² A ciken tǝ karaghǝn Daadǝn nyaŋ-nyaŋ . ³ Tsǝdǝn gwam a karaghǝn tǝnyyarghǝn Daadǝn. Yi jwaamǝnki, a kara Daadǝn nǝ myani, duryobtu Cogn tǝ ɗǝrǝmi mbil nǝ durghǝ gǝgn ,tǝ kon ghǝnyo ɗaŋ nǝ jomi kǝ ɓorghǝn Cogn. Nǝ dulgam ginminǝ nadkǝn jarum. ⁴ Karan Daadǝn duryo tumǝ dya mǝ kontǝ ndarara ɗaŋ gyo ɗaŋ a ndara mǝ kontǝ. ⁵ Riin yǝ saghadkǝn nǝ gya gyo ɗaŋ ɓǝdlǝm ,fin la tǝ dǝǝl yo ɗaŋ ka tu. ⁶ Gaan vii wan ko dzaŋ gyo tǝ na neghǝ gyal . Tǝ nanǝ ghǝn ghǝ wusni duryo tǝ yisǝŋ datǝpm yo ɗaŋ kasu ko dashi gyo ghai. ⁷ Durghǝ gya ghǝnyo ɗaŋ mighai, Tikikus wo fuki ghǝnyo ciɗa .Cinǝ ŋaa ghǝ naan ɗaŋ mya suutǝ, mon murghǝ vǝrtǝ Cign ,cinǝ monɗaŋ myan a gibkǝ Daadǝn. ⁸ Ma shintǝ ɓaski nǝ durghǝ gin ,duryo tu aa yisǝŋ dek kǝ ghǝnyo ɗaŋ mighai , duryo tu tǝ tlyaki mod mǝn. ⁹ Mǝ shinshi tǝ Onisimus, murghǝ vǝrtǝ Cogn tǝ ŋaaghǝ naan ɗaŋ mya suutǝ ,gyo ɗaŋ ci namboŋ a gibi wan. Ta fuki kab ghǝnyo ɗaŋ a fi ɗuun. ¹⁰ Aristarkus , muryo ɗaŋ tǝ tlǝǝrmi jarum cimtǝ,ca wuruki tǝ Markus ,yeskǝ Barnaba( gyo ɗaŋ tǝ shishǝrtǝɗi baski,ǝŋ ya man aa kabti), ¹¹ tǝ Yesu gyo ɗaŋ ca cimtǝ tu Yustus. Gya gi ǝŋ cinǝ mǝniyo ɗaŋ ta sǝrǝshi wasǝŋǝi, Tǝ na nǝ mǝn mbutarghǝn raa ɓasǝm. ¹² Abafaras ca wuruki . Ci namboŋ a gibwan ,bed tu cinǝ mon ghǝ ɓorghǝn kǝ Cogn. Ko dzaŋgyo ca kara Cogn tǝ caaghǝn gam duryo tu a dliri nǝ yuŋggarghǝni na jom-jomi a gibkǝ suughǝn Cogn. ¹³ Durghǝ cig ,mǝ ca tlya woshi nǝ la mbuni yo ɗaŋ ca fi nǝ durwan,nǝ mǝniyo ɗaŋ ci Lawudikiya ,tǝ kabkǝ Hirafolis. ¹⁴ Luka murghǝ paŋnghǝn mǝn gonghǝn ɗaŋ mya suu,tǝ Dimas,caa wuruki . ¹⁵ Awuru gya ŋaa naawan ɗaŋ ci Lawudikiya tǝ Nimfa tǝ mǝn laabkǝn yo ɗaŋ ci ɗa tǝ dǝn. ¹⁶ A kili yo ɗaŋ tǝ kwaan ghǝshi gin ɗaŋ mǝ dlyaadki mǝnɗi a dlei wan, she a a kwaan tǝ ɗa a gibkǝ mǝn labkǝn ghǝ Lawudikiya, aa ndǝr aa yisǝŋǝi tu ta kwaan ghǝnyo tǝ dlyaadi Lawudikiya. ¹⁷ A fuu Arkibas,"Tǝ caa yir gha layo ɗaŋ a kaba gibkǝ Daadǝn ,duryo tu tǝ yuŋgharti."