¹ Biwu tliri na gamɗaya i wita kun a verayi da rawan?akshi averayi da ri intu gǝshi kun wara a tliri a gaɗava kun bai?. ² Kwan tunu amman kwa be bai kwa tik ammankwa cimau,kwa dumu biwu bai kwa tika tliri na gamɗaya kwa dumu bi biyu bai gaɗa kwa jayi bai. ³ Kwa jayi nda bari kun bai kwa jayi bǝlan bai,gaɗa kwa te dlama wana na atu i dak intu gǝsha kun. ⁴ Kun ndak tapai kwasga bai mangina na duniya bar akau i kakasǝku?Gaɗa kasǝn,duk nǝn taksuna mangǝna na duniya nin dlamin gǝri baci makuri sǝku. ⁵ Ko kwa tuman gu tilam sǝku dlam ramau kasǝngu i vattku nǝnwa sǝku wara npe tunawa makuruk sosai. ⁶ Amman kakasǝku bar na sukuna har atune be dawa tlamgu ram ma ''kakasǝku an cu baci tlatli aɗa bai,amma abar har i baci tsini aɗa. ⁷ Gaɗa kasǝn,ajibata aɗa kun i kakasǝku.A dlam mina ridi na lespirr a rawan gǝri da ri kun. ⁸ Adabina dantau na kakasǝku aci ne a dabaigǝri dantau na kun a viyina ami kun, kun nda aipo,a dalmina gǝshakun kun nda gǝshi shirin. ⁹ Adal mina ayuwa gǝshi,gigiyayi na adan,a mitsitsina gamas kun da kacin gara ayuwa gǝshi,arawai gǝsha kun ke iye a yuwa gǝshi. ¹⁰ A tsinana aɗa kun i kima mǝgǝnyi,aci ye a tsatsata na kun. ¹¹ Kwa jiba mbasta tika kun bai yaganaucin ga,ba ci mbasata yaganaucin gǝri ko ba ci galata yaganaucin gǝri,na rama be bǝlan bai i duk dumaya na galatak dumaya.In ci ka glatak dumayanin,ci baci wana na dumayabai,amman baci lagatau. ¹² Nǝnge tak baci bari dumaya na lagatau.aci ne getak gǝri baci dumura na dlimidgu.Ci tai,baci lagata maƙwabta ci? ¹³ To,a kirima, ci baci ramau ma ''gusku ko anzharu jaye ikun marin ɗa,janai iri tunu da dlam asik,ja ci riba''. ¹⁴ Zagan tai na beawakata anzharu,kun aro ci tam?be ci gaban tino miapayi i ikun laktu rapi da wayin gara. ¹⁵ Gada kasau ai jibin gara karamma ''iri mǝgǝnyi intitun jaye dla mak sau ko tseu ''. ¹⁶ Amman gusku kasau pariya na sapare a kakima dla zada pariya tuku gabshu be. ¹⁷ Gada kasǝn iri nǝn wara zigǝmu bǝ chanduwa amma dlam bai,dlamun gara aipo iri gǝri.