¹ Adhaor kami nang ama yendiri inung unwhar, ti yhaoghaotaoke awoh aku kagha u tsibiri kumi awoh malita. ² Ayhaor uroh kumi an ruksi ri an zan matini na zik, areh anku perveh irih urah anreh anku seri ri nasang ku wuri, awarkuwoh ama ku seri uruh nang tiwoak kokarike dhaor. ³ Anreh kadhaor kami naa Bulus ima kunsozoh arisiri renlai titi anreh iku tarkara izoh un rah, pi yogho pin cira awar kupiu, anreh pinku tarkuruwoh acara kayhi. ⁴ Adhaor kami nang ayu roh kumi ama reghe api vigha pimi piyhazi a cara kayhi, an vervenu anajami, ''Phaor uruh ireh piwunzani umi ecira inung tekuh, na ken riving rirotoh ma rume kuwoh ivoh.'' ⁵ Anreh ikuh caghataka api vigha pimi inung unrah umih azahku pokoro u whanu. ⁶ Amasin suksa yhi anpokoro uwoh ima poruh tiwuntono tigwaki vah a righe a kha. Tuteng atini ku reghu uyhi ana dhaor nadun anreh anku reghe awo zah kikusimi kima wana nang yhi, anreh anku saka ana sugwu na yhaon aku vereh awoh ireh Kasirih. ⁷ Ne kini inung arong kateghe kapati ama ri nan narimi na reh napirong oyagwaki u tsibiri, piyhaor na akuh kagha yhi awoh Babiliyas. ima seriri anreh iku risiri matini a ruksiri ankusu na tisuni amajagari atuk atar. ⁸ Muma wana ken pikavih u Babiliyas ama reneyhi tiwuntono tu zazzabi na atini. Adhaor kami na Bulus ima kana nanyhi, i riseh, atarkara na cara unyhi, a wharghaneyhi. ⁹ Atini kanang arah, ayhaor nasang untsibiri ami ama zahku wharsi ama ruvah anreh anku wharhaze yhaon. ¹⁰ Ayhaor ami ama zakpkpwo ri nang u zakpkwonu udun. Adhaor kami na timasin napsa tijariri, anreh ankuh ruksiri ankusu mumi na tisin righi. ¹¹ Atini kipi itar ti napsana ajariri inung unwasa kumi kuma mosoze un tsibiri, ku wasu ku Iskandariya, na mavah manasiri ku re ripum rikun. ¹² Atini kadhaor kami na timaka tozzono inung unroh ku Sirakusa, tima zonzono arene anatuk natar. ¹³ Amadorkoni ateghemi tijariri anreh tika ravah uroh ku Rigiyum. Atini katuk karhao uvunuh un cirah amaruvah un udu, anreh anatuk navah tiruvah inung uroh ku Butiyoli. ¹⁴ Ateghemi anreh tiku zuwa arong akoni anreh ankuh miya iri tika zohmoh nang yhaon anatuk napivi'a-pi-zohn. Inung unrinah uruh tiruvah un Roma. ¹⁵ Amadorkoni ateghemi akoni ami, atini kupokoro amaruvah na a wuri, an ruvah a zuwiri amarangani ne u kasuwa (katek kapizeh) u Abiyus nang Maciya matar. Adhaor kami nang Bulus ima veghe a koni, i rene aSiri u sambarka anreh ikuh zika usiru. ¹⁶ Kadhaor kami na tima nighe un Roma, ama jighe Bulus i yelli a zohm kayhi uteyhi na an soja mumi mumasin nyenteyhi. ¹⁷ Anreh munku wana amapati atini kanatuk natar Bulus i kangde nasang arumi amare ayagwakazi inung ana Yahudawa Adhaor kami nang aruvah nasang, iverun yhaon, ''koni, nangken nhrotoh ma reni ramwa kiyikin amajahari nang ayhaor vah ujataranu opute wuri, Ama ciddam ne piwuranu amadorkoni Urshalima inung ana cara nu Romawa. ¹⁸ Atini kana rip nanang, ama sunuwoh an za-ugbwamndu unang, awarkuwoh zah kiramwa kuwoh an wun mim. ¹⁹ Anreh adhaor kami na a Yahudawa amavereh anzang unsunu uyhaon, ama muram untanzana akaisar, tuteng muzahkuri ne nhiku masin yendeze atisuraru amaruvah unroh kunang. ²⁰ Awarkuwoh katanzu kanang, anreh, ama rivim nrekvuh angura verun puh anreh ankure awarkikusu nang Isra'ila ama tarusiru awoh ama sisim inyagha''. ²¹ Anreh anku verun yhi, ''Tima rotoma sere avah nang Yahudiya amaruvah nan pighi, vah pirong inung akoni ima ruvah anreh iku nang migha vah avereh iramgwa kiyikin amaruvah nang pighi. ²² Tuteng tisunuwoh tipokoro nang pighi ankusu muminang insin dinni amajahari ankusu mu, awarkuwoh tiyhao awoh asin vervene anang ayeni ko iki. ²³ Adhaor kami nang ama napsa atuk awar kayhi, ayhaor adun anruvah nanyhi ateghe ka zohmtokoh kayhi. Anreh ikuh migha yhaon anang ami, anreh ikuh migha yhaon avereh atiwomoh teh Siri. Ima sunuwoh imigha yhaon amajahari nang Yesoh, nasang nang matazzana ma Musa nang kuma amaruvah nang matatung, majahari umwampki amaka ravah marong. ²⁴ Arong ama rume awarkan kusu mumi nang ama vereh, anreh arong anku rotoh marume. ²⁵ Adhaor kami nang amarotoh ma rume nang ati ayhaon, anjarayhaon atini kami nang Bulus evere uvennu urhao, ''Mazir marip mamma vere marivah amacira na Ishaya kutatung amajahari nang apute yhin. ²⁶ Ivereh, 'Jarini nang ayhaor arah anreh inkuh vereh', un pokoronu inang pokoro, anreh inang zahku yhaoghaotaoke; un reghenu inang reghe, anreh inang zahku pokoru nya. ²⁷ Awarkuwoh na sugwu na yhaor arah nama wanta, anreh nang atoh ayhaon akuh wanuwuh pokoro, anreh ankuma wuzza ayizi ayhaon. Ana zangken anang gita reghe nang ayizi ayhaon, agura pokoro nang atoh ayhaon, agura yhaghaotaoke nang na sugwu na yhaon agura vanduruwoh, anreh nkuh wharghane yhaon''. ²⁸ Ne kini, inka yhao awoh kaptaeh ku Sirih ama nurkara amajahari nang Majir ma Yahudawa, anreh anka pokoro .'' ²⁹ Adhaor kami na imavere ankusu mu, a Yahudawa ami anjarayhaon. Ama ra seri urhawaonaoh anati ayhaon. ³⁰ Shawulu ima riseh azohm katiwah tivah nasang unrarah kuyhi kubizenu, anreh ikuh sere ayhaor nasang ami akuh ruvah nangyhi. ³¹ Imasin wa'ah atiwomoh teh Siri anreh ikusin misseh ankusu amakana nang Titah Yesoh Kristoh nang useru na sang. Zah piya ima nukuyhi.