¹ "Ina kommini arume nang a pute, pokoroni u gbwaru unang umi nang man rere a makana nang ayini." ² Adhaor kami nang rifigyhi de yhaor rimi re pokoro Bulus isin vervene nang yhaon a rirem ri Yahudawa, anre an ku kiza, ivere woh, ³ "Inre pi Yahudawa, umi a reye un Tarsus ku Kilikia, a mazakuguanu ma riseh makarrta inung unro kuna ana vina mu Gamaliyal. Ama mien tu rina tu kumuru-ku-muranu mu a pute a wuri. Ma roh a suwhu kanang nasang awar Kasiri, kenna ayini nasanga ri ukeru. ⁴ Inma gaosoa unRina unu a makana ukao, a sisize yhaon a nurkara yhaon a makana a mawuranu, ken na ma rene nang arumi nang anyowo mu yhaon. ⁵ Kenna ku firist ku gbwaki nang aya chirvu nasang an ka roh uwa'anu-u yhaon. Inma zuwa a vah a wori nang yhaon a makana nang akommini a rume inung uDamaskus, ma kana atek kami awar kuwo in sisise yhaon a yende yhaon unUrushalima awar kuwoh an cima yhaon ⁶ Ama nana kenna in seri ujaru asin pituwo nang Damaskus, a makana a tentenyi, anreh an peze mu gbwaki mu wori-izo mun seme ra terere na wau a girkinen. ⁷ In ma riyi ajaos a pokoro rirong ringhi rin vere nang mini awoh, "Shawulu, Shawulu, yemmi e rene pi si ghaosaom? ⁸ Anreh in ku mane awoh, Piyi wanni. Zonzo? Anre iku vere nang mini awoh, "Mini in re Yesoh ku Nazarat, piyami nang in sin ghaosao yhi." ⁹ Ayaaa mi ama ri nang mini ama reye ampeze mumi; a mazakugu ranu ama roto yaotaokeh ringyhe ri piyami evereh nang mini. ¹⁰ Anreh inku vere woh, "Yenmi nang man rene, Zonzo? Ku Zonzo kumi kun vere nang mini, "cho a kana inung uDamaskus; a teyemi anka miyini an kusu na sang mumi nang mo mura awoh in yelli." ¹¹ In ma rotoh yiku nyen awarku tererenu ko ampezeh mumi, awar kuwo ayami ama ri nang mini amma purum nachara in ma ruva inung uDamaskus. ¹² Atek kami ma mana nang pirog uyhaor umi na aku kangha woh Ananiyas, piyu ene asugwhu tu rina tu kumuru ku muranu, a Yahudawa ami ama zonzi a tek kami a ma sin vernene anang arip a makana nang yhi. ¹³ Ima ruva nang mini, a yaozoane unptte ku nang, a vere woh, "Rikommina Shawulu, sere unnyen ku pu." Adhaor kan kami in ma reye yih. ¹⁴ Anreh iku vere, "Kasiri ka pute awuri kama nerve vuh pi yhaoghaotaoe anang akan, awar kuwoh pi reye piyami iyaozhi nawas, agura pokoro rinyhi rimi risin cizza awori anaoh ka yhi. ¹⁵ Awar kuwoh en wana ayu wa'ahwu yaoh mu yi a makana nang a yhaor na sang a maja'a a iku sih mi nang imma reghye a gura pokoro. ¹⁶ Na kinni, yenmi e rene in sin seri u suksa nu? Choni, riseni mazura agura gusku ivang uyhin, a seri u kangdu a rizayi ri yhi. ¹⁷ A tini adhaor kami na ma nangoah awori unRushalima, nang adhaor kami nang inman seri a vereh nang Kasiri, inung unwata kumi, ama rom a marong mazir, ¹⁸ Inma reghye yhi evere nang mini awoh, rene a raokaorao a cira awori unRushalima mazaku mazeh dhaor, awar kuwoh an zaku sere uwa'anu-uyhaon kupu amaja'a nang mini." ¹⁹ In vere woh, "Zonzo, yen aritih ri yhaon ayhao woh inma rene a yami a rume nang pu a masugwhu na yhaon inung a mawuranu, agura vava yhaon, an ranghao mu tutunu nasang. ²⁰ Adhaor kami nang a wara mannyoz ma Istifanus piyu wa'ahnuuyhaoh upu, inma yaozhi atek kami in sin rume, a gura sin yente makusu ma yami a wuna yhi. ²¹ Amazakuguranu, ima vere nang mini awoh, "Jarawu, awar kuwoh man tukmavu a makana a marangarninang a yhaor ami are Majir ma Yahuduwa." ²² Ama sin nanga atoh nang yhi a maka ja'ari adhaor kami nang a vere kini. Anreh anku reni iwum, "Cuwuneni a piyhar umi iri ken awori urikuyah, awar kuwo ku zakun un rina an ji yin mim nang kuvoh." ²³ Adhaor kami nang a seri iwum, a gura sin cuwuze masusu mayhaon, agura sin taa mavutu a makana inung uvunu, ²⁴ Piwumni umi izongoni ima rene an yende Bulus inung atek kami kari uciyya u nirganu. Ima rene an riseh yi arip nang pichaurhazhang, awar kuwoh yi a ritih riyi iyhaotaokeh ikusih kimi ke rene an sere iwum ken a makama nang yhi. ²⁵ Adhaor kaminang ama sisize yhi nang tih tima ama napsa nang makwa Bulus ima vere nang piwmani umi ima yeozih unpette "An kure kakumuru ku muranu nang piyi pi rene a pichaurhazang a piyhar umi ire piyu Roma, umi a rotoh ma rene yi inung utemenu?" ²⁶ Adhaor kami nang piwumani umi e pokoro ken, ima kana nang piwuamani umi izongoni a miya yi awoh, "Yenmi na pisin ringgyi pi ren? Awar kuwoh piyhaor uru ire piyu Roma." ²⁷ Piwumani umi izongoni ima ruva avere nang yhi awoh, "Miyam, pi kure piyu Roma? "Bulus iwoh, ken." ²⁸ Piwumani izongoni umi ima guddu avereh awoh, "Ikonwo idun nang mazuwa wana piyu Roma," Ama reyem in re piyu Roma." ²⁹ Anreh ayhaor ami ama sin ringgyhi an riseh yi arip an ku ji yin min a mazaku mazeh dhaor. Piwumani uzongoni umi una yhi ima pokoro ukau, adhaor kami nang e yaotaokeh awoh Bulus ire piyu Roma, awar kuwoh ima sisize yhi. ³⁰ Amanzu katu, piwumani uzongoni umi ima sin ringyhi woh iyaotaoteh rivin a maja'a u ponghwu umi nang a Yahuduwa a seri a maja'a nang Bulus. Awar ken imavinzi yhi agura kazon kami awo an zonkomo. Anreh iku toddoh Bulus a rene yhi iyaozaone a teteh ka yhaon.