¹ Ku firist ku gbwaki kun wo, ''Annang ara are rivin?'' ² Anreh Istifanus iku vere awo, ''Ina koni nang aputi, in pokorom: Ku zokkwunu wonu ko Siri kuma chira nang putu wuri Ibrahim adhaor kami nang ima rotu ri Inaori a mayinzi mu Mesofotamiya, ima woto ma nan zomo a mayinzi mu Haran; ³ Kama vere nan yhi awo jao mayinzi mapu mim nan rikammina ripu, a jaravu a mayinzi mami nan man savu. ⁴ Anreh iku jao mayinzi mayu kaldiyawam aruva zomo nh Haram; awori inaori, atini ku kao ku putu yhi, Kasirih kama zika yhi a yhendi yi a mayinzi mana atek nang inrim kini. ⁵ Kasirih kama roto ma roh yih urong ku pe He ku mayinzi mami awoh kan wana ka yi; ki kusi kimi nang ama roh yi kima rotoh ma hama yi a tara a vina izo ukan. A mazakuguranu, Kasirih kama tara a vere___vah a dhaor kami nang Ibrahim ima rotoh ma zuwa konoh___awoh en roh mayinzi mami nang Ibrahim, mayinzi mami man wana ka yi nang nonoh nami nang ka wana uwuru uyhi atini ka yih. ⁶ Kasirih kama sin vervene nang yhi kinne kini, awo ayhaor ami awori un wuru yhi an yelli rijaon ama rong mayinzi mami ma zang miyaon, ayaor ama yinzi mami anka gbweke yaon irang ivura i gbwaki a gura rene yaon nh rereh aka jaon tiwa udari manas. ⁷ 'A mazakuguranu, Kasiri kama vere mini mam tini a yelli mayinzi mami nan a yelli arereh aman mateh, a mador koni anka cira awori a mayinzi mami aman yellimu__Sujada ateh ka. ⁸ Anreh Kasirih kan ku ro Ibrahim a matazzana mu sengenu-pigan;awar ken Ibrahim i wana putu Ishaku a gura cheske yi pigan an yhi mu manaszivah; Ishaku ima wana putu u Yakubu, Yakubu i gura wana putu a yhaor a rikiri ana vah ami ama wana manaok mu Israila. ⁹ Awar rikomina rimi rima wana manaok mu Israila mu ma pok ripuvu mu Yusufu, rima zizi yih a makana u Masar, a mazakuguranu, Kasirih kama nan yhi. ¹⁰ a gura chuwune yi awori in vara imi nasang. Ima gura roh Yusufu u ningh'eni-a-suwhu, nan kuyao nh zon u Firauna piwomo u Masar. Firauna i gura rene yi i wana ku gwamna izo a ma yinzi mu Masar nasang nan izo un rara kuyi. ¹¹ Na kini ama yelli i ghwom a gwakane a mayinzi mu Masar nasang nan mu Kan'ana, a ma gura yelli ivura a gbwakane a pute a wuri ama suskayaon uzuwa marinuru. ¹² A mazakuguranu, a dhaor kami nan Yakubu ima pokoro awo iraoh iri a mayinzi mu Masar, ituma a pute a wuri un jaru yaon u zoni. ¹³ Un jaru u yaon avak, ande Yusufu ima migya ritih riyih nan akommini ayi, adhaor kami nan Firauna ima yaotaokeh a komini a Yusufu. ¹⁴ Yusufu ima tuma akommineyi anka-migh Yakubu putu yi i ruv u Masar nan ayhaor ayi nasang, ayhaor a kiri pivigh'a pe zohn nan ki shi nasang. ¹⁵ Yakubu ima jarayi aka zomo a Masar: I ka kao, yi nan apuri awuri. ¹⁶ An zika yaon makanum u Shekem aka kaveh yaon un sek kumi nan Ibrahim ima zemene in korghi ipha kimi na apok mim a wori ama chara a mavezene mu Hamor inung u Shekem. ¹⁷ Ken na kadhaor kami nang a ma tara Kama paturuwo, tu rina tu tara avereh ami nan Kasirih kama tara a makana nang Ibrahim, ayaor ami an pirunuwom areksene a mayinzi ma Masar, ¹⁸ a makana a dhaor kami nang ama yelli pirong uwono u Masar umi izaku yao Yusufu. ¹⁹ Piwomuru ima yelli ayhaor a wuri i chotti, a gura riseh a pute awuri