¹ Mya kon gin shoŋ-shoŋ a ragn a ken Cogn teYesu borghǝn Cogn yi ɗaŋ wo ɗǝǝl vii mǝn gwaam mǝn tǝ mǝǝn mǝskǝn, nǝ durghǝ mbwaachǝn wosɗi tǝ guŋdǝ wos : ² kwaan vii wusni. mbǝrghǝi ghai ko dǝǝl ɗa ko yiɗa hŋ. Caa yir ,a motsar ,a sǝǝd , tǝ ɓuruk mbutar ghǝn gaam tǝ gidkǝn. ³ Duryo tu kiles wo man ɗaŋ zarsǝ taa dlu vwaa a gid kǝn ghǝ mbuni hŋ . Abam vii gi ,taa jwaam gama wasǝŋ malǝmshi mǝn ,kǝna suughǝn raa wasǝŋ. Taa yi fushi ghǝshi gya gi ɗaŋ kǝǝm wasǝŋ caa sui. ⁴ Taa nyaŋngas wumghǝn vik na jom-jomni , taa sushi a te dadingi. ⁵ Bed tǝ gi kyan, ɗakɗa a ngǝtn ɗebad. Dlu vwaa a buŋghǝni,fi laa murghǝ fughǝn vii wusni,yuŋngar laa wai ⁶ Duryo tu ɓanndǝŋ caa ɗilǝm ni shishighǝ nen a tuliɗi. ⁷ Ma gaa gaghǝn kǝ mbuni , ma ɓanndar kitareshi , maa num caaghǝn rashi . ⁸ Taa gaam waŋ gaam ghǝ zaari mǝn. gyo ɗaŋ Daadǝn ,murghǝ ɗǝǝlghǝn vii kǝ mbuni ,wo vǝrǝm ɗa dzaŋgi , nǝ myan ghǝ tan hǝŋ, bed tǝ gii ɓuruk ,gya gyo ɗaŋ vaa suu maaghǝn wos ɗi. ⁹ Mbǝrghǝ aman ɓasǝm motlak. ¹⁰ Nǝ durghǝ yo tu Dimas a gami. Caa su ɗǝki gin atli Tasolonika .Kariskis a tli Galatiya, yan Titus a tli Dalmatiya . ¹¹ Luka ghǝn wos ghuŋ mi cimtǝ. Ŋal Markus a man cimtǝ duryo tu cim,mǝn nǝ mbuni a laas. ¹² Ma shin Tikikus Afisa. ¹³ Kya nda maghǝnɗib lǝǝrǝm ngǝtn dlǝmghǝnen mǝnɗi ɗaŋ mǝ gaaɗi Taruwasa a karbusshi,tǝ gya tagarta vii Cogngǝi , ɓanndaŋ gya tagarta ghǝ dlaadkǝnes hǝŋ ma. ¹⁴ Iskandari murghǝ vadkǝn dalmai a ɓumtsǝ kusǝŋsǝ ngǝtn a dul gaman nǝ ŋaanyi hǝŋ. Daadǝn wo vǝrtǝ a bamvi laa wos. ¹⁵ Kyan bed ka ɗakɗa tǝ yan duryo tu caa gaa gǝǝb tǝ vii wom jwatn hǝŋ . ¹⁶ A kabkǝn gaman kǝ keni, gon ta dlǝr akaran hǝŋ. A bam vii gi konu ta kiirǝm. Myaa su tǝ vǝr ɓotsǝ laa gya gii a gaam wasǝŋ hǝŋ. ¹⁷ Bed tǝ gi Cogn ta dlǝr a karatn ndǝǝr tlyaam mod, te ɓasǝm konghǝnes ta yugǝi zuk-zuk, tǝyo tu ɓuruk mǝn ɗǝŋ tǝ wumi . Tǝǝb taa vummiɗi a vii gya zaaki. ¹⁸ Daadǝn wo kabmi ɗi ɓuruk a kusǝŋsǝ laa,ndǝr vummi nǝ durghǝ guŋdǝ wos kǝ tsogn von. Zǝkkǝni tǝ na ɓastǝ ndok-ndok kǝ ndok-ndoki. Ta naa cig. ¹⁹ Wuru Biriskila,tǝ Akila, tǝ dǝn ghǝ Onisifirus. ²⁰ Arastus caa tsǝynghǝn Korinti, bed tǝ gi mǝ ga Turufimus a gpngǝn Militus . ²¹ Vaaghǝ a man ,gjǝnda ghistǝ tǝ fi.Yubulus caa wutu ghǝ, cikenBudis ,tǝ Linus, tǝ Kalifidiya tǝ ɓuruk yesyǝ wom. ²² Daadǝn yǝmbii yǝ zhipti waa. Gyaal tǝ mbii tǝ kyaan.