¹ Bulus ikanah Ndarba nang Nlistira, kun wanah karong kagbweng nakho Timoti iri atehemih, mazaroah mapityhauwoh piyahudawa urumenih,putuh ire pilarabawa. ² Izuwih uchaghuo nang acheyhi nih arih Nlistra nang Ikoniya ³ Bulus itumih uwoh anjar nang yhi, izeyhi areggweh yhii igamm awar kayahudawa amih arih anathemilim, an rekenyha awoh putuh ire pilarabawa. ⁴ An virunuwoh yhaon atirindinah, arah miseh anajighi uduwazanuh uwoh an havare, uduwazanuhmih nang nagbweng nang ayakun Urushalima a yhakarah ⁵ Najighii nan sisunwoh uvurah agwakanah anatih anakatahkatah. ⁶ Bulus nang ajamih andotozoh atirindinah tufirijiya nang uGalili. Awar kuwoh masiriri mama yeke yhaen umiseh avereh Siri amayinzi masiya ⁷ An nang paturuwoh amisiya, areneh uwoh an kanah Nbitiniya, Maziriri na Yesoh manzaku rumeh yhaen ⁸ A tungu tu misiya, anang raohtaeh turow kutaruwasa. ⁹ Bulus inang reghe ripwazjha atuk, Piyar iworr amakidoniya iyhazih, asi kagha yhi akuwoh "Ruva amakidoniya akanihrhi". ¹⁰ Bulus nang ereghe ripuwajha dimih, natankdih tih puruh ujaneh makanah Nmakidoniya, azikanich woh Kasiri kamah kagyhe rih tikah yharkaneh yhaen masara makam. ¹¹ Ti chivih amawohwoh uwasah amakanah Ntarawasa, ande tidikareb nadu tichamah kisamutaraki, tinang ruvah Nniyabolis arikateh. ¹² Aka varaoh ravah Nfilibi, kuroh kuma Kidoniya kuroh kumih napukmihn Ntugganuh arom, ti zomoh urohku arong atuk adun. ¹³ Amapess matuk tichirah tetuwhorong tumana, azikanih woh katek kariyap kanku rim, ti zomoh arah serih ayhauowoh aruvah avereh. ¹⁴ Piron uyhauowoh nakho Kilidiya, Pizizinih umapuh uroh Katayatira, ireh pitanzoh Usirih, iterah atoh uwurih. Kasir kan wonoh atsowoh kayhi inagha atoh anarah Bulusisi verneneh. ¹⁵ Yhi nang kurara kuyhi an wakanaeh jahn, inarwuhruhwoh awoh, "nareh inkuma tekem uvurah kunang Asiri, ruvahrih azomoh urarah kunang "ande iku melle yhaen." ¹⁶ Kun wanah, tisi jarah makaanah atek kariyap, tima nang kirong kisighya kipiyhauwoh kimih kisi woksoh, kin kusi kunsozoha piyurarah kukin anavozoh tuwoksonohmih ¹⁷ Piyhauwoh ruh ivazareh Bulus zi nang awurih, aserih , "Ayar-rarah arah arereh Asiri kizoh.Asi yhatarihnih uwaskha." ¹⁸ Iserih kinih anatuk adun. Bulus ipukuroh rikhazha nagwik awar kayhi ivanduruhwoh awoh upizikuh," Ma tarkarahvuh anacharah Yesoh Kiristo chirah uyhi" ichirah natankdih. ¹⁹ Nang ayurarah kuyhi areghe uwoh Navohzoh narah tusunuwoh yhaenm an ritirih Buluszi nang Silas tohtek Kapizeh atiwohmoh ²⁰ Na nang yendeyhan ugho, ande kuwoh, "ayhar arah asi ritizeh uroh kuwrih, areh ayahudawa. ²¹ Asi yhatenzeh anakaghazangh nazakuh rivah uwoh tiser ajitaram awurih Aromawa." ²² Ayhaor andeneh akirih uBulus nang Silas tiwohwoh tin jizarah yhaen makusu anargharah vereh sa an vab yhaen nan narowoh. ²³ An gwhellazeh yhaen naduh, anurkarah yhaen uwok, amigha madodo man tar yhaen nagwamgwam. ²⁴ Na epokoroh rah, madodo kun ragha yhaen inuk uwok asisi navinnayhaen atirung. ²⁵ Atetih tuk Bulus nang Silas anserih riyap nang masivah Masiri, ajamih uygeng an puk yhaen. ²⁶ Mayinzih manda zumgduzuwoh ken, ilang uwok indah ririnih, natuworong nang won tohzunuh, iygeng isuttozonoh ayhar. ²⁷ Kumadodo kun zinta anmarah areghe natowohrong nuwok nan wontozih kun kaubgwo tansa kun wun ritih dikun, kun zikanih kuwh arereh mih kuma sotozonoh. ²⁸ Izakgwo arigye, awoh, "Su reneh ritih dipuh matirih, nasang kuwurih tirim." ²⁹ Kumadodo kun zeh anpezeh awonhlluwoh unighe inuk asi zallah ukau, arighe tenyhen muBulus nang Silas, ³⁰ A hiddah yahen uhay awoh, "manamaduku yhaen naman yelli azuwa uwaskh?" ³¹ An woh, "rumeh Osiri Yesoh, pinang zuwoh uwaskha, pighe nang kurarah kupuh". ³² An runtazeh yhii avereh Asiri nang ayurarah kuyhii, ³³ Kumadodo kun zikayayhaen adarkamih atuk, azuzuh yhaen makha, kun nang ayurarah kumih nasang an waktaeneh yhaen. ³⁴ Kun yendeh aBuluszi nang Silas urarah kukun aroyhaen marinuruh igyaroanoah nang ayurarah kuyi,kuwoh imah rumeh Asirih. ³⁵ An nang wanah rikatah, tiwohmoh tin tumah avereh nang ahighe, awoh, "Sanih ayhar nih anjaryhaen." ³⁶ Kumadodo kun migh Bulus avereh mih, awoh, "Tiwohmoh timah tumah avereh nan minih sa injinim in jarihnih, na chinnih nepkinih, ajarihnih atsowoh kavokh." ³⁷ Bulus iwoh uyhaen, "Ama gwellazehrih ana yizih yhar maza mateh, ti riken areh tipanpanah turomawa an gharahrih inung uwok, nakukoh an ritirihrih mazu yha? azanken! andup anateyhaen asa irih ujarahyhaen." ³⁸ Achighyhe mih annang gudu tiwohmoh arerehmih, an pukuroh awoh Bulus nang Silas anreh aromawa, an deh kupukohroh ukau. ³⁹ Tiwohmoh timih tin durah akinah yhaen achiddah yhean, amigha yhaen, amigh yhaen anjar yhaen ajah uroh kumih. ⁴⁰ Abuluszi nang Silas an chivah uwok ajarah yhaen urarah Kilidiya. Abuluszi nang Silas an reghe rikonminah, an Sisaneh yhaen ahatta ajah urohkomihm.