¹ Bulus ima wara ayizi nang kazon ka ya zongoni kami, avereh woh "yakonneh, ma yelli azon unnyen ko Siri inung a sugwhu karip a marava atuk kana." ² Anreh kufirist ku gbwaki Ananiya irene a yami a yhaozi mapati nang yhi an vakwpwa yhi anaoh. ³ Anreh Bulusu iku vereh nang yhi, "Kasiri kan ka vakwpwa vuh, piyhi piyhao rivin ri cottitih. Piku sin zomi awoh pitemenem un kumuru-ku-muranu, agura sin reneh woh an vakwpwam, un terenu o kumuru-ku-muranu kui?" ⁴ Ayami ama yhaozhi apati an vereh woh, "ken na pi sin surah ufirist ku gbwaki?" ⁵ Bulus ivereh woh, "ya konneh, imma zaku yhaoh woh ire ku firist ku gbwaki. Awar kuwoh ama nyakara woh, pen ka zaku vereh ikusih kiyikin a makana nang piyami izongoni ayhaor a pu." ⁶ Adhaor kami nang Bulus a reyeh woh ku pette ku raoh ka zon ka ya zongoni kami kure aya Sadukiyawa, ku manzu ku pette kun gura reh a Farisiyawa, ima vereh a rinnyhi ri gbwaki inung azon kaya zongoni, "ya konneh, mini inreh pifarisiyawa, pivezene pi farisiyawa. Awar kuwoh inma reneh-suwhu nang uconu ayhaor ami amoh kizih nang a sin temenem." ⁷ Adhaor kami nang evereh ken, iwar ima co unteteu ko Farisiyawa nang Sadukiyawa, anreh makonsuzuwo ma rifighi re yhaor ri mi rin wattuwo. ⁸ Awar kuwoh a Sadukiyawa aku vereh woh uconu ayhaor ami amah kizih ku za ku rim, za anyhenku, agura za mazirr; a mazakuguranu, a Farisiyawa ama rumeh nang yhaon na sang. ⁹ Awar kenriyowo ridun ri ma cho, anreh arong a nyakarani ami areh unpette ko farisiyawa an cho a yhaozone a riseh iwar ipew, a seri avereh awoh, "Ti roto zuwah ivang nang piyhaor uru. Inku yhaoh boko dirong di mazir vah kukandah ku ma vereh nang yhi." ¹⁰ Adhaor kami iwar ipew ima cho piwumani pi mi pireh piyah gbwaki pi ma pokoro ukau awar kuwoh anka reneh Bulus ukau, awar ken ima reneh awumani ami an toro aka zika yhi unsuru awori nan ka-zon-kaya zongoni kami, a yende yhi inun azon kan wumani. ¹¹ Amarini matuk kami kama dorkoni, piyurara um ima yaozaone a piti nang Bulus avereh woh, "kasu ka pokoroh ukau, awar kuwoh ken na pe wa'ah-u-yhaoh a maja'ah nang mini unRushalima, ken na pen ka gura wa'ah uyhaoh un Roma. ¹² Adhaor kami nang ku mokpkwi ko wana, arong a Yahuduwa ama maneh atih azika masiri nang kanaoh ka timum a maja'a atih ayhaon, awoh an ka za ku rao marinuru a zaku gura sezeh irangmwa amazongoni adhaor kami nang ama wuna Bulus. ¹³ Arumeh ami ama maneh-atih un zikanu masiri mana ama pirka rikiri manas. ¹⁴ Ama kan nang mafiristoci mami mareh aya gbwaki, nanga aya cirvu avereh woh, "tima reneh atih a wuri inung anaoh ka pew ka timum, awoh ten zaku raoh irangmwa amazongoni adhaor kami nang te wuna Bulus. ¹⁵ Na kini, awar ken, sa azon kan ya zongoni kana kan miya piwumani pini pireh piyar gbwaki awoh iyende nang ayinih, kinne in riseh u kitiranu upiru rip avereh ami awar kuwoh in ceske avereh a makana nanga yhi. Awar ka wuri, tima ruru unapsanu awoh ima rotoh rava ina kini." ¹⁶ Amazakuguranu, pivezene ku kommina ku Bulus ko yeoni ima pokoro woh ama rene abang asin suksa, awar ken ima jarayi aka ninghe inung azon kawumani kami aka mighya Bulus. ¹⁷ Bulus ima kangdhe pirong inung aya zongoni awumani amih avereh woh, "ja'ah a maza mana nang, piwumani