¹ Bed tǝ gi yisǝŋ gini: a ɓanngǝn mbudkǝn taa fii kili ghǝ buŋngǝn . ² Zarsǝ ta nai nǝ mǝn suughǝn gam , mǝn suughǝn wurba,mǝn ɗuughǝn gǝǝb ,mǝn mbitǝ gaam ,mǝn kyamaskǝn Cogn mǝnyo ɗaŋ caa nyar hǝŋ , tǝ mǝn yo ɗaŋ citǝ dzǝkkǝn hǝŋ. ³ Taa naa tǝ suuughǝn kǝ ɓwaaghǝnhǝŋ, mǝn yo ɗaŋ caa suu tsǝtnghǝn wusni tǝ hon hǝŋ , mǝn geskǝ vii ,mǝn yo ɗaŋ caa ngab gamawasǝŋ hǝŋ mind​ raa baŋni ,mǝn yo ɗaŋ caa suu mbuni ghǝn hǝŋ. ⁴ Taa naa nǝ mǝn vǝrghǝn vii dlǝŋsǝ wasǝŋ, fotarfwai, mǝn mbitǝ gaam ,mǝn suughǝn wurɓa mob suughǝn Cogn. ⁵ Taa naa tǝ taghǝn ghǝ mbuughǝn Cogn ,bed tǝ gi ta ci viia vartǝ wos .Ɓǝǝlghǝ tǝ zarsǝ gya gin. ⁶ Gya gon wasǝŋ nǝ mǝn monci gya gyo ɗaŋ caa nda dǝn-dǝn ghǝnda ciyi mor guɗi ɗaŋ cinǝ yuŋgǝn tǝ saghaɗ hǝŋ. Gyagin nǝ guɗi gya gin nǝ guɗi gya gyo ɗaŋ cinǝ yuŋgǝn tǝ ksǝŋsǝ ngǝtn ta ndǝr tǝǝ gaa tǝpi nǝ ghǝn mbighǝn raa mari-mari . ⁷ Gudi gyaa gin caa kubkǝn ko dzaŋi gyo , bedtǝ gii taa dyaa tǝǝ tul a yisǝŋ ngǝn jom-jomini hǝŋ . ⁸ A tǝpm namboŋ ni gyaa Yannisu tǝYambirisu tǝ taa ga gǝǝb tǝ Musa . A tǝpes saɗ kǝn mallǝmshi mberni caa gaa gǝǝb tǝ jom-jomni .Nǝ mǝnyo ɗaŋ raa wasǝŋ nǝ ɓoti ,citǝ kabkǝn hǝŋ a te caaghǝn raa. ⁹ Bed tǝ gi taa ɓǝd ɗooghai nan hǝŋ. Duryo tu ɗǝghǝr wasǝŋ wo naa kǝrǝŋ-kǝrǝŋ a konu ,ɗaŋ kǝ zaarsǝ gyagi.. ¹⁰ Bed tǝ gii kyan, ka lab zhiɗ kǝnǝn, raa mbunetn , dek yo ɗaŋ mǝyir caaghǝn ratn dumghǝn vwan ,mbutarghǝn gaman , ¹¹ gya matsǝghǝnen ,tǝ gyaa buŋghǝnen tǝghǝ yo ɗaŋ a ta tum Antakiya , tǝ Ikoniya ,hal tǝ Listra . Mǝ ta dum vwa a forǝm . A gib wasǝŋ buruk , Daadǝn ta nyolarmi. ¹² Ɓuruk mǝn yo ɗaŋ vaa suu tǝ tsǝtn tǝ raa mbuughǝn Cogn a Yesu ɓorkǝn Cogn ta buŋn. ¹³ Kusǝŋsǝ zarsǝ tǝ mǝn morghǝn taayi daɗakni laabkǝn zha .Ta ma-lar gya goni . Yaŋshi gama wasǝŋ ta gyaai. ¹⁴ Bed tǝ gi kyaan ,dlǝǝr a nghǝshi gya gii ɗaŋ kǝ kuub kǝ ndǝǝr kǝ caa raa ghai tlyaa-tlyaa. Ka yisǝŋ gyi ɗaŋ kǝ kuub ɓastǝ. ¹⁵ Ka yisǝŋ tu , ɓanndǝŋ kini ŋaa njwaan kayisǝŋ tagarta gya gin ɗaŋ citǝ dzǝkkǝni . Gya gin taa ɗyaa tǝ saghad kǝi nǝ durghǝ vumnghǝn a te caaghǝn raa aYesu ɓorghǝn Cogn. ¹⁶ Vik Cogn ɓuruk nǝ ɓitalghǝn zaar hǝŋ,nǝghǝ Cogn . Yitǝ mbuni nǝ durghǝ gidkǝn ,nǝ durghǝ caaghǝn yir, nǝ durghǝ ndǝrghǝn,tǝ durghǝ buŋghǝn dli nǝ mbuni. ¹⁷ Gin yi cig tu zaar ghǝ Cogn tǝ naa nǝ yuŋnghǝni, nǝ ɓumtsǝghǝn nǝ durghǝ la mbuni .