¹ To ko alkawar sukurgu na linok na ri chacpa. ² Gada i cube nakwana susau mi da sapartiu, susau ke sukur, ri ampayi tutulam, na kwajere na borodi, da daurau ma ri mi go aipu. ³ Da aku baburam ke mashirin na susu dagai mi da daurau ri mi dikadu go aipu. ⁴ A tuna bagadi dinarr gada aturshan, atu na akwati alkawar, mi da saspitu na dinarr kunu na wurzu. I kunu gara na dawi ke dinarr mina manna i kunu, sawa Haruna mi dlam na duwayu, na allolin guguyak kek alkawar. ⁵ I dusku na akwate alkawar na ginawa ke rubobi dak saksakta mi a nunuwa i miya akwate gu. Da dumu dlama bayani tlaparr i adakshibai i gususku. ⁶ Da aku da saparti na bitku, pristaucin fatawanke afupa i susau kek vida kek cube nakwana da dlam wanakshi. ⁷ Amman marum prist rugiri atufa i susau ke mashirin, zigir gayi i aman, amman dolle datfi na didim sanam kek ada geri na kek ndawa mi da dlamu aipu na zagayubai. ⁸ Nunuwa Suku tatkiwa ma dawurmi da tatkiwa nye ri mi nikadu i go aipabai muddin cube nakwana kek Sukur tun dar'i. ⁹ Sutku dlamungara bayani ida lakwtu gususku na bari na sanam ged mi da bari'u akshi batabai da dawi da lura kek baci nakwana da dlabi kalkal. ¹⁰ Bikta na kek sa rugara da nupka na gemuri kek viya dama-dama. Sutku ged saparta saparta ne mi da dlam gada da jib dlamau i patata herr se da ddlam na karara devu. ¹¹ masihu deu i basu marum prist kek be bilan me deu dari marum cube nakwana , da dama mi go aipu tlapar mi dalmatu na ami ndawa bai, mi da dlamatu dari duniya tuku bai. ¹² dari didim akwakwin kek kutli tladin bai, amman masihu na didim geri tufi rigo aipu tlapar zigir gaya gada tike na tike da gine diwa ra mi go dadigiri. ¹³ To in didim akwakin na kek tladin na pi bubud ke akshiyak i da ndawa mi na aipu a dlama nakshi go aipu nin daviyi nakshi, ¹⁴ to balle didim masihu, mi dari Nunuwa mi go dadigiri da bar na adagiri sanam migo aipu i suku, mi aviya lamirawa dakun gamtak wana gada wa dlam guszapuna i kakasuku baci aro? ¹⁵ Gada dalil tuku, masihu aci ne kwargum kararsa alkawar tuku. Sutku wakatune gada da dlam na mutu mi dlikdina nen tawanke mi a digana alkawar dari sakamako aipapinshi, gada ndawa mi Suku daurakshi dagin alkawar godokshi mi go dadigiri. ¹⁶ Gada ged ri mi nen dagai tarni wasiyu daividu, dolle ne da tabbatati na mutu baci wasiyau. ¹⁷ Gada se ri da dlam mutu kapin da dlam wana na wasiya, amman na paida wambai in baci tarnau na aron. ¹⁸ Ko alkawar sukur tabbatatibai se na didim. ¹⁹ Gada aku nabi musa barna dumaya i ged ndawa, se dami didim akwaken nagi tladin, ged na am, na buu yadi na gabta waladoddoya mi soso, da wurwura i da ndawa na kakkadu dumaya. ²⁰ Dari tunu da ramma, "su ne didim alkawargu da ri Suku bare na dumaya i kunu." ²¹ da kasun, da wuwura didim i da cube nakwana na ged kare mi akunu na mi wana pristaucin na atu. ²² Kuru dari dumaya, kasun ged be na didim da dlama natu go aipu. In na pi didimben na tupta aipu bai. ²³ Gada kasun dlamun gara dolle karetku kek genawa kek be mi a dusku da dlam nakshi go aipu dari sanam ke fayin. ged na kasunu kek dusku dolle da dlami na akshi go aipu bi sanam blan tlabarr. ²⁴ Gada masihu tufi iri migo aipu tlaparr mi da dlam a amibai, mi wara genawa kurum ke be mi ko jirewa. Isurinsu, tufin geri i kunu dusku na adagara, sanam dayi i kema Suku gadawa. ²⁵ Ji ri tunu gada dabar ada geri zigir gawabai, kaki mi prist kek cube nakwana a dlamau, mi atufa ri mi go aipu tlapar ged aman na didim fayin. ²⁶ In kasunin, dolle dashi bone i dau i dau tun sukur duniya. Amman gususku da tatki ci zighir gayi i dama zaman gada da tupti aipu dari bar sanam a da geri. ²⁷ Aturo da kadartidu i nen tawanke damti zigir gayi daku sunu se kagala. ²⁸ Kasu cam Masihu mi da baraci zigir getak gada damu na aipapin ndawa gawa, a pakayi kek mashirin, gada wana tupta aipapin bai amman gada ra ndawa mi adigiri na kemar.