¹ Yaganaucin ga,kwa jiba iman bai ikun mola yeso magǝnyi ,mola ki kirmai, na tatiko intuado in ndawa ɗagai bai. V 2 In har nǝn ɗagai tifu kun cacpa kun na kuyo zinariya a gurbakgǝri,na kachum bǝlan,sǝi so bace tliwa ɗagai cum da tifei na kaklum mi na yem. ³ In ke ka baci dawa kachum bǝlangu sǝi ka ramici ma,''mallam ambashi ritiku wara bǝlan''Amma ka rime baci tliwa,''ci atlu i ri teu''ko ''ambashi dida zigirga'' ⁴ Kwa tika hagata bai i gadava? kwa dlam naku nda hagata na gabshu kuraram bai. ⁵ A kirimtanau yaganaucin intoga,beuwu kakasku chikɗo ndak tliwa kǝ kun duniya tuku da dlapo nakshi ndak birid ikun iman da nabnashi nda gadota wuduwa gǝri wara aci alkawartatu ndak intu gǝri bai? ⁶ Amman kwa karna ndak tliwau beuwu ndak lemangu bai wara a takadkun? Akshi bai wara aya nakun i shanram? Akshi ne bai wara a nanga dligum bolan wara kwa kunu? ⁸ Dik na kasǝnu,in kwa chiribtuna garrak dumaya,ka ki be tǝlamgu ramu 'kwan tuci makabot kun kaki ada kun.''kwa dlam na bolan. ⁹ Amman in kwa tsaktsakta ndawa dagǝri,kwa dlam na aipo,nda hagatina kun da diro dumaya kaki ndak kitli dumaya. ¹⁰ A tiro in nǝn tawanke wara chiribtuna dumaya mak amman da shi na aɗa gayi to nda tibna aci na cinok kǝ kitli dumayau mak. ¹¹ Gaɗa nǝn baci rame ma ''ka dlama tapai bai'' kuru da rami ci ma ''ka tika nǝn bai''Amman sǝi ka kurci dlama tapai,Aman sǝi katikina nǝn to ka dlam na ci baci kitli dumaya. ¹² A dlam rama na wana kaki ndawa wara daye kagalatakshi da divo dumaya ki tlikda aɗa. ¹³ Gaɗa kagalata ani mugurum i ndawa wara tatiki mugurum bai mugurum.Mugurum a disku kagalata. ¹⁴ Paidam tam yaganaucin ga,in nǝn ɗagai ramma aci na iman ,amman in aci na wana bai?Iman tunu aro na aci? ¹⁵ In har aci yaganau ko atu yaganau na kachun bǝlan bai kuru na biktu bai gafu. ¹⁶ sǝi nǝn gayi da kunakun da ramikshi ma ''a ji kun salam.A dapi kuɗǝm na wayu''In kwa barikshi bǝ wara gafiɓak i tika bin zada bǝlan tawan sungu? ¹⁷ Ka sǝn ke iman na aɗa gara na wana bǝn gamtak. ¹⁸ Zawan nǝn ɗagai arama ma ci na iman,kuruma iyu na wana atakka iman ci go wanakuru, iwu ye na tatkadici imanga dari wana ga ¹⁹ Karka bara na jirewa na kakasǝku gayi ka dlama na bǝlan amman ko lispur bara na jirewa wara akshi a jiganta ²⁰ Kancu kasgaci nǝn vatku;ma iman go wana dlamun gara vatku? ²¹ Bǝu Ibrahim afawa bai wara tatku wana gǝri da ritu bata Ishaku,wun gǝri sanam a i sǝku?kwe kadu iman a dlama wana na wana?kuru dari wana iman gǝri ga ban kwasatak. ²³ Marum sǝku jibkingara wara ramma,''Ibrahim bari jirewa i sǝku gada sǝn gasaunuci baci adalta''kuru da daura gǝri manga kakasǝku. ²⁴ Kwekwadu da zigir go nǝn dan tuta wanagǝri amman dari iman rugarabai . ²⁵ Ba ikun kasǝn ne Rahab kilaki aɗu gara da ri wana taktu atu zitapo na mawanaucin,da kugu da jinblinnakshi da duro damu bai? ²⁶ Kaki mi wara tiku aɗa gayi na nǝnwa bin gamtak?kasǝn ke iman aɗa gayi na wana bi gamtak .