¹ Durghǝ gii kyan ŋaatn ,tlyaa mod a gyal ɗaŋ yigha Yesu ɓorghǝn Cogn. ² Ngǝshi gyaa gi ɗaŋ kǝ wumi ɓasǝm a dle mǝn tylaghǝnzha monda ,gaa shi gha zarsǝ yo ɗaŋ taa caa vwaa wasǝŋǝi , gyaa gyo ɗaŋ taa ɗyaa tǝ gid gya gon ghai ɗaŋ. ³ Dumvwaa firghǝn forǝm tǝ myan ,ɗaŋ murghǝ mandǝ mbuni kǝ Yesu ɓorghǝn Cogn. ⁴ Murghǝ mandǝ won yi fi laa ɗaŋ cini naadkǝni tǝ ghǝshi gyagyo ɗaŋ caa fi nǝghǝ yawon hǝŋ, nǝ durghǝ tu tǝ mbutar raa murghǝ dǝnwos mǝn . ⁵ Saɗɗa ǝŋ yan gon caa ga gaaghǝn ɗaŋ murghǝ lyaa kitar , wo naa ci gwaas gam hǝŋ she ya lsb ghǝn yo ɗaŋ tǝ kon. ⁶ A na cib murghǝ giighǝn kitn yo ɗaŋ caa mbǝrtǝ a laa ca kab ngǝtn yo ɗaŋ a tu ghai ɗa kites keni. ⁷ Ɓitalghǝn a ngǝtn yo ɗaŋ mya kon, duryo tu Daadǝn wo verghǝ yisǝŋ ghǝn a koni. ⁸ Ɓital Yesu ɓorghǝn Cogn ɗaŋ ambwaadi a vuɗi ghǝ Daudai , gyo ɗaŋ tǝ taa shisher tǝ a mǝn mǝskǝn . Gin yi a dulgam konghǝn vik wusnetn, ⁹ gyo ɗaŋ mya buŋ hal a tlii nǝ ghǝ naɗkǝnetn tǝ maraŋgusa ɗaŋ murghǝ maalghǝn . Bed tǝ gii vik Cogn nadkǝn tǝ maraŋgusa hǝŋ. ¹⁰ Nǝ durghǝ gii mya dlu vwa nǝ ngǝtn ɗebad nǝ durghǝ mǝn yo ɗaŋ tǝ bwaashi, duryo tu yaŋshi ma tǝǝtu vumghǝni ɗaŋ yigha Yesu ɓorghǝnCogn,tǝ zhimghǝni kǝ mbeɗi. ¹¹ Vii gin yi kǝrǝŋ -kǝrǝŋ:"Ken myaa mǝǝs tǝ yaani,maa fuud tǝ yaani. ¹² Ǝn myaa dluuvwa ma fi guŋdu cimtǝ . Ghǝn myaa wul tu a yisǝŋ tǝ hǝŋ ,yan ma wultu a yisǝŋ mi hǝŋ. ¹³ Ghǝn yaan minǝ mbuni hǝŋ ko dzaŋi gyo cinǝ gos nǝ mbuni,duryo tu wo nyaŋngas.gamas hǝŋ." ¹⁴ Yi ɓitalshi ghǝshi gya gin mǝn .Cashi yir a ken Cogn tǝ wutlǝŋ a dulgam gǝŋ hǝŋ. Nǝ durghǝ gin ngǝtn ghǝ mbuni wan ɗa hǝŋ. Nǝ durghǝ gin datsǝ ghǝn ɗa nǝ durghǝ gya gon ɗaŋ tǝǝ sǝǝ kǝǝm. ¹⁵ mbǝrghǝ a vǝr gama a Cogn ɗaŋ muryo ɗaŋ citǝ kabkǝn ,murghǝ laa gyoɗaŋ citǝ de tǝ ci dzuun hǝŋ, gyo ɗaŋ caa zhid vik jom-jomni. ¹⁶ Ɓǝǝl ghǝ tǝ vik kyamaskǝn gyo ɗaŋ caa daɗak dakkǝn laabkǝn Cogn. ¹⁷ Vii wasǝ wo kab lǝbi ɗaŋ gon nghǝyo ɗaŋ ,ca ,caa dlǝŋi Zaar ngub taskǝn. Ɗa gibi yan nǝ gya Himinayus tǝ Filtus. ¹⁸ Gyaa gin nǝ mǝn yo ɗaŋ taa gyaai a jom-jomni .Caa wul tu shishigǝn mǝn mǝskǝn a ta fii ɓanndǝŋ .Caa sughǝd caaghǝn raa gyaa goni. ¹⁹ Bed tǝ gii,tlyaaghǝn daɗi ghǝ Cogn yi kǝrǝŋ -kǝrǝŋ. Nǝ dlaadken ghai tu, Daadǝn ayisǝŋ mǝn yo ɗaŋ nǝ gos" tǝ " Konu ɗaŋ caa cim sǝm ghǝ Daadǝn a na cib tǝ ɓǝǝl tǝ ngǝtn yo ɗaŋ nǝ mbuni hǝŋ." ²⁰ A dǝn ngǝ tughǝn , nǝ gyaa kodkǝ jinari tǝ azurfa ngǝn wasǝŋ ghun cighai hǝŋ. Kod kǝ ŋamtsǝ tǝ kǝ gurnga cinǝghǝ laaghǝ dzǝkkǝni,gya gon nǝghǝ dzǝkkǝni hǝŋ. ²¹ Kuŋ gon ya a cop gamashi a laa yo ɗaŋ yi tǝ dzǝkkǝni hŋ. Taa war tii, ngǝtn ngǝ laa ghǝ murghǝ dǝnes ,nǝ ɓumtsǝ ghǝn nǝ durghǝ laa mbuni. ²² Kir ghǝn ghǝ mbiighǝn raa kǝ tlǝǝɓǝr .ŋal mbuni ,caaghǝn raa,suughǝn ,tǝ raa wusni tǝ gyaa gyo ɗaŋ caa cim a Daadǝn tǝ raa kad-kad. ²³ Bed tǝ gi nyaŋgas ced kǝn kǝ ɗǝgǝr tǝ gyo ɗaŋ nǝghǝ yisǝŋ ghǝn hǝŋ .Ka yisǝŋ tu caa ɓwaa wutluŋ ghǝn. ²⁴ Monghǝ Daadǝn a naa cib tǝ wutluŋ hǝŋ. A bamvi gii , a na cib tǝ na nǝ murghǝ mbutarghǝn gaam a konu tǝ dyaa tǝ zhid,tǝ dum vwa. ²⁵ A na cib tǝ mbutarghǝn gaam tǝ gid gyaa gyo ɗaŋ caa ga gǝǝb tǝ yan . Gon tsǝn ta Cogn fi tǝǝ gaa kuskǝ ngǝtn wasǝŋǝi nǝ durghǝ yisǝŋ ngǝn jom-jomni. ²⁶ Taa man sushi tǝ ngab gamawasǝŋǝi saɗɗa tǝ gaa lǝb shetani, ɗa kari ɗaŋ a ngab shi nǝ durghǝ fighǝn wos