¹ Anreh Agaribas iku Bulus, "Vereh un ritih ripuh." Anreh Bulus iku raska na chara na yhi anre iku gwara ritih riyhi. ² "Umma rene ritih rinang righarhav piwomoh Agaribas, anreh nku yende anang arah anyen mupuh ukeruh awat kati suraru teh Yahudawa; ³ Musamman, awarkuwoh pireh piyah uyhao inung ana lada o Yahudawa nang na rip. Na kini unkusinrips i vuh pi pokorom nan uhakkuri. ⁴ Riving, a Yahudawa a yhao kenang un zohim cetti a tih zharahao inung ama yinzi ma nang Urshalima. ⁵ Ayhaom cetti urhaosi kuma anka migha awoh ummah zohmi ne pi Farisiyawa, ku darika kumi kupiri un tsanani inung ana dini awuri. ⁶ Na kini nyhazi nwan rikali awarkowoh nterkini arikawali rimmi nang Titah ugwaki ima rene amajahari nang a putih awuri. ⁷ Are rikawali rimi nang tivervene tiwuri akiri-avah amarene asuwu asa anser kenang asin batuta asiri katuk. Are un renu usuwu uruh, piwomoh Agaribas, awoh a Yahudawa ama suram. ⁸ Yemmi erene arong unyhin araotoh rume awoh Kasiri kama cunze makinuruh? ⁹ Adhaor ka rhao mma dinni aritih rinang awoh man riseh ankusu mudung muyimun amajaghari nang rizayi ri Yesoh piyu Nazarat. ¹⁰ Mma riseh kini un Urushalima. Mma wuzza arumeni adung inung un wuzza arumeni adung inung un kurkuku unsiru umi nang mma sere nang ku firist ku gwaki anreh adhaor kami nang ama wunza yhaon, mma pok urentuh. ¹¹ Mma wahali yhaon ana dhaor na gwakane inung Ikilisiya anreh nku masa yhaon an riseh u sabo. Mma pok rikhazhao ri yhaon anreh nku ghaosao yhaon amaka ravah ama rho ma jhaon. ¹² Adhaor kami nang mma Seri kini Nkana Damaskus nang utumuh uma ruvah nang ma Firist ma gwakazi; ¹³ Anreh un rinah ama kana a tehemi, a ten-teyi, piwomoh, nreghe ampezeh muma ruvah izoh mumi mupiri an nyii mi zoh anreh munkusin terer unang nang yami na tisin jara nasang. ¹⁴ Adhaor kami natima reghe a jhaor na sang kuwuri, anreh nku pokoro a ri nyi risin vervenun nang aku vere ati verveneh ti Ibraniyawa 'Shawulu, Shawulu yemmi erene pisin ghasaom? Ki wonn vuh pi tuwa un sab. ¹⁵ Anreh nkuh vereh'Pi Wammi, Tituh gwaki?' Tituh gwaki Imane, Mini nreh Yesoh umi nang pisin ghasaom. ¹⁶ Na kini cho ayezene ana vinah na puh; aarkuwoh ki kusimi keremem nrhatho vuh, asa nchanka vuh pi an pirere nang piyau shaida kun kusu mumi nang pi thao ama ruvah nang mini nang ankusu mumi na man sakse vuhama ruvah; ¹⁷ Manka reskkeh vuh inung ana yhaor nang inung un Al'umai ami nang nsin tumzavuh nan yhaon, ¹⁸ pi wonoh yhaon a yizi agura vandareh yhaon awori amarini amajaghari ampezeh nang awori un seru upisivuh amajagha- nang Kasiri, awarkuwoh ankaka sere nang u gado umi nang mangka rhao yhaon ayami ama vurka ariving inung unang.' ¹⁹ Na' Kini, piwomoh Agaribas, nrotoh ma reneh matini nang u wa'ayi izoh; ²⁰ anreh, amajaghari nang ayu Damakus ki zohn anreh ayu Urushalima, nang a thaor amayinzi mu Yahudiya, nang kuma Al'umai mma rhao yhaon utumuh awoh an tuba a vanduruwoh nang Karisi, aseri anang ami ama wanu tuba. ²¹ Awar ka nang arah a Yahudawa ama purum inung amajami'a a rusuh an wun mim. ²² Kasiri kama kanam amakaravah a dhaor ka, na kini nyhaozi asin misseh amajahari nang a yhaor uwam nang a yhaor a rwakazi ankusu mumi nang Annabawa nang Musa amam vereh monka wana; ²³ Awoh Kristoh en sezu rereh, nang ken enka wana piyi zohn inung un chonu uma kinuruh a cho agura misseh ampezeh amajahari nang a Yahudawa nang amaka ravah Al'umai." ²⁴ Kenang Bulus ima ruruh u waska ku ritih, Festas ivereh arinyi ri gwaki, " Bulus pire pirangni; ku yhao kupuh ku gwaki kusin rangnaze vuh," ²⁵ Anreh Bulus iku vereh, " nzah ku sin ragna, piya gwaki Festas; ama areh un siruh nang nsin verveh a vereh a riving nang un nasuwa. ²⁶ Awar kuwoh piwomoh iyhao game nan ankusu mu; ki kusu ke rene nsin verveneh a viskini amajagha nan yhi, Awarkuwo nyhao zah ki kusu ki nisanani nanyhi; Awarkuwoh arotoma riseh anang arah apituwah. ²⁷ Pima rume nang Anabawa, piwomoh Agaribas? Nyhao awoh pima rume." ²⁸ Agaribas Iverun Bulus, " Adhaor ka cunuh na pen kurve a rirt nang mini arenem nwana ku Kristah?" ²⁹ Bulus Ivereh, " nsin tanzana Asiri, awoh koh adhaor ka cunuh koh ka gbwaki, azahn pigi utepuh, ama ayhaor nasang ami a pok mim ukeru, anka wana nemin ama azah yhaon i sarka u kurkuku." ³⁰ Anreh piwomoh iku cho, nang ku gobna, nang a Benis nang ayami ama zonzih na sang na yhaon; ³¹ Adhaor kami nang ama jighi ateghemi, annreh ankusin vervene ana jami aku vereh, " piyhaor uruh irito ma rise ikusu ku wunayi koh ku sisi yhi." ³² Agaribas iverun Festas, " piyhaor uruh amanang viskine yhi mba kenang eka tanzana Kaisar."