¹ Anna gusku,kun nda birid, aɗanina na kurwa gaɗa zada ayiwa gǝshi mi wara ani ƙimakun. ² liman kun aturaɓugara,kachunku mak dlamingara bik tak tarwa. ³ Zinariya na azurfa kun dlaminakshi na njanju njadau a dlamanakshi saida i dakun .Atana tliwi tikakun kaki aka kwatlikina vayakun gaɗa gafa dama yiwan. ⁴ Aka ngumu ndak wana atika adan,tsirim dabta ngumu ndak dlame kun karam ikun kaminkun kuru adan ndak karamgu zadangara i agud mǝgǝnǝu ba ci kirmai. ⁵ Kwa dlam mbasa kun go buka be ikun duniya,kuru kwa dawu na aɗakun ikun ƙimu karak.kwa wayina gǝshakun gaɗa gafa zayad. ⁶ Kwa hagatau na tik ba ci adalta waradlanmi kun be bai ⁷ Gaɗa kasǝn a dlamina kimar,yaganaucin,har sǝi laktu ni mǝgǝnǝu ''Akina kaki baci ciwai bigila mi annina karǝ kam na kanadi a diri gara da karmi tun da pi am sukur har iye dadigiru. ⁸ Kun ye,a dlamina kanadi.Adauzautina gǝshakun,gadu ni mǝgǝnǝu degara dantau kwa dlama ngurgur bai yaganaucin,i gadava kun. ⁹ Gaɗa na lagata kun bai akina,baci lagata ɗaidi amiya mafgǝ. ¹⁰ Akina ba,''yaganaucin dari sa bone,na kanadi na baucin,wara dlam rama ikun dligun mǝgẹnǝu. ¹¹ Akina, waraura ndawa dlama ƙimar,ndak barka.kwakima na zadairrdi mi Ayuba dlamu,kwasga na kurarum mǝgǝnǝu,kaki aci baci gawa mugurum nakanjino. ¹² Diga na be tawanke,yaganaucinga,kwa tayiɗa bai,ko na disku ko na ɗa,ko na zada tayin ɗa tawanke.Itsirin kasǝnu aivina ''auwa''kun da dlapangara ''auwo''in kwa ram ma ''oon''da dlapangara ''oo''gaɗa kwafgǝ kun haguta bai. ¹³ Na nǝn ,agavakun a tikasa bone bi? da dlama magita na pirɗi bi? da dlama ruwa gitlib. ¹⁴ Nabaci dagas bi agadava kun?da ɗaurina ndawa gasgaraucin ri magita da dlamia magita i aɗa giri dampi amai da zuwici mirak ikun dligun mǝgǝnǝu. ¹⁵ Magitak baci iman a gatu na baci dagas.mǝgǝnǝu a sukta na aci.In aci dlamana aipo nin kakasǝku a tabta dici. ¹⁶ Gaɗa kasǝn,a ramina aipo kun i gadava kun,kwa magita i kuna kun gada ndan ngata na kun.Magitak baci a dalta na awayau wana rankata. ¹⁷ Iliya nǝn gauwa ka ki wa,amman riɗi bai na magita gada da dlama am bai,kuru nda dlamu amgu bai i lardu har ƙi amman kwan na tira zudu. ¹⁸ Sǝi Iliya daskunyi dlama magita .Disku da pǝ am gaygeu da bari paida gara. ¹⁹ Yaganaucin ga,in har na nǝn nakdingiri da girewa nǝn dagai da kalaktina aci. ²⁰ Nǝn tunu dasgadu idak,dik nǝn galakte na baci aipo da divo dlagadgiri a ra na aci da ri mutu.kuru a cimana aipopin gawa.