¹ Adhaor kami nan ama rume ti jariri nh Italiya, Bulus nang arong ayu rereh achara ku rong ku piya zongoni a wumani rizayi riyi Juliyos iwori nh Baitalian Agustias. ² Ti ninghm kwalekwale ku wori Adramatiya, kumi ku rama cho ama kana pituwa pu teku ku Asiya ande ti kamun manu gbwaki. Aristrakus piyu Tasalonika idorkoriri nh Makidoniya. ³ An mazu nanyhi ti ka toro nh rho ku Sidon, a tek nan Juliyos ima sa Bulus i pokoro urentu a zon kami na ima yelli un rho kumi, a rene yi a wo i jaryi nan a jami aka yaobtaoh ajangi. ⁴ Awori a teghemi ti kanun u manu ku gbwaki a jara teh tek ku sibirin Kubrus, awar kuvunu u wori umi uri nan a wuri. ⁵ ken nan teh karme tu manu gbwaki a tek ka pati nan u Kilikiya nan U Banfiliya tinan ruva nh mirah ku rho ku Lisiya. ⁶ An rim ku jarumi kumi kun zuwa u kwalekwale awori nh Iskandiriya kumi kurama kana tu Italiya. I renirim innunk a kun. ⁷ Kennan tima jara na zak ana tuk a gbwakane aka ruru iningke in vura nh Sinidus, uvunu nh nukiri u kana tegheni ti karme ande ti karme tu Karita a pati nan ku Silmana. ⁸ Teh karme nan ivura a gbwakane ama nan ruva arong kateghe awo kavaong karib kami ka pati nan ku rho ko yu Lasiya. ⁹ Kini ti ma zika dhaor a gbwakane ku yiraken ko yu Yahudawa kun ma varao, ujamu umi nh wana u won. Bulus i yhakanum yaon. ¹⁰ Awo innah yaor ma yaotaotaokeh ujaru uwuri anka yendiri unazenu nan uvizu a gbwakane, a zang ama kusu tehe man nan kwalekwale a mavoh mawuri. ¹¹ Ku jarumi kumi kun gbwaku kuwo u hankali ku kun nan piya gbwaki nan piya u kwalekwale a pirkane nan an kusu nan Bulus e vere. ¹² Awori utasha umi anka zaku rentuwo a zom a dhaor ku vullu, aya gbwaki an ro u shawara awo anji ateghemi mim nang are un yellenu ti rent te ka ninghum rho koyu Finikiya, sa ti vonsono ateghemi. Finikiya u tasha uma kwalekwale nh Karita kusin tisizi arewa makanum gabas nan u kundu una kam gabas. ¹³ Kadhaor nan uvunu u kudu o perve na zak, anra ka zikanani ne mu ku wana kennan a suni. An kokone rih ru kwalekwale kumi ara dorkoni mapattu nan u Karita, tu gbwanti. ¹⁴ Na ku zika ko ronk kadhaor ande uvunu unirgani na aku kangha awo u Yurokilidon, nh semu ra vaviri tiwori nh sibirin. ¹⁵ Kadhaor kami nan ku kwalekwale ko suska kun u tirkiri uvunu mi, ande ti dorkoro kennan uvunu mi usin jara makana. ¹⁶ Ande ti dorkoro te tek nan te zuwa u kananu mim a pati nh ronk ku tsibiri kumi nan aku kagha awo kanda; anre innunk in vura nan te sisi u kwalekwale ku chini a ku gbwaki. ¹⁷ Kadhaor nan ana zokkwo kun izho, an yelli u timah nantih awar ama sisize kun awar ku khau an su ninghi san u Sirtis, an jao u kwalekwale kumi kun ra zovoh yaon. ¹⁸ Tira vurana nan a yiri a gbwakane, nh vurkanu u rikata a tunzanani u kwale-kwale kumi anra nekse makusu. ¹⁹ An yhi motar a tunzanani an nakere makusu mu kwalekwale an chara na yaon. ²⁰ Kennan an yhi nan an re rung mu woto pi rim am pezeh an tuk a gbwakane, a yiri a gbwakane zava asinsi vaviri nasang ti ma chidda suwum uwo ten ka chira. ²¹ Nan uworonu u yaon a woto mu rao marinuru, ande Bulus uku cho nhzon ayu tuma ukwalekwale kumi, ina yaer anne inku mah pokorom tinna rhoto ma cho a worun Karita balle ti renk unazenu nan uvizu kini. ²² Kini nh