¹ Nǝ gii, ɗaŋ ɓorghǝn kǝ Cogn buŋ a giɓkǝ dlii, myaani beɗ mǝ naaɗǝnmiwopi tǝ ɓitalghǝnni gi. Duryo tu ɓuruk gyo ɗaŋ ya buŋ a gaa fighǝn kuskǝ ngǝtii. ² Tǝ cik, dashi gin caa man fii tsǝtnngǝnngǝ laaɓkǝn ngǝtn dlii ɗa hŋ, beɗ tǝ gi caa finǝ ngǝtn suughǝn kǝ Cogn a buruk ɓanci tsǝtnngǝnwos a ɗǝgn. ³ Duryo tu dǝǝl monnda a laatsǝi ɗaŋ ma fi ngǝtn yo ɗaŋ mǝn ɗǝgn caa fii- yan nǝ mbǝllǝ, ngǝtnngǝ mbighǝn raa, tlyaaghǝn ɗuu, shaaɓ,tlyaghǝn kusǝŋsǝ ngǝtn, tǝ mbuughǝn gya waar tǝ ngǝtn nyaŋ. ⁴ Caa ɓitaltu nǝ sǝmmbǝri ghǝn kyaa fi ɗaŋ kyaa kaŋ gaamtǝ yaŋshi a ngǝrshi gya gin hŋǝi, she kǝnnda caa vyarki. ⁵ Taa kon ngǝtn fighǝn wasǝŋ a gyo ɗaŋ a ɓumtsǝ tǝ ɗǝǝlvii mǝn sǝǝghǝn mǝn tǝ mǝn mǝǝskǝn. ⁶ Nǝ de gin tǝ ta fuu vik wusni mǝn mǝǝskǝ beɗ, duryo tu, beɗ ɗaŋ tun taa ɗǝǝlshi vii mǝn a giɓkǝ dlii a saighǝ zarsǝ, ta fi tsǝtnngǝn ɗaŋ Cogn a giɓkǝ zhipti. ⁷ Ɓanngǝnngǝ buruk koni a naaɗi mel. Nǝ durghǝ gii, naan tǝ ngaɓkǝn gaam, ngaɓɓǝnbgaam a giɓkǝ ɓitalghǝn waan nǝ durghǝ karaghǝn Cogn. ⁸ A ken tǝ ɓuruk konni, fin taas ɗa nǝ durghǝ suughǝn dlǝŋsǝwaan, dur tu sughǝn caa waaɗ kuskǝ ngǝtii monnda. ⁹ Fin sǝmmbǝr dlǝŋsǝwaan tǝ kwaanngǝn mǝri vii hŋ. ¹⁰ Ɗaŋ yo ɗaŋ konu waan a kaɓ ngǝtn ɓyem, fin laaghai nǝ somngǝn dlǝŋsǝwaan. fin gin ɗaŋ mǝn numngǝn ngǝtn ɓyem kǝ Cogn, gyo ɗaŋ a vǝrmi ɓyem. ¹¹ Gyo ɗaŋ caa konni vii, tǝ kon ɗaŋ tu caa konni ngǝtnsǝ Cogn. Gyo ɗaŋ caa mbuunǝni, tǝ fi tǝ tlyaaghǝn yo ɗaŋ Cogn vǝrtǝ. Fin ngǝrshi gya gin durghǝ tu a ɓuruk tǝpi gyo Cogn ǝŋ tǝ tu luughǝn a te lǝǝɓ Yesu ɓorghǝnni kǝ Cogn zhaɗ zhaɗ. Tǝ naa cik. ¹² Gya naa suughǝnni, ɓak a gaa tu wuɗ kǝ diiɓkǝnni yo ɗaŋ a man kii mǝn nǝ ngǝtn sǝmmɓǝri hŋ, ko ɗaŋ tu nǝ ngǝtn sǝmmbǝri ghǝ caa tuu ki hŋ. ¹³ A bamvii gii, hal ghǝn yaan cii a giɓkǝ forǝmngǝ ɓorghǝnni ghǝ Cogn, tǝ polki, durtu tǝ polkiɗa tǝ mbaaghǝn raa ambwaaghǝnngǝ luughǝn wos. ¹⁴ Ǝŋ caa verki nǝ sǝm ɓorghǝnni Cogn, kinǝ mǝn mbuuni, duryo tu zhiptighǝ luughǝnni tǝ zhiptighǝ Cogn ci ɗaaki gaam. ¹⁵ Beɗ tǝ gi ɓak gaa gonwaan tǝ tlya forǝm tu cinǝ murghǝ ɗughǝn zaar, ko mǝǝr, ko murghǝ kuskǝ raa, ko murghǝ lǝǝghǝ lǝǝɓ hŋ. ¹⁶ Beɗ tǝ gi ǝŋ gon ya tlya forǝm tu cinǝ murghǝ laaɓkǝn, ɓak tǝ wum ndzuun hŋ, a bamvii gin, tǝ luu Cogn tǝ sǝmi gii. ¹⁷ Duryo tu kili a fii ɗaŋ ɗǝǝlghǝn vii wo ngaɓ a dǝnngǝ Cogn. ǝŋ ya ngaɓ tǝ myaani, ni ǝŋ wo naa nǝ ɓanngǝnngǝ gyaa gi ɗaŋ tǝ laaɓ vik wusni Cogn hŋe? ¹⁸ Ǝŋ yaan ''zarghǝ zaari a tu vumngǝn hyerɗ, ni ghǝn wo tu muryo ɗaŋ caa laaɓ Cogn hŋ tǝ murghǝ kuskǝ ngǝtn fighǝnne? ¹⁹ Nǝ durghǝ cik gaan gyaa gyo ɗaŋ caa tlya forǝm nǝ durghǝ suughǝn Cogn tǝ dlii raa wasǝŋ tǝ gaa murghǝ ndǝǝrghǝn kooni mǝn kǝ jomi, tǝ yi figyaa ngǝtn ndarara.