anang ayieni agwakane, a maka rava ken nang mo mura a pute a wuri an jigh nonoh na yaon an ninghe un a tek ku renu kao, asa an kasu ka jao yaon nang kuvoh. ²⁰ Adhaor kari nan ama regyhe Musa; ima reh konoh kariv na tenk un nyen ko Sirih, anre ku yaoptao yi inpi itar nh rara ku Putu yhi. ²¹ Ken nan atara yi un yah, anre konoh ka yeni ka Fir'auna kan ku zika yi a yaoptao kinne konoh ka kan. ²² Ama mise Musa inung uyao nasang ku Masar; ima kuna a gbwakane innung unh yao ko vere nan utuma u yhi. ²³ A mazakuguranu, adhaor kami nan ima rava atiwa akire nas, ima zika a suwhu kayi awoh ika rhenk a kommini, Isra'ilawa. ²⁴ Anreh iku reregyhe an sin ghaosao pirong u yhaor u Isra'ila, Musa ima kana piyami nan asin ghaosao yih, anre iku vakpwa piyhaor u Masar umi: ²⁵ Uzikanu u Musa a kommini a yhi an zika awo kuwaska ko Sirih ko ruva te chara ka yi; a mazakuguranu, ama rotoh ma yaotaokeh. ²⁶ Arimanzu rikata i ruva a reghye arang ayu Isra'ila an sin kuwana ana tih a yaon; i yellu usisa i waska yaon: a vere u yaon awo, 'Ina rumi inre rikomina; yenne rene insin kuwana anatih ayin?' ²⁷ A mazakuguranu, piyami e rene pijam ivangh iku nurkara Musa apituwa pirao, awo, ''Wammi ero vu tichirvu ka piya mateh anatih awuri? ²⁸ Pi ku sin ringh'i woh pi wun mim, kinne ken nan pi mosu wuna piyhaor u Masar?' ²⁹ Nange pokoro kini, Musa ima suma yi, ama kama a mayinzi a wana pijaon i teye mi, Atehmi iregyhe nonoh na vah na rumi. ³⁰ Adhaor kami nan tiwa akireh anas teh vaorao ki yenku kin chira nan yinh u kurmi kupana, ku sinai, ari ren ru rah arimi. ³¹ Adhaor kami nan Musa e reghwu rah umi, ku mina kuma puru yi, anreh iku kotoko aka patur won asa gura reghe, anreh iku pokoro rinyhi ri Zonzo rewo. ³² 'Mini in re Kasirih ka putih apu, Kasirih ka Ibrahim, nang Ishaku nang, Yakubu'. Musa ima ka pokoru khau api suskayi uzakpkwo ritih a reghye. ³³ Zonzo i vere yi awo, 'chuwune araka apu, awar katek nan piyezim katek kama vur. ³⁴ Ma nyen na piring i vura imi nan ayhaor a nang asin seze un Masar. ³⁵ Pi Musa uru umi nan ama vonoh yaon yi adhaor kami nang ama woh, 'Wanni erenevu pi wana piya mateh mawuri, vah e rho vu tichirvu izo uwuri? Yi i gura reh piya nan Kasirih ka tuma i wana piya zongoni nan piya en waska yaon. Kasirih kama tumayi teh chara ti kiyenku kimi kima chira nang yi a rimi. ³⁶ Musa ima chidda yaon a wori u Masar, atini ku rise kutuma ku amina nan makizi a Masar nan Kumanu ku gbwaki ku sen, nan karimi kami a dhaor katiwa a kireh nas ami. ³⁷ Are Musa uru piya ima vere nan Isra'ilawa, 'Kasirih kan chonini pirong awori inung a rikommina ri yin,annabi, pirong annabi kin ne mini. ³⁸ Piyallu yi ire piya ima ri nan ku makonsuzuwo ko a yhaor ami a rimi, nang kiyenku kimi kima vere nang yhi un Pana ku Sinai. Piyallu yi ire piya ima ri nan a pute a wuri; piyallu yi ire piyhaor umi ima sere a mavervene maSirih ku vohn a sah i rho iri. ³⁹ Piyallu ire piya nang a pute a wuri ama yaska yi, ama nurkara yih u yah awori nang yaon, a gura kurvuruwo a nasuwhu na yaon a makana u Masar. ⁴⁰ Adhaor kari, ama vere nan Haruna,'Yelli ri a nasiri-siri nami nan jitari ri. Awar ma mavervene ma ma ja'ah nang Musa, piyhaor