¹ Ǝn yan a shisherki tǝ ɓorghǝn ghǝ Cogn ŋalǝn ghǝn yo ɗaŋ yi tsogn, lǝb yo ɗaŋ ɓorghǝn Cogn cighai,a tsǝtnghǝn a taghǝ zati Cogn. ² Ḅitalghǝ gha ghǝnyo ɗaŋ yi gami ,bed tu nǝ ghǝn yo ɗaŋ yi yatl hŋ. ³ Yi tu kyani kaa mǝǝshi bed tu raa wan nǝ wadkǝni gha ɓorghǝn Cogn agibkǝ Cign. ⁴ Dzaŋgi ɗaŋ ɓorghǝn Cogn ya mbwaɗi gyo ɗaŋ cinǝ ra wan ,dzaŋ gi ǝŋ kyani ma ka mbwadi tǝ yani a gibkǝ shighǝn wos. ⁵ Gaan suughǝn ngǝtn ghǝ ɗǝgn ɗaŋ cigha ɗǝgn - ɓǝllǝ tǝ mǝǝri guɗi, ɓǝllǝ tǝ gud zarsǝ, tsǝtn ghǝn tǝǝ mǝǝŋ, gindǝ tǝ suughǝn kuskǝ ngǝtn, gyo ɗaŋ nǝ ndughǝn war. ⁶ Durghǝ ghǝshi gyagin ǝŋ ca tli Cogn gha mǝniyo ɗaŋ caa lab tǝ taŋ-taŋ hǝŋ. ⁷ A gibkǝ ghǝshi gya gin ǝŋ kǝ rii ghai ɓanndǝŋ ɗaŋ kigha tsǝtnghǝn a dlei wasǝŋ. ⁸ Bed tu, a na cib mǝ ga gya gini - ŋaskǝn raa, tliti yer, kusǝŋsǝ ɓitalghǝn, vyarghǝn, tǝ kusǝŋsǝ vi wulghǝni. ⁹ Ɓak ngha mberni dlǝŋsǝ wan mǝn hǝŋ, duryo tu kaa gǝm dwatsǝ muri tǝ gya la wos. ¹⁰ Kaa ndǝr kǝ caa zaar ghǝ muri ,gyo ɗaŋ caa sulartǝ nǝ muri agibkǝ yisǝŋ ghen a zhipti gyo ɗaŋ a ndǝrtǝ. ¹¹ Ɗuni ǝŋ mǝn Heleni ko mǝn Yahuda ghai hǝŋ, gyo ɗaŋ ta sǝrǝ ti tǝgyi ɗaŋ ta sǝrǝtǝ hǝŋ, gyo ɗaŋ nǝ mukaŋ, baubawa koBasikitiye, mon ko gon ɗaŋ cinǝ gǝmghǝn, kitǝ ɓorghǝn Cogn,yan cigha gibi ɗebad , bed tu cigha gibi wan ɗebad. ¹² A gibkǝ tsǝtnghǝn wan ɗaŋ Cogn ɓwaki ,mǝn dzǝkkǝn tǝ mǝn suughǝn ,she a dlǝpm ki tǝ gwandǝ la ghǝ mbuni , mbutar ghǝn gaam ,ngabkǝn gam tǝ shighǝn zha a raa. ¹³ Mbutarǝn raa dlǝŋsǝ wan mǝn . Fin gya dlǝŋsǝ wan mǝn. Ǝŋ yan gon citǝ vuughǝn tǝ gon ,she aa dla loŋsǝ dlǝŋsǝwan mǝni ɗaŋ gi ɗaŋ Daadǝn dla ki mǝni. ¹⁴ A duli gya gin kab, naan tǝ suughǝn gyo ɗaŋ yan cinǝ ɓanghǝn yuŋghǝn koni. ¹⁵ Gaan wusni ghǝ ɓorghǝn Cogn tǝ dlǝpm raa wani. Nǝdurghǝ tsǝtnghǝn wusni ǝŋ tǝ cimki a gibkǝ dli namboŋ . Naan nǝmǝn nyaarghǝn. ¹⁶ Gaan vii ɓorghǝn Cogn tǝ tsǝtna gib raa wan ndarara. Tǝ saghadkǝn ,a gidshi ghai ,a sǝǝd vii dlǝŋsǝwan, tǝ dǝllǝŋsǝ ghǝn ghǝ luughǝn Cign, ngil, tǝ ngilghǝ mbuughǝn kǝ zhipti var. Kigha waghǝn tǝ nyaarghǝn a gibkǝ raa wan gha Cogn. ¹⁷ Hal tu kab gheryo ɗaŋ kafi agibkǝ vi wulghǝn ,kolaa fighǝni, finshi agibke sǝm ghǝ Daadǝn Yesu. Kigha nyargǝn Cogn Daadǝn te ɓastǝ. ¹⁸ Guɗi wumǝn kǝǝm gya turwan gyo ɗaŋ a ndara a gibkǝDaadǝn. ¹⁹ Mǝnmonci,guɗiwan,ɓak malarshi raa mǝn hǝŋ. ²⁰ Mǝǝri, fin ghǝn yo ɗaŋ gya Daawan caa fuki a gibkǝ koni , duryo tu gin caa pol Daadǝn ghai. ²¹ Kyani mǝn bwaaghǝn, ɓak ca mǝǝri wan tliti yer hǝŋ duryo tu raa wasǝŋ tǝ tsali hǝŋ. ²² Monsǝ fin ghǝn won ɗaŋ gya murghǝ dǝnwan ghǝ dli caa fuki tu afi koni, nǝ durghǝ yelghǝn yir zarsǝ hǝŋ, duryo tu,tǝpolzarsǝ ghai hǝŋ,bed tǝ gi tǝ raa ghǝ mbuni. Cinvǝrtǝ Daadǝn. ²³ Kab ghǝnyo ɗaŋ kya fi fintǝ a gibkǝ ra nǝ Daadǝn,nǝ durghǝ zarsǝ hǝŋ. ²⁴ Yisǝŋni tu katu ɓakmi dull wan gha Daadǝn . Duryo tu Daadǝn ɓorgǝn Cogn ǝŋ kya mbuu tǝ. ²⁵ Dury o tu kab muryo ɗaŋ yananǝ zar ghǝ zaari hǝŋ wo kab bakmi kuskǝ ghǝnyo ɗaŋ a fi, hal tu suughǝn gam ghai hǝŋ.