pimi pireh pyah gbwaki, awar kuwoh iri irangwa nang en migya yhi." ¹⁸ Awar ken, pirong inung aya zongoni awumani amih ima zika mazaorao mami a yende yhi nang piwumani pimi pireh piya gwaki avereh woh, "Bulus kuwuranu ima kanghdem nang yhi avereh woh in yende mazaorao mana nang pu. Iri irangmwa nang en mighya vuh." ¹⁹ Piwumani pimi pireh piyah gbwaki pima puru yi nachara aja'ah yhi unpette a rivi yhi awoh, "yenmi ire kikusa kimi nang pen mighyam?" ²⁰ Mazaorao mami man verehwoh, "a yahudawa ama rumeh awoh an riv-vuh pi yende Bulus ukupe azon ka ya zongoni, kinne an riseh ukitiranu u piru rip avereh ama ja'ah nang Bulus awar kuwoh an ceske avereh amakana nang yhi. ²¹ Amazakuguranu, kasu ka rumeh yhaon, awar kuwoh ari ayhaor arumeh a piri rikiri anas ami ama rene abang asin suksa yhi. Amazika masiri nang kanaoh ka timum a maja'ah atih ayhaon, awoh anka za ku raoh marinuru a za ku gura riseh kasu a mazongoni adhaor kami nang ama wuna yhi. Na kini ama napsana, asin suksa rumenon u puh. ²² Awar ken piwumani pimi pireh piya gbwaki pima rene mazaorao mami man ja man, a nake yhi utoh awoh, "su mighya pirong awoh pima vereh anang ara nang mini." ²³ Anreh iku kanghde ayhaor avah inung aya zongoni a wumani amih avereh, "napsani awumani adari-avah, nang awumani ivarka akiri pivigha pezohn, nang aya riken madari mavah. In ka cho i korwo pivigha pe-vah a tuk." ²⁴ Ima gura miya yhaon an zug avigha ami nang Bulus en tuwam, awar kuwoh an ja'ah yi iwar na gwarang nang Filikus ku gwamna. ²⁵ Anreh iku nyakara avah kini. ²⁶ Kalaudiyas Lisiyas a makana nang Gwamna Filikus ku gwamna kumi kurip unrip muwuri, usumazu. ²⁷ A Yahudawa ama puru piyhaor uru, ima gura ra piti an wun yhi ana chara na yhaon, adhaor kami nang ma rene raokaoraoh a kana nang yhaon nang awumani avoro yhi, adhaor kami nang ma yaotaokeh woh ire piyhar u mayenzi mu Roma. ²⁸ Inma ringhi woh in yaotaokeh iku sin kimi na aku vereh woh ima yelli, awar ken inma zika yhi aja'ah yhi azon ka yhaon kaya zongoni. ²⁹ Ma yaotaokeh woh a sing ponghwo hyi amakana an kusu mukumuru-mu-muranumu yhaon; a maza kuguranu a maza ku rhi u ponghwu a makana nang yhi mu mi ma hama woh an wun yhi vah an wura yhi. ³⁰ Anreh an ku renem in yaotaokeh woh ama maneh tih arene piyhao umi abang, awar ken nan na ma nurkara yhi nang pu mazaku-nazeh adhaor, agura reneh ayami asin ponghwo yhi an gura yende avereh yhaon nang pu, a makana nang yhi. Wattanu-uwar'anu. ³¹ Awar ken awumani ami an reneh ken na ama migya yahon. Ama zika Bulus atuk-ka-tuk kami aja'ah yhi nang Antibatiris. ³² Atuk kami ka dorkoni, awumani adunn inung awumanin ami ama nanghao yhaon azon ka wumani ajao awumani ivarka ami an jarayhaon nang yhi. ³³ Adhaor kami nang awumani ivarka ami ama rava un Kaisariya aroh avah ami nan ku gwamna kumi, ama gura rene Bulusu achara ka yhi. ³⁴ Adhaor kami nang ku gwamna ku mih ko dorkoro nyara avah ami, ima rivi asa i yaotaokeh upette ku mayinzi kumi nang Bulus iworim. Adhaor kami nang eyaotaokeh woh iwori un Kilikiya. ³⁵ Ivereh woh, "man pokoro avereh apu na sang adhaor kami nang aya asin ponghwo vu aruva ina kini." Anreh iku reneh an tara yhi un hetkwata ku gwamnati ku Hirudus.