si nizaza na suwu na yin asa in zuk unirganu unasuwa, awar ba piya en viza uvoh kuyi nh yin, are ku kwalekwale kumi utehkunan an viza. ²³ Awar katuk kami ka varoa kiyenku ke Sirih kami nan mini nh re ukan, kani nan nh tinu seri kan u tutune, kiyenku ki kan ki ma yazane a pati nan mini. ²⁴ A verem awo, kasu pokoru khau, Bulus. Pen yhazane nh zon u Kaisar, a reghe, Kasirih a ririllipovoh rikan kama rovu nasang aya nang pisin jara nan yaon. ²⁵ Awar ken dorkononi na zak, ina yaor! Awar nh ma rume nan Kasirih awo an wana kinne ken nan a miyam. ²⁶ Na kinih uwo picincini an nekeriri a ritin ru rong ku tsibirai. ²⁷ A dhaor nan a tunk rikiri ana nas a ruva, an sin jitariri kini inunk nh manu gbwaki ku Adriyat, innunk a teti katuk, ayu tuma nh kwalekwale kumi anra zikanani kinne kura pati marong mayinzi. ²⁸ Nan ugbwekenu ande ku zuwa u pumu a kpreh vah; a tini kadhaor na chini an tinu gbweke a zuwa u purnu rikiri shi. ²⁹ Anra pok ukaou an kasu ka vuskunnuwo ana kwang, ande ku ta ari ru kwalekwale ti nas anam rahra mu kwalekwale kumi a yelli a tanzu asa rikat rin vurka a rakarao. ³⁰ A tunzananu mu kwalekwale an ra righi urina uwattanu nan ku kwalekwale kumi, ande ku ta u kwalekwale ku chini kumi nh mana ku gbwaki, a yelli kinne ku rama tasa tih a worun zaon u kwalekwale kumi. ³¹ Ande Bulus iku veru jarumi nan a wumani mumi, "Innan a yaor ara an zaku yaozaone nh kwalekwale kumi, innan zaku chira." ³² Ande a wumani mumi munku cheske tih tu kwalekwale kumi ande ku jao kun mim kun righi. ³³ Nan ku semem ku vurkanu u rikata, Bulus i tanzana yaon nasang an ri marinuru vah na chini, iwo "U keru an yhi mu rikir ati nas in woto ma rao i rangmwa. ³⁴ Awar ken ma tanzanini in rih mariniru, awar ju warg'anu uyin. Awar za pi yadda o uyiin en viza utih kurao a ritih riyi." ³⁵ Nan uvernu ken, i zika a mariniru, a rene a Sirih ukwang ajighi ana yizi a yaon nasang. Ande iku pina i gurasa a semu ra rao. ³⁶ Ken na sang kuyaon anra nizuzuwo a gura rao marinuru. ³⁷ Tima re a yaor 276 nh kwalekwale kumi. ³⁸ Nan a rhao a wanza a siti, an nekere alkama rimi a marmasir awar an tuz uzib. ³⁹ Nan uvurkanu u rikata, an roto yaotao mayinzi mami, ande anku reghu arong kateghe ka wukununi nh gacci, an vervuruwo va am woghori u kwalekwale kumi a ka rava a tek ka wukununi kami. ⁴⁰ Ande ku cheske rih a jao yaon mim nh mana ku gbwaki. In nunk a dhaor karao an vinzi tih timi nan a sin vandaze u kwalekwale kumi mim, an jao mafilaritla mitin ku kwalekwale a jarayaon tu gwantis ku manu gbwaki. ⁴¹ Ande ku nam rava a tek nan na wub na vah na manam, ande ku kwalekwale kumi kun ra suma a jaos. Ka jaos ku kwalekwale kumi kan taka a teghemi, za ku kotokokin, ande ka tini ku kwalekwale kumi kun semu ra choksono awar ka ma rokuman tiranyhi ti ma rukuma ma marmasir. ⁴² Manafsana ma mawumani mumi an wunza ayu rereh awar an kasu wagho a suma yaon. ⁴³ Yi pizongoni ku mawumani mami ima sin ringhyi ken nan en waska Bulus, ande iku yaozaone manapsana mami; ande iku roh a vere awo aya an ka susku wagho am rakkwa a zangoro a kamun gwanti kuri. ⁴⁴ Kini a manzu a yaor an dorkoro, arong ama kwangarank a mazu an rong an kusu mu wori nh kwalekwale, tu ken nan te zuwa uwar.