¹ Arong ayhaor awori un Yahudiya an ruvah un Antekiya a miseh a komminih, akoh, ankanu jeske nu pigam, kenne Musa ima roh, in nanka zaku zuwa u ghaska." ² Anang arah ana yendeh Bulus nang Barnabas uroewoeneoh nang yhaon an teske yhaon an kana un Unrushalima anka zuwa apkweng nang a yah cirvu ama vere rip kana. ³ Yhaon awarku tum ui na ku church ko tuma, an voaroahtu nang uSamariya a miseh masara kenna ma al'ummai mama kurvuwoh awana ayah ma rume. Ama yendeh rigoeroah rigbwaki ana kommini nasang. ⁴ Ama nan ruvah un Urushalima, ku church kun sere yhaon, apkweng nang ayah cirvu una yhaon an miseh koyan na Kasiri ka yelli nang yhoan. ⁵ Aong ayhaor ami ama rume, ami aworiupette ko Farisiyawa, an cho awoh "ko wanu woh an jeske yhaon apigam a gura rene yhaon an dorkoro meteh ma Musa." ⁶ Napkwen nami nang aya cirvu an konkuruwoh sa an reg anang ami. ⁷ Ama zika dhoar aseri uroewoenoeh, Bitus icho awoh uyhaon, "ina chegyhi, in yhoa adhaor ka rangani Kasiri Kama teske inung uyhin, awar ka noeh kanang ma al'ummai nanKa pokoroh avere masara marentu, arume. ⁸ Kasiri Kami ka yhao nasugwhu ka ku vere nan nan, aroh nang mazir mavur, kenna ka yelli rih, ⁹ Arotoh ma vakane awuri nan yhaon, aku vurkane, nasugwhu awarku bangaskiya. ¹⁰ Awaku ken, yene rene in sin gbweke Siri, na a yhini in rusu in ren utira ana gbweksene ikusu na zah atiteh zah awuri tima suska utighha. ¹¹ Tima rume awoh ten zuwa ughhaska awarka Mapize na Pikarma Yesoh, kenna yhaon unayhaon." ¹² Ayah kongsuwoh an zomi na liu asin pokse Barnabas nang Bulus an sih miseh anang gbwakezi na Kasiri Ka yelli al'ummai tu yhoan. ¹³ Ama ruru a vere, Yakubu imane, akuwoh, "ina chegyhi, inka pok mi. ¹⁴ Saminu eh mighha kenna Kasiri Ka kana a al'ummai asa kan zika aworu yhaon ayhaor awarka rizagyhi rikan. ¹⁵ Avere annabi ama rume nang ara, kenna ama nyakara, ¹⁶ "Na anang ara ae avoeroeh manka guru, manka gura sugwha urara ku Dauda, kimi kima rigyhi; manka gure chone utura a yezene kun, ¹⁷ Asa ayhaor ami a taka an ringyhi a pikarma, amane al'ummai nasang ami na asin kanghha a rizaagyhi rinang." ¹⁸ Kenna pikarma ima vere, wane rise anang ara ami na ayoeh ani chetti adhaor ta titih. ¹⁹ U nnyen kunang, tisu nokoro a al'ummai ara ami aguru nang Kasiri. ²⁰ Ten nyakara yhoan avah awoh an ranguruwoh nang anang ama rik amane nang narong naSiri, ufaskanci, nang inama imi na a wuna an zan ku cheske, nang mannyoh. ²¹ Ana waghha mateh ma Musa inung a moroh ko ike chetti rizoni an gura sin tezeh avah ayhi ama haikali ko arike Sabar." ²² Anne manang man manku ripkwa napkwen nang aya chirvu ami, nang ku church nassang, an teske Yahudu umi naku kangreh woh Barsabas, nang Silas ami ama eh ayah yoep utuma u church kumi, an tuma yhaon makanun antioch a mane nang Bulus a Barnabas. ²³ Ama nnyakara kini, "Awori nang napkweng nang aya chirvu, a kommina ayin, makanang a koni al'ummai un Antakiya Syria, nan Cilicia, kusumazi! ²⁴ Tima pokoro awoh arong ayhaor ama cira a joeh yhirim, azaku yhoa kuwuri, ara nang misini arah u chine ku na sugwhu. ²⁵ Tunna ivizih eh wana ken, nasang kuwuri te rume ateske yah na ten tumi nih, an ruvah arih nang achegyhi ami nati suni Barnabas nang Bulus, ²⁶ Arume mi ama roh mavoh ma yhoan awarka rizagyhi rih pikarma uwuri Yesoh Kristo. ²⁷ awar ku ken tisin tumza Yahuda nang Silas, anka migyhi anan arah ana vere a yhoan. ²⁸ Ivizi inku ma ripkwa mazir mavur nang awuri, ti kasu renini utira udun umi upiri anang arah. ²⁹ Akoh in ranguruwoh nang na aroh a narong nasiri, mannyo, kukusu na awuna zah ku cheske nang ku mosoh nang arong annyogwho, inna en yoeptoeh ateh ana nang arah monka ripkwa. Kazom kamarentu." ³⁰ Ayhoan, ama takuzuwoh, an ruvah un Antioch; ama konsozoh ayhoar, arph avah ami. ³¹ Ama ruru uteze ki nyara imi, an georoenoeh awar ku sisanu una sugwhua a zuwa. ³² Yahuda nang Silas, annabawa ina yhaon, an piru sisane yhoan nasugwhu nanga avere yhoan. ³³ ama zomo nang yhoan aka rong kadhaor, ama noenghoeri yhoan un salama makama nang ayah ma tuma yhoan. ³⁴ Kuma ripkwa Silas uwoh izoma atehye mi. ³⁵ Anreh Bulus nang Barnabas ku taka un Antioch nang amanzu an gbwki, ama miseh a gura waghha avereh pikarma. ³⁶ Atuk ama voeroeh Bulus iwoh nang Barnabas, "sa ti noeng a rengzeh achegyhi amaroh mami nate dosozoh a waghha avere pikarma a reghye kenna arih." ³⁷ Barnabas ima rusu a zika Yuhanna umi na ku kangreh awoh Markus. ³⁸ Bulus irehyu monka zaka ripkwa an zika yhi Markus, umiima joeh yhoan un Bamfiliya avonoyhi u dorkoro sa nan akarim un tuma nang yhi, ³⁹ Ighhar mi isizazi incho, an ghhatta, Barnabas izika Markus a jara tu mani mu teku makanun Kubrus. ⁴⁰ Bulus izika Silas an jara yhoan, ajami amma tanzana Siri awarka yhoan anka rih inung a mapess ma pikarma. ⁴¹ An jara yhoan a voeroeh tu Syriya nang Kilikiya asin sizaze na sugwhu ni ikilisiya imaroh mami.