¹ Ba mak ndawa gawa ne adlama nakshi mallam cin yaganaucinga,i nasgadu waye gǝni adalta meshapar. ² Gaɗa wamak wavugi ikun ndawa gawain har na nǝn mi vugu bai ikun tlam acu nǝn gawayak adumu na ciripta tika gǝri mak ³ Gusku in waduvu lijam i miya dokakin nǝn gaɗa dadguwa wa dumu miska tikakshi tawanke. ⁴ Akinawam idak da ragi am,ko da akshi marumamin yaye kuru ajumu bilakshi i zuwak mi awayam data aɗakshi na tipele gangam dagai har baci iyau dayiudu iri ancu. ⁵ Kasen ke mari be gangam da kun tika,amman a pakai na be marum,aki na be iɗa be gangam kaki cecka nda bitlinin atu na marum pata. ⁶ Mariyi atiye akka, duniya mi aibu ndak peu ikun guvutikawa,atlimta na guvutikau mak in danpe akanata na aro atu na aɗa gara aka da mazgai ⁷ ikun zada marmamin bipada tawanke,ɗutatin gangamin bi pata,nabi kun anku wara dajiba,nǝn ayuwa a dimuna jibau wunduwa. ⁸ Amman í́da maryi,na nǝn bai mi adimu na aɗau;ga myak na tsirika mi tikgǝnǝn ⁹ Na atu wa gǝtlip migǝnyi na afuk,kuru na atu wakaram miya in ndawa wara da dlam nakshi ikun gagǝnawakshi ¹⁰ Zam da kun miyatunwan averayin barka nakaran miya yaganaucingu jamdau da wakata bai. ¹¹ Biwu pakai am a verai da miya dladik da tunu,gawai ka na dunimnim na ɗigwagwak bi? ¹² Biwu yaganaucinga,wakaayawu adlama na zaitun bi?ko wa ki mabi a dlama ayawu?kasǝnke ambeza abar am dinnimnim bai. ¹³ Nda ba ci gǝrayu na samuta ikuna kun?Ndaira nǝn tungu da tatki mbasugǝri bǝlan da ri kun asim na laitli ada. ¹⁴ Amman in kun ayuwakta gǝshi na azamak bik be igǝshakun,kwa dlama pariya na ngaɗar i dak jirewa bai. ¹⁵ Su za da asim mi a fuwayi da disku bai gaɗa kasǝn ki duniya mi go nǝnwa suku,amman ki lespirr. ¹⁶ Gaɗa gid ri ta gǝshe akunun na ayuwak malca bǝ i ri tin ne nda bi tlatli ankal na zadak wana kimangar tawanke. ¹⁸ Kuru kutlai wara a fuwa ji ikun salam i gadawak nda tawas amanma.