¹ Mya sǝǝɗ vi mǝn varaŋshi gya gyo ɗaŋ cigha dlei waan, myan beɗ minǝ mǝnvar ɗaŋ kyaani. myan saɗ ɗaɗa minǝ murghǝ tlyaaghǝnni zha kǝ buŋngǝni kǝ yan ɗaŋ nǝ ɓorghǝnni, kǝnnda saɗ ɗaɗa myan beɗ ma tuu bamvi gin ngai a zhimngǝni gyo ɗaŋbtaa nyolarɗi. ² Nǝ durghǝ gi mya sǝǝɗ ki vi kyani, mǝn varaŋsǝ yelǝnni ɗa nǝ tǝǝmsa Cognvon ɗaŋ cigha dlei wan. Lyaanshi, tu a ngaɓni ciɓ hŋ, beɗ tǝ gi yin tu kyaa suu cik, gyo ɗaŋ yinǝ suughǝnni Cognvon. Lyaanshi yan tu nǝ mbushi wurɓa ɗaŋ kaa fi hŋ, beɗ tǝ gi, tu raa wan kǝn a mbi ɗa. ³ Kaɗ aa mbi ɗaŋ tu kǝǝ moɓshi hŋ, zarsǝ gya gi ɗaŋ cigha taas waani. ⁴ Kili yo ɗaŋ ya nyolar dǝllǝk murghǝ lyaaghǝnni transaction​ ɗi, kaa taa gya gyo ɗaŋ zǝkkǝnniwos caa mbi hŋ. ⁵ Cik ɗa ɗaŋ kyani tlǝɓǝrtǝ laaɓǝn mǝn varaŋsǝ. Ɓuruk wan, a buŋ dlǝŋsǝ wan mǝn. Yan tu Cognvon caa nyaŋngas mǝn mbitǝgaam, beɗ tǝ gi caa gǝǝm shili wos mbutarghǝnni gaam. ⁶ Nǝ durghǝ gi mbutarǝn gaama wani a dǝllǝk taas kǝ tlyaai kǝ Cognvon nǝ dur yo tu ɗyaa mbi ki wani gaam gaami a kili yo ɗaŋba ndarani. ⁷ Shin tǝ ɓuruk koni waan ɗaŋ caa ki zhak zhak, nǝ durghǝ gu caa vuu nǝ kyaani. ⁸ Naan ɗa pasak pasak, kigha gaaghǝnni yir shoŋ shoŋ. Murghǝ nyaŋngas kǝni wan, Shetan, cigha ngyelaŋngǝn cigha nguwarghǝn ɗaŋ zaki caa ŋaal gyo ɗaŋ wo komtsak. Kaanǝni tǝ. ⁹ Dlǝrǝnni tlyaa tlyaa a caaghǝni raa wan. Kaa yisǝŋǝi tu mǝn caaghǝni raa ɗaŋ gwaani a ɗǝgn cigha dluughǝni vwa a buŋngǝnni nǝ ngǝtn namboŋ. ¹⁰ A kaar buŋngǝnni wan ŋaa njwatn caaghǝn kǝ gyal ɓuruk gyo ɗaŋ a cimki ɗi nǝ zhimngǝnni wos kǝ ndok ndoki, a giɓkǝ yan ɗaŋ nǝ ɓorghǝnni, wo caa kaa naai ɗa giri taŋ taŋ, wo dlǝlarki waani, tlyaaki waani. ¹¹ Guŋndǝ tǝ naai nǝ gos hal nǝ kǝ ndok ndoki. Tǝ naa cik. ¹² Mya sular Sǝlvanus nǝ yestǝ caaghǝn raa, mǝ dlyaaɗki mǝn ŋaa motl motl, a te raa wos. Myaa sǝǝɗki vi, mya ndǝr mǝ fuuki tu ngǝtn ɗaŋ mǝ dlyaaɗ nǝ shili Cognvon kǝ jomi, dlǝrǝn ngai ɗa giɓi. ¹³ Gǝɗi ɗaŋ ci Babilai, gyo ɗaŋ tǝ bwaaki cimshi ca wurǝki, cik kunetn Markus ca wurǝki. ¹⁴ Wurǝn dlǝŋsǝ waan tǝ ngaɓkǝn rumtsǝk kǝ naa suughǝnni. Raa wusni tǝ na ki mǝn a giɓkǝ gi ɗaŋ nǝ ɓorghǝnni.