¹ Nan uninghenu u Fentus nh Lardin, a guru a tini ka tuk a tar, i cho a wori nh Kaisariya makana nh Jarusalem. ² An re pireveneni ugbwaki nan aya gbwakazi a Yahudawa an ku yende Festas mavervene a ritih ri Bulus, a yelli yi i chotti. ³ A tanzana u vok umanyoh nan Festas i kang Bulus makana nh UnRunshalima asa na ka wun yi nh rinah. ⁴ An re Festas iku mane awo Bulus irih nh raogaoh ku rereh nh Kaisariya, a tini an zang nan u woronu yi ma en naghaoh innari. ⁵ Awar ken ayah an ka suska, "iwoh," an dorkoririh. Innan irong ivang irim aritih riyi, in sura yi." ⁶ Atini katuk manaziva vah rikiri, ande iku torori makana nh Kaisariya, nh vurka ku ri mazu rikata izomo arirah kana teh a mura awo an yende Bulus nan yi. ⁷ Nan uruvuh uyi a Yahudawa ami a wari nh Urushalima an yazaoneh a pati, ara yendeze mateh mami ma zaman unaok. ⁸ Bulus igbwara ritih riyi awoh, "nh rhoto rene pirong ivang, vah a Yahudawa vah kurang'aoh ku tutunu, vah Kaisar." ⁹ Are Fentas i sin righi u vok u mannyho nan a Yahudawa ande iku mane Bulus awoh, "Pi suni pi kana nh Urushalima nh ka yelli vu mateh aritih ren kusu mu?" ¹⁰ Bulus iwoh nh yhaozi nh raoghao ku mateh ku Kaisar katek ku murananu uwo an yellim matem. Nh rhoto ma yelli a Yahudawa ivang kinne kennan pitu mine yaoh a gbwakane. ¹¹ Innan u murananu u rim uwo nh ma yelli ivang ama tinu yelli ikusu kuwo a wun mim nh ri u woh an wun mim. Innan tisuraru ti yaon are i chottin za pirong en rom a chara ka yaon, ma zika mateh makana nan Kaisar." ¹² Atini kana vervene man Festas nan majalisa i maneh awo, "Pe jagha mateh nan Kaisar, nan Kaisar nan pen jaravum." ¹³ Atini ka rong a tuk, piwomoh Agribbas nan Barniki an nan ruva nh Kaisariya an nan reng Festas. ¹⁴ Nan kurim ku yi an tuk a gbwakane, Festas ivende mavervene ma Bulus nan piwomoh; awoh, pirong u yaor pirereh irih innah nan Filikus imah jaoh yi mim. ¹⁵ A dhaor kami nan nh mah rih nh UnRushalima, pireveneni ugbwaki nan aya chirvu a Yahudawa a yendem mavervene mayi a yende a vereh u zah u rumenu nan yi. ¹⁶ Ana nang ami nh mane yaon awoh a zakuri nh al'ada o yu Roma, an ru piyaor u vok o suwhu a roto roh piya e jagha a vereh ayi a dhaor i gbwara ritih riyih a ritih riti suraru timi nan a seriyi. ¹⁷ Awar ken, ken nan ama manuwo nh rhoto ma nazeh a dhaor, nh vurka kuri mazu rikata nh mah zomo a rirah kanateh a mura a wo an yende piyami. ¹⁸ Nan aya ma vervene mami a yende mavervene mayaon nh yaotaoke awo ma vervene mani ma zaman iramgwa ki matini inung. ¹⁹ Ande nh ku reghe an re marong makokuzuwo nan a seri a ritih reh dinin ariti ru rong u Yesoh umi ima kaoh, na Bulus i kuwoh irhotu voh. ²⁰ Nh ma vizah kennan man rengzeh annang ami, nh uRushalima an ka yelli yi mateh anna nang arana. ²¹ Nan ken nan Bulus irighi uwoh an ka yheng yi, na mawo i ka naog nh raghaoh ku rereh nh nurkara yi nan Kaisar." ²² Agribbas i vereh Festas, "Man rene usunu uwo nh pokoroh piyaor umi." Festas i vereh u yi awoh "Ukwe pen sih pokoro yi," ²³ Nh vurka ku ri manzu rikata, Agribbas nan Barniki an ruva ari nan rifighi re yaor a ninghe nh ranghaoh ku ma kongkusuzuwo mami nan an soja nan aya gbwakazi ama yinzi. Festas i murane an ka chidda Bulus a yende yaon. ²⁴ Festas iwoh, "Piwomoh Agribbas, na sang nan a yini ayaor ami ari inna han a wuri, en reghe piyaor uru, tima vervene nan a Yahudawa nh Unrushalima nang ina kinin, an serim majinah awo muzakuri uwo an ki yimmim nan kuvoh. ²⁵ ma yaogaoteh awoh i roto ma riseh irangwma kimi ke wana uwo an wun yi. Na awar ima zokpoh mateh makana nan Kaisar na nh rama nurkara yi mim. ²⁶ Na nh zam marong matuzi mami ma nirgh'ani mami nan man nyhaza a vah ama kana nan Kaisar. Na ma yende yi nan a yini, mu piriken nan pu, piwomo Agribbas, awar kuwo nh gura zuwa i kusu nan man nyhaza a ritih ri mateh mami. ²⁷ Nan mini areh ti banna nh nurkara piyurereh za kirangmwa nan nah man nyhaza aritih ri yih."