¹ Nhe kini ana tuk, adhaor kami nang uvaru o gbekseni uma sin gwakazana, anreh ayahudawa nang a Helenawa an semu ra rughuroh amajagari nan Ibraniyawa, awarkuwoh aku zahku jegne amakumbo adhaor ku wanza marinuru ko karike tuk. ² Anreh a kiri-ativah an kangde rifighi re gbekseni amajagari nang yhaon avereh, ''Mu zahkuri uwoh tih jighi a mavervene masiri awarkuwoh ti wanza avere utebur. ³ Awarkuwoh in nerveh, a konau, arumi apivigha-pezohn inung anatih ayhin, arumi ami ari matini, akori nan mazir mu yhao, ami nang tenka chanka yhaon awar ku tumu rhu. ⁴ Areh awuri, tenka karim atanzu Kasiri nang inung uuntumah overeh.'' ⁵ Avereh ayhaon amma rentuwoh arih fighi rimi nasang. Anreh ku chanka Istifanus, piya ikori nang riving, nang mazir marip, nang Filibus, nang Burokoras, nang Nikanar, nang Timan, nang Barminas, nang Nikolas piyhaor uma yinzi mu Antakiya. ⁶ Anreh arumeni an yendeze arumi arah nan a gbekseni, an riseh yhaon adu'a anreh ku tassazanah ana chara na yhaon unyhaon. ⁷ Anreh avereh asiri anrah jareni asin gwakazana, anreh uvaru uh gbekseni ami ari inung unshalima un gwakazana na gbeng, anreh ma Firist man rume nang riving. ⁸ Na kini Istifanus, ikori nang mavur nang usiru, i seri anang aminah nang anang ureghe inung ana yhaor. ⁹ Anreh arong ayhaor anku cho ami ari inung amajami'a mami na aku kagha awoh majami'a mu Libartinawa, ami areh kuraniyawa nang Iskandariyawa, nang arong ama ruvah ama yinzi mu kilikiya nan mu Asiya. Ayhaor arah anrah seri urhawanaoh nang Istifanus. ¹⁰ Amma zahku suska uriseh urhawanaoh nanku yhao nang mazir mami nang Istifanus eku vereh. ¹¹ Anreh ku rhao arong arumi ikurawho asah an vereh awoh, ''Tima pokoro isin zargi Musa nang Kasiri.'' ¹² Anreh ku gbotoro yhaon na suhwuh na yhaor nang a reveh nang a nyakarani, anreh anku ka zuwa a Istifanus anreh ku puru yhi a jagua yhi anyhen mumajalisa. ¹³ Anreh ku yendeze ayi cutti ami aku vereh, ''Piyhaor uruh enzahku kiza avereh ayeni amajaghari ana teghe narip nang nama teh. ¹⁴ Awarkuwoh timah pokoro yhi eku vereh awoh Yesoh piya uBanazare enka yirki atekka agura saka alada ayhaon ami nang Musa imma toddi rih.'' ¹⁵ Kowammi umi imma zohmi amajalisa ima tara ayizi unyhi anreh iku veghe an nghen muyhi munsighe anyhen muma anyhenku.