¹ Kadhaor nan te watta a wori nan yaon, ti ninghe nh kwalekwale ku marmasir ara jariri nh rina uma kanu rhoh ku Kos, rimazu rikata ande kurho ku Rodusa, a tehgmi makana nh rho ku Batara. ² Nan a zuwa u kwalekwale kuma rakkwa nh Fonisiya ande ti ninghem. ³ Nan ureghu u tsibirin Kuburus ti jao kun mim a tigiri ti wuri a jaririh uSuriya, ti toro un rho ku Taya awar kateghmi nan ku kwalekwale kumi kon toddo makusu makun mim. ⁴ Atini ku zuwu o gbwekseni ande ti zomo inaori a tuk utasi arao. Agbwekseni ami an vere Bulus ti Mazir, ikasu kana yi unRunshalima. ⁵ Atini ka tuk na chni tira jariri nh jaru u wuri. Nasang kuyaon nan annyhowo yaon nan nonoh na yaon an yangarao iri aka ja'aha atini kurhoh. Ande ti zomo a na ku gwamti a yelli a tanzu a takuzuwo ana tih a wuri. ⁶ Awo Kasirih kan kan za'ara nan kowanmi. Ande ti ninghe nh kwalekwale yaon an naoghao nh rara. ⁷ Nan kururu ku jaru uwuri nh Taya ti ka ninghe nh Talamayas. A teghmi nan tima sunu zuwo nan a koni a zomo nan yaon a tuk ka rao. ⁸ A mazu ka tuk ti jariri a kaniri nh Kaisariya. Ti ninghe nh rara ju Filibus pimeseni u mavervene maSirih umi ire pi yadde ana yaor utasi a raoh ande ti zomo nan yi. ⁹ Piyaor uru irih nonoh na nas na yaoni an seru annabci. ¹⁰ Na uzomonu u wuri ana tuj na chini, arong annabi an ruva a wori nh Yahudiya nan aku kagha yi awo Agabus. ¹¹ E ruva nan a wuri a ziki i bel i Bulus. Nan ini nan e sisi na vina na yi mim nan na chara awo, "Mazhir Masirih ma wo, kini nan a Yahudawa an sisi piya makusu ma, a ka rhoyi ana chara na Majir-Ma-Yahudawa." ¹² Kadhaor nan te pokoro an kusu mu nasank kuwuri nan aya zonzi nh rho kumi ti tanzana Bulus i kasu kana nh Urushalima. ¹³ Ande Bulus i ku mane, "Yennan in seri, inku sin magana nan ku gweverem asuwu? Awar nh ma napsana, a zank u zallu u sisinu, are nan ku kao nh uRushalima, awar ka rizayi ri Pikarma Yesoh." ¹⁴ Awar nan BUlus i zayi usuwo an zika a suwu kayi, ti jao nasao mim a vere wo, "Sa usunu o Sirih nh wam." ¹⁵ Atini katuk ara, ti zika an vakti mu wuri a jariri nh Urushalima. ¹⁶ Arong a gbwekseni a wori nh Kaisariya an dorkoriri. An ku ruva nan pirong nang aku kagha yi awo Manason, piyu Kuburus, piya dorkoni u zoni umi nan ten zomo nan yi. ¹⁷ Nan ku ka ninghe nh Urushalima, rikommina rin sere iri nan rigarao. ¹⁸ A mazu katuk Bulus i dorkoriri ti kana nan Bitrus aya gwakazi an rim. ¹⁹ Atini ku sumaze yaon, iraa mise yaon marandao an kusu nan Kasirih kama rise nan ma Majir-Mu-Yahudawa nh tuma uyi. ²⁰ Atini ku pokoronu umun, an changha a Sirih, ande anku vere nan yi, pe reghe, koni, makungyhi mawar ma Yahudawa mama rume ari asuwum u karme mateh. ²¹ Ama iya yaon a ritih ripu, awo pi sin mise a Yahudawa ami a zonzi ainnunk ama Majir-Ma-Yahudawa, awo an nekere Musa. Pisin mise yaon an kasu yelli nonoh na yaon u kaciya, an ka su dorkoro al'adu a whus. ²² Yhene wana wo ti rise? An ri ken a pokoro