor a gbweki ami ama reh agun ama ghharghha. ⁸ Rigoeroeh rigbwaki rima zuwana uroh kumi. ⁹ Ama rhi pirong uyhoar uroh kumi naku kangeh yhi awoh Saminu ima seri anang an yivin asin rukse a yu Samariya u mamaki, akuwoh yhi ire pirong uyagbwaki. ¹⁰ Asamariyawa nasang nan matan mayhaon maka rava aya cirvu, amma roh teh yhaon nang yhi, an kuwoh, "Piyhoar uru, ere usuru O Siri kami na aku kangeh awah Kasiri Kagbwaki." ¹¹ Ama pok yhi, awarku woh ima worah asin rukse yhaon umamaki nang tiyivih ti yhi. ¹² Ama nu rume nang Filibus kenna ima sin museh masara marentu a manang mitiwomoh teh Siri nang rizaghyhi ri Yesoh Kristo, ama yelli yhoan u baptisma, arumi nang anyogwho. ¹³ Saminu unnaghi ima rume, an rise yhi ubaptisma izomo nang Filibus kokari ke dhaor. Ima rehye nang agbwakazu ami asin wanza, Iyelli umamaki. ¹⁴ Nakini apkweng ame ama ri un Urshalima an pokoro woh a Samariyawa ama sere avereh Siri, an tuma yhaon Bitus nang Yuhanna. ¹⁵ Ama nan ruva, a rene yhaon addu'a asa an ser mazir mavur. ¹⁶ Maka rava adhoar kami, mazir mavur mama rotoh me toroh uyhoan, ama ma yelli yhoan ubaptisma ari zaghyhi rih pikarma Yesoh. ¹⁷ Bitrus nang Yuhana annu tasazah yhoan nachara an seseh mazir mavur. ¹⁸ Saminu ima rehye ama rukse mazir mavur tu tasaza ku nachara koh napkweng, iroh yhaon ikorwoh. ¹⁹ Awoh, "Ronim usiru urun, unam, asa kown nama tarkara yhi a chara isere mazir mavur." ²⁰ Bitrus iwoh nang yhi, "ikorwoh ipuh in vinta nang puh, awarkuwoh pirusu uzuwa aperu Kasiri nang ikorwoh. ²¹ Pizavu irangmwa ana nang arah, awarkuwoh kasugwhu kapuh ka za ku rhi na wass nang Kasiri. ²² Awar ku kan tuba nang anang ayiehni apuh, atanzana pikarma, boko en gita rohvu awarki kusu kire sugwhu kapuh. ²³ Nnyen piri nung urere utihkanci nang usisinu ivang." ²⁴ Saminu imane awoh, "Tanzana pikarma awarkanang, asa koyen na pe vere kin su wana nang mini." ²⁵ Ama miseh agura vervene avere pikarma, Bitrus nang Yuhanna an guru yhaon un Urshalima, akan sin miseh masara marentu ama roh moh Samariyaw. ²⁶ Nakini kunyenku ku pikarama kun vere nang Filibus awoh, "cho a jaravu ti ma riva man yii unrinahumakana un Urshalima makana un Gaza." (Urina orimi kaza mani) ²⁷ Icho ajara yhi. Ama ri pirong uyhaor iwori Habasha, ire kuputuh arih tuwomoh tu Kandakatu, piwomoh uyiohnih un Habasha. Ima yaop ataraka nasanga ka piwomoh. Ima jana ku tutu un Urushalima. ²⁸ Ima sin guzzu a zomi ikeke ki varka, asin tezeh avah a annabi Ishaya. ²⁹ Mazir mavur man mughha Filibus awoh, "Jaravu aka pituruwoh nang kikeke kivarka." ³⁰ Filibus isunge a kanam, a pokoro yhi isin tezeh vah Ishaya annabi, iwoh, "Isisin yegheteh ikusu na pisin teze?" ³¹ Piyu Habasha umi iwoh, "ini na man yeghheteh, ku rike inna ma zuwa piyen misem?" Itanzana Filbisu irup a tuwa ikeke azomo nang yhi. ³² Katek ka vah na piyu Habasha umi imasin tezeh kan ko, "Ama dughhazeh yhi kin ne Kugam majagha atek ku ka cheske, a sugwih ne Kugam ana chara na yah an ghhanza kun a rih na liu, aroto ma woekoeh noeh. ³³ Un goesoeh nu yhi an yelli yhi matah maza rivin, wanenka suska uroh masara mu sana ku yhi? Ama zika uvoh kuyhi un ri-ku-ya." ³⁴ Kuputuh kumi kun rivi Filibus, awoh, "In sih tanzana vuh, wanna annabi uru isin vervenun yhi, kure yhi aritih riyhi." boko pirong u vakhtih?" ³⁵ Filibus isemu rah vervene, aseme nang avah ami a miseh yhi masara marentu ma Yesoh. ³⁶ Ama jari yhoan un rinah, an ravah atek ka mani masir kuputuh kumi kun woh, "Rehye,mani masir mamma. Yenen ka nuku u yellim ubaptisma?" ³⁷ Filibus iwoh, "Na peh rume nang kasugwhu kapuh nasang anaka yelli vuh ubaptisma." Piyu Habasha umi imane, "Ma rume awoh Yesoh Kristo ire kono ka Siri." ³⁸ Piyu Habasha umi irene an yezene ikeke kimi. An toro a ninghhe a mani masir mami, Filibus nang kuputuh kumi, Filibus iyelli yhi ubaptisma. ³⁹ Ama nan chira a wori mani masir, mazir ma pikarma man zika Filibus, kuputuh kumi kun zaku pih rehye yhi, ara jariyi aseri rigoeroeh. ⁴⁰ Filibusu ika chira un Azotus, ijara a mayinzi mami asin miseh masara marentu amaroh nasang maka ravah un Kaisariya.