umi ima chiddi ri a wori a mayinzi ma Masar, ti zaku yao ikusu kima wana yi. ⁴¹ Anreh anku napsu ikok kima na ama kwerme a yendezu isiri kima upungurunu, a gura yelli righaorao awar ki kusu nan nachara nayaon na napsa. ⁴² A mazakuguranu, Kasirih kama jao yaon mim an dorkoro an rerum mi zho, kinne kennan muri un yhazu ana vah ma annabawa, 'in ma ruzzem manara ma rimi mami nan ama cheze nan mapungurunu atiwa akire nas inung a rimi, ku rara ki Isra'ilawa?. ⁴³ In mah rume nan kuwagnah ku Mo nan anreh rum mo kisiri Rafem, nan usuksazanu umi nan imma napsa awar in rise yaon u tutunu, manka gura ziki ni a ja'ah yini a marangani aka vaorao u Babila. ⁴⁴ A pute a wuri ama ri uwagnah ku tutunu kennan Kasirih ka murane a dhaor kami nan ka vere nan Musa, awa i yelli ken kennan ima reyeh. ⁴⁵ Kun kure alfarwa kumi nan a pute a wuri mama zika awoh ku yaon, a gura ruka nan kun, a mayinzi mu Joshuwa. Unnyen ko a pute a wuri, ama zika an kusu mumi mure mu mayinzi mami nang Kasirih ka ma zovo yaon a chidda yaon a wori a mayinzi mami, a wana an kusu mu yaon. Ku alfarwa kumi kuma taka kun inung a mayinzi mami a maka rava a dhaor ku Dauda, ⁴⁶ ima gura zuwa uningh'eni-suwhu nan Kasirih a gura ringhyi boko en zuwa a tek ka zom awar Kasirih ka Yakuvu. ⁴⁷ A mazakuguranu, ama re Suleimanu e suwa urara koSirih. ⁴⁸ A mazakuguranu, piyi-Zokpkwoni u Zokpkwonu mu wuri eku zaku zomo un rara kumi nan are na chara na napsa, kinne ken nan annabi umi ima vere, ⁴⁹ 'Izho karira kanan, kuri kuyah katek ku tara ku navina na nang mim. Na kurara kurini nan pen ka suwam kun? Zonzo e vere ken, va iki ire kategh'e kami nan man vonsono? ⁵⁰ Va ku zang nachara na nang na rise an kusu mu na sang? ⁵¹ Ayini ayaor uroh otih aya nasuwu na za usengenu pigan nan atoh uza pok, adhaor na sang, un ku zaku rume nang Mazir Mavur, in seri ankusu mumi nan a pute mayin mama rise. ⁵² Uriki annabi nan a pute ayin a roto ruze kun ivura? Ama wunza annabawa ami ama zangoro uruvanu u piya-Matini mana; na in ma wana ayu nekereyi nan a wunzani ayi, ⁵³ Ayini in re ayaor ami ama sere mateh mami nan an yenku muma kakkwara, na in rhato ma dorkoro man.'' ⁵⁴ Na kini, ken nang ayu zohn kami a pokoro anang a rana, anre nasuwu na yaon nan ku wantazana agbwakane, anra ka kazi yini awar ku za nazanu o suwhu a makana nang Istafanus. ⁵⁵ A mazakuguranu, yi ikori nan Mazir Mavur, anre iku zokpkwo yizeyi izho a reghye u zaovao te Sirih; a gura reghye Yesoh i yaozi achara kuraom koSirih. ⁵⁶ Istifanus iwo, ''Tirkirini in nyhen izho in wontoni, nan Pivezene ma Piyhaor i yaozhi achara kuraom ko Sirih''. ⁵⁷ Na e vere ken, aya zon kami ama turu a toh a yaon, a gura ra risih iwum a rinyhi ri gbwaki, nasang ku yaon an righyi uyhi. ⁵⁸ An chidda yi atini ku rho, ara tazayi ana kwank, a yu wa'ah'nu-yaoh ama yirrah mariyha ma yaon ma gwakazi, a tara a navina na marong maozaorao nan aku kangha man awo Shawulu. ⁵⁹ Adhaor kami nan ama sin taza Istifanus, i sisin kangh'a Zonzo a kuwoh, ''Zonzo Yesoh, sere u voh ku nang''. ⁶⁰ I tukurwo a zokpkwo rinyhi un nirgh'anu awo, ''Zonzo kasu yaoptao ivang i yaon'' A dhaor kami nang e vere arah arana anre iku nomo an mara.