¹ Adhaor kami nan Bulus nan Barnabas aninghye umrho kayu ikoniya an ninyhye a majami'a ma Yahudawa a waghha masara masirih kennan har ayhaor agwakane innank ana yu Yahudawa nan ayu Helliniyawa an ka rume. ² Are Ayahudawa ami a roto ma ro tichirvu, an tuwaze ayhaor an ka rene rikaozao nan a kanmini. ³ An zomo atehmi a zika dhaor a seri avere ayaon za ukan nan unirganu pikarma, asin waghha utuma umapes mayi. Erise ara'ara te tek kamakizi nan anank Asirih agwaki (ala'jibai) te chara ka Bulus nan Barnabas. ⁴ Awar ken ayhaor urho kumi an wantita: Arong an dhaorkoro usunu o Yahudawa, amazu ami an dhorkoro naghenk nami. ⁵ Ayu rho kumi nan ayahudawa an ringhi akokone ku nasuwu na ya gwakazi ayaon, asa an walakanta Bulus nan Barnabas a taza yaon. ⁶ An yaogatake ken a suma yaon ama rho magwakazi mayu Likoniya, Listira nan uDarbe nan marho mami mari intuwa nan yaon. ⁷ Inaori anra waghha masara marantu. ⁸ Nh Listira pirong uyaor irim umi i woto ma nana alho ana vina nayi. ⁹ Piyalluna ipokoro avere a Bulus. Bulus ikapkwana yi ayizi a yaogatake awo iri urummenu uwo i warga ari yhi rigwaki, ¹⁰ I vere yi ari yhi rigwaki, cho ayaozaoneh ama vina napu'' ande piyaor umi iku tubta ara wanyana. ¹¹ Ande ayaor urho kumi kun reghe ikusu nan Bulus erise, an zokkwo tiyhi ti yaon awa ati Likoni yanci ai alloli ama ziyarciri a wori izoh, a masuksama mayaor''. ¹² Anra kagha Barnabas ari za yhi ''Zafsa,'' Bulus kuwa an kaghayi arizayi ''Hamisa'' awar yi ipirku seri avere. ¹³ Ande ku Firist ku zafsa kumi nan kuraghao ku yelli yi usujada kuri atoghoronk kurho; i yende bijimai ivah nan i vaos nan ama nuna kinnerikari, yi nan ayaor ayi an suni an yelli yi uhadaya. ¹⁴ Na gwenk nami, Barnabas nan Bulus apokoro masara ma an jiza makusu mayaon arene a rakarao a choru yah nan ayaor ami. ¹⁵ A ra seri awo inka poko ina yaor yemi nan in seri kini? awuri fa ayaor kinni ayini. tiku yendini masara marantu, asa in vandurwoh ankusu mu yihmun nan Kasirih ku voh, kami ka yelli izho, nan kumikuyah, nan kumana nang an kusu murim. ¹⁶ Atiwa te tini kama jao komariki mayhihzi man jara kennan asuni. ¹⁷ An riken, ka rhoto jao riti rikan mim za ku kizih awar kasin rukse an kusu muribsi, kaku rhoini uruh nan kadaor kuseh, a koroze nasuwu nayin nan marinuru a rigarao.'' ¹⁸ Nasank nan mavervene mama Bulus nan Barnabas ama susku yaozaone yaon nh yelli ku yaon uhadaya. ¹⁹ Are arong Ayahudawa a wori nh Antakiya nan arong ayaon awori nh ikoniya an zika na suwu na yaor ami. An taza Bulus a kokone yi a jagayi uya urho kumi A yhen kinne iku ma kao. ²⁰ Nan ken agwekseni an karmeyi a yaozaozi, iche a nighe nh rho. ka mazu katuk, i kamayi nh Darbe nan Barnabas. ²¹ A tini ku waghha amasara marentu nh rho kumi an zuwa agwekseni a gwakane an nan rava uListira, nan Ikoniya nan Antakiya. ²² An sin sisaze nasuwu na gbwekseni an yaobtao urho kotih ayaon, ara jariyaon nan kun, anku vereyaon, ''Tu kwakturwonu agwakane nan ten ka ninghye nh rara Kasirih, awar ken ten ka ninghye nh rara Kasirih in vara.'' ²³ Kadaor nan ama teske yaon aya chirvu ukoiriki Ikilisiya, ande ku yelli atanzu nan kuyira ken, an ro yaon nan pikarma, umi nan a rumem. ²⁴ Ande ku dorkoro tu Bisidiya a kana nh Bamfiliya. ²⁵ Nan avere ayaon nh Biriya, an varao kavava u Italiya. ²⁶ Tu kwalekale ku marmarsir makana Antankiya, ateghmi nan ama ro yaon amapes masirih awar kutuma umi nan aruru kini. ²⁷ Kadhaor nan amaka rava innunk u antakiya an kangsozo ikilisiyoyi atek karao an miya masara mankusu nasank mumi nan Kasirih ka riseh yaon, nan kennan ka wono atoghoronk ku ro kuritih nan ma al'umai. ²⁸ An zomo azika dhaor nan a gbwekseni ami.