¹ Gusuku be wancu warami atu ne: jana marum perist mi dan mbasu i ami mata ke garva mi martapa mi a dusku. ² A ci kuwa gabayi ne irimi go aipu, ri cacpa kek jirewa mi SDuku dlamu nen gaiwa dagi bai. ³ Marum perist tawanke a bar bari na sanam gada sun kamatingara dabi na bik sanam. ⁴ Da masihu a danuya nen da aci dlam marum prist bai ke rab. ⁵ Gada na dakbar sanam kaki mi dumaya ramu. a hidima milsa nunuwa mi a duskune. Ka ki mi suku gabdi Musa lakwtu mi ashiri lema susau chacpaa:"iki" Suku ramaya, "A dlama betawanke kaki mi da tatki ci ida guguyak. ⁶ Amma gususku wana mi Yeso genu dikana kakshi ged, gada acine baci rili gadava kek alkawar bilangu, mi da damu ada alkawar bilan. ⁷ gada in alkawar sukurgu go aipu, da go rama kek mashiringubai. ⁸ Da Suku ba aipu ida ndawa, se da rama, "na dlam na karara alkawar na wunduwa israila na yahuza. ⁹ A dlama ka ki mi na dlam na kakacinkubai ka ki zarakshi mi na dlam i kunu aikok ga na de na akshi da gagi masar. Akshi ta kema na alkawargabai, i kuwa na dlam na watku na akshi," ramun muginyi. ¹⁰ gasu atune alkawar mi na dlamau na wunduwa Israila uku Yuwan tuku, ramun megingyi, na dawa ramaga i miyakshi ke na tarnau i gizhakshi, na dlamanga suku i akshi, akshi ke a dlama nakshi nda ganai. ¹¹ A gugzabai i makaputshi na yaganaucin shi ma, "asgina Suku" gada gedshi a ziginayu, tunu da da gaggamm kunakshi her 'nye da marumgu. ¹² Na tatka kanjino ida wanakshi kek rahi adalta, naskunatana aipapinshi bai. ¹³ Dari ramau ka ra ra," kek sukurgu dlamungara gamana. Be mi dlamungara gamana adantauna.