awo pi ma ruva. ²³ Awar ken rise ikusu nan ten miya bu kini. Tiri nan a rumi a nas a ma zika masirih. ²⁴ Jaravu nan a yalla aka veskene ritih ripu nan yaon, a zika mazib nasang mayoan nan maphura mari tih. Tu ken nan kowammi en yaogtaoke awo an kusu nan asin vervene aritih ripu are i chotti, awo pighi piyu dorkoro ku mateh. ²⁵ Aritih re yha ama rume tima rise yaon avah, te ro a vere awo an chuwune a tih a yaon nh sadakoki kui nan ama ro ana rong na sirih nan mannyo, nan ki kusu nan a manyhe kin nan u faskanci. ²⁶ Ande Bulus iku zika a rumi aning ari mazu rikata i veze ritin riyi nan yaon, an ningh'e inung u haikali, awar imick an yhi mu koro ku vurkanenu ku yaon, ar katuk ku ro ku sadaka awar ka kowani u yaon. ²⁷ Ande a tuk anin kutasi arao an ku nan paturwo kohro, arong a Yahudaw a wori nh Asiya an reghe Bulus nh Haikali ande ku tuwaze a yaor an zika yi. ²⁸ an tu ra seri riwozo, "Ina yaor u Israila in kaniri.Pi yallu ire piya i sin mise a yaor nsang ko iki an kusu mu za usu nan a yaor, nan mate nan katehe kana. Ban nan ken ima yende a Helenawa nh Haikali kuna ima naze a te kana ka vur." ²⁹ Awar are kuna mah reghe Tarofionas piyu Afisa anri nan Bulus innunk nh rho, an zika iku yende yi nh Haikali. ³⁰ Ande kurho nasang kun ku rude a yaor an konkuruwo a puru Bulus, a kokone yi uyah awori innunk nh Haikali, kini kini an wura na toghoronk nami. ³¹ An suni an wun yi ke nan masara man ka rave a tek ka piyazongoni ma wumani mami awo Urushalima nasank uma yamusa nan u tarzoma. ³² Innunk a dhaor i zika aya riwuma nan a rumi ami nan apok mim anang rava ny som a tek ka yaonr ami nan ayaor a reghe a piyazongoni ma wumani umi nan a yaor ayi ande an ku jao uvavu u Bulus mim. ³³ Ande piyazongoni ma wumani umi iku ka kotoko a rene an zika Bulus aka sisizeyi in tari ivah i rivi va yi wanmi na i yemmi ire ivang iyi. ³⁴ Arong innunk ama kongsuzuwo mami antu seri riwozo arong an ku vere wo kini na a mazu inao'ri. Anre ku hafsan kumi i rhoto ma yagatao i kusu man a sin vervene awar ka ma jina mayaon, iwo an nighara Bulus nh Farfajiay ko mawumani. ³⁵ Nan ku ka rave i tudu, an soja mun zika yi awar ku wantanu una suwu na yaor ami. ³⁶ Ande a yaor ami anku taka a tini a seri majina a kuwo, "An wun yi!" ³⁷ An ra patu ninghara yi nh farfajiya, i vere nan piya gbwaki o jami, "Pen ka rume nh vere nam pu?" Piya gbwaki umi iwo, peku vervene ati Helenanci? ³⁸ Pighi pi zan pi Bamasare, unin ana tuk atini ima manze urok otih, a zika ayu chonze ko teghe a zika a yaor ma kunyhi manas in jaga yaon a rimi?" ³⁹ Bulus iwo, "Mini Ba'ibrane nh wori nh rho ku Tarsus nh Kilikiya, mini konoh ku rhoh ku gbwaki ma tanzanavu sam nh vere nam a yaor a rana." ⁴⁰ Kadhaor kami nan piya gbwaki an soja e ro yi a dhaor, Bulus i cho in tuduing a zollwo na chara na yi izo asa yaon awo an kis ande kateghe kan ku kiza, i vervene nan yaon ati Ibrananci, iwo