¹ Atini katuk ishi, anreh Ananiyas kufirist kugbwaki, arong aya-curvu nang pirong uyao kumateh rizayi riyhi Tatitus, an kana inaori a jagha ukara (amateh) ku Bulus annyen mugwamna. ² Adaor kami nang Bulus imah yezene annyen mugwamna, Tatitus isemi tijam tiyhi avere ugwamna, ''Awar kapu na timah zuwa a zohm kamarentu, nanku nyen kumarangazang mapu mama yendu unapsanu a mayinzi ma warhi; ³ awar tuken kikusu na peh riseh teh sere nang kusanjinghi, piyhi piwomo Filikus. ⁴ Awar kuwo insi gaosao vu, insi tanzana vu pokoro a ririlliporo rinang sa inh vere na tiini. ⁵ Ama zuwa a piyaor uru iseri anang ayeeni, a gura Sih niitaze a Yahudawa urikuya nasang an riseh utayaruwa. ⁶ Ima tah usuru inaze urara ko Sirih, awar tukini na teh puru yhi (Timah rusu temene yhi a mateh mawurhi.) ⁷ Anreh Lisiyas pinyenteni ima ruva a kwakare yhi unnirghanu ana cara nawurhi. ⁸ Nna peh ripsi yhi Bulus a majagha na anang ara, piyhi a ritii ripu enka vappwa uara ankusu na tisu jamana yhi mihm. ⁹ A Yahudawa nasang asi Jamana a Gulus awo ankusu mu murhe rivin. ¹⁰ Adaor kami naku gwamna kuma rho a Bulus a wara kowo ivere, ivere awo, ''Neh kiini nma yaogaoteke awo cette ranga piyaop tiwomoh tima yinzi ma, awar tuken inung a rigaoraoh nan mahn mise vu. ¹¹ Panka suku rume awo nrato rava atuk rikiri-anava cetti ken na insi rupsa idn Urshelima sa inrise usujada. ¹² Kenna ama zuwa inung un Haikali, nma rotoh uriseh yaon iwarmi (iharmi) vah uyendenu urutu inung ana yaor. ¹³ Awar ken a zeku rhi a rivin ikusu na asi jamana mihno ukeru. ¹⁴ awar ken miya vu, awar kikusu kinu na asi kangha nang piyhi, kenna mini insi rukse a Sirih katiteh tiwomoh. Nma riseh matini nan ku dorkoro nasang ankusu na a nyakara inung ana tanra nang ava Amatirkizing. ¹⁵ Nri a suwu makana nan Kasirih, Neh kenna aya kiini anka coksono, aya matini na aya mayieman; ¹⁶ Tukini, nan inseri tigwa-tigwa nsu wana kikusu ki tijahm annyen moh Sirih nang ayaor, inung ankusu na inseri kinihm. ¹⁷ A tirong tiwa teh tini nma ruva a yende amarong masadaka nang kaparu ku rumenu asuwu. ¹⁸ Inung asuwu ku rene kini, anreh arong a Yahudawa awori amayinzi muh Asiya an zuwahm inseri anang avur un Haikali. Zah rigighi reh yaor zah unyaku. ¹⁹ Anare tutenk anan ruva annyen mupu ukeru, nna arhi irammwa Kitijahm a riti rinang. ²⁰ Nna mu zaku riken sa ayaor ara an ruf nna ananani uzuwahm nyaop irammwa adaor kami na a yendem annyen muh mateh muh Yahudawa; ²¹ Areh inkusu kirao nang nma yezene annyen mnyaon, 'a majagha ana vere uconu amakinuru umi na asi ripsihm nang kusi ringhi utemenehm ukeru. ²² Jilikus irhi nan kuyao kuri a majagha nang urina urivin, ki kusu kimah rene izaoppwao mateh mani. Avere yaon awo, ''kadaor kami na Lisiyas piya iku roh umurni eguru awori un Urshelima, manka ceske mateh''. ²³ Anreh ikunu umurci pirogho inyente a Bulus, ima venene anang ami, ika suka nuku ajami uruva a rehye yhi vah a kana yhi. ²⁴ Atini karong atuk, Filikus nang piyaoni Druskila, pinyogwo umi irhe Bayadudiya, Igura tuma an kande Bulus sa ipokseh yhi a majagha unbangaskiya inung Kristoh Yesoh. ²⁵ Bulus imasu mise masaara ma matini, upunnu riti, nang mateh mami mahn ruva, Filikus imah ziwuruwo avere, ''Neh kini jaravu manka rhe ma gura zuwah adaor, nanka gura rinshi vu.'' ²⁶ Adaor kami imah nyen kenne Bulus enroh yhi ikorgwo yhi an vervene. ²⁷ Tiwa tiva timanan vaorao, Filikus ikao Bokiyas Festas i wana ku gwamna, awar wo imasih ringhi usennu (uvur umanyo) nang a Yahudawa imah jih a Bulus inung unkurkukur (urara, ko